(((( البارحة ربي كتب لي ومريت ))))

[نسر البوادي]

البارحة ربي كتب لي ومريت
..دربٍ عليه بروق الأحباب لاحت

جيت المكان اللي جمعنا وخفيت
.. وقامت جروحي للجوارح وصاحت

ياليتني في لفة الدرب زليت
.. كان العيون من الدموع استباحت

التم غيم الدمع من يوم لفيت
.. وورقا القصيد لشوفة الغيم ناحت

وضحكت ماأبغي الناس تدري يبالفيت
.. لكنها غصبٍ على العين ساحت

حارت دموعي في عيوني وصديت
.. وأرمشت مابيها تبين .. وطاحت

وعقبه برق في العين براق .. واسقيت
.. خدي ووناتي بصدري تلاحت

وأنا أحسب إني في فراقه تشافيت
.. وان عبرتي من مدخل الزاد زاحت

اللي يحسب إني على البعد سجيت
.. والا ان عيوني للرقاد استباحت

ياليتني من قبل لا أحبه اقفيت
.. والا ان دروبي عن دروبه تناحت

أهون علي من البكا والتناهيت
.. وأشلا من سدودٍ على الناس باحت

عرفت كيف الحي يفرق عن الميت
.. وعرفت قيمة نعمتي يوم راحت

قولوله اني عقب بعده تدانيت
.. ورجلي عن دروب المعافين شاحت

البعد نار وطاعة العذل كبريت
.. يقصر على بعده .. ترى الكبد فاحت

[تباشيرالأمل]

يسعدصباحك ربي
الله اختيارجميلة
قصيده رائعه
من القصائد المحببه لي
شكرا لك

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تباشير تسلمين ياذووق على مرورك الراقي سررت به جدا

[نسر البوادي]

نواره شكرا على مرورك العطر سررت به جدا تسلمين ياذوووق

[مفآهيم آلخجل]

ذآئقة رآئعة

إنتقآأإء مميز

كل آلشكر لك...!

[رايق البال]

هلا فيك لاند ..
نص واختيار كالعاده لايجيده سواك
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[عملاق الشعر]

لاند


ذاااااائقتك دااائماا رااقية

نص جدااا رائع اخي



سلمت يداك المبدعة وذوقك الراقي

[مس ماريانا]

لاند..

جميل انتقائك اخي..
موفق

[حبي خالص]

نص جميل أخي لاند
يسلم ذووووقك