يومي كان طويل نوعا ما، خاصة لأني للحين مو نايمة عدل..!
اكره هالشعور لمن الواحد يكون نايم وهو اصلا مو نايم ويحس باللي يصير حواليـه..!
هذا كان حالي البـارح..!
بالغصب قدرت اقوم من فراشي، ما قمت إلا من جاني خبر انه لازم اروح للدوام اخذ اوراق التأمين تبع السفر.!
اضطريت اروح لأخر الدنيا هونيك في روي..! اخذت الأوراق..!
وبعدين رجعت للمكان اللي حاليا انا فيه، لانه كان عندنا اجتماع، نشوف رايهم باللي حطيناه..!
والحمدلله ال ceo وافق على أغلب الحاجـات، وكان مقتنع ان اللي كنا نقوله صحيح..!
الإجتمـاع مر بسلام ولله الحمد.!
رجعت البيت، انواع الإرهـاق فيني.! إلا اختي تقول رتبتي اغراضك؟؟
قلت لهـا لا..! << والحين أحاتي كيف بخلص ترتيب هالشنطة
على كثر السفر والغربة اللي عشتها، ماعمري عرفت ارتب شنطة سفر.!
اتصلت في أخوي، على أمل انه يروح يسحب لي مبلغ عشان يحولوه لي لدولارات.!
ولا حصلته، الأخ رايح سيفه مع ربعه << انا على عمري هذا ما اعرف وين هذي سيفه.!
اضطريت اطلع مرة ثانية من البيت، رحت للبنك وسحبت المبلغ المطلوب.!
رجعت البيت، إلا اختي تقول ما قلتي لي، كنت عطيتج فلوس تحطيه في حسابج عشان تشتري لولدي ملابس من هناك..!
انزين يا اختي يا حبيبتي ليش ما تكلمتي قبل.!
بس طاف بكرة بوديه.!
وتو ربيعاتي يراسلوني، يقولوا خلا الموج.! وانا الراس عندي مسطل خلاص.!
يخلصني اروح لهم لهناك ببجامه نوم
قلت لهم مروا لي البيت، وحدي ماروم اسوق، ماعدت اقدر اشوف شي قدامي.!
انواع الإرهـاق
الله يعيني
رد مع اقتباس