نبض الإحساس .. سجّل احساسك في هذه اللحظه

[ثابت الخطى]

جيت لك والشوق فينــي ماله حدود ونهايــــه
جيت لك تعــبان مره من عذاب له سنيني

ادري انك حافــظ طبعـــــي وقاريني قـــرايه
وتدري اني غيرك انت ماتمــــنيته عوينـي

تكفــى ريح خاطر اللي ذاب مافــيه الكفايــه
قامت الدنيا تحده من يســــار ومن يمـيني

صار وقتي يبغا موتي صار وقتي من عدايـــه
مايهــــمه غير تعـذيبي وجـــرات الـونيني