قبل صمت المكان وصمت ذاك الشارع المفجوع
سكن صمت الزمن فيني عطيت البوح مفتاحه
ابصبر واحتضن خوفي واعزي قلبي الموجوع
مدام الحزن مزقني وغطى القلب واجتاحه
بقى من ذكرياتك طيف ودمعه من بقايا دموع
وطعنه في وسط قلبي قليل ان قلت ذباحه
ابمشي دربي المجهول على باقي اثر منزوع
وابدفن قلبي المقتول بحسره في ثرى اجراحه
وانا ادري من بكى بعده عيوني مع ثنايا ظلوع
واشوف الشارع المفجوع خلا من باقي افراحه
محال إن الفرح يرجع إذا كان الأمل مقطوع
يتوه بزحمة الظلمابعد ما ضاع مصباحه
قدرنا قبل ما ندري على كف الهجر مطبوع
وموج الحب ما يقوى على الهجران ورياحه
بعد ما كنت اقضي الليل معك واشعل فرح وشموع
بقضي الليل مع طيفك ومع دمعات سفاحه
ولا بسال وش اللي صار ولا بفتح معك موضوع
مدام ان القرار افراق حكمتي فيه مرتاحه
رد مع اقتباس