°ˆ~*¤®‰« ô_°يوميآآآآآآآآآت ومدونـة ديفل آآآآآيز°_ô »‰®¤*~ˆ°

[devil_eyes]

واللي مصدعني زيــادة هو زروق << عندنا ببغاء مسمينه زروق، من ازرق
هذا شكله
v
v
بس هالصورة من النت، هو نفس اللون وكل شي




وعـاد هذا زروق يحشر البيت حشر لو ما يشوف اختي..!
اختي اللي اكبر مني هي اللي تربيه، وصاير عاشق ما لاحق..!
والأخت الفاضلة، حضرتهـا طالعه مع ولد اخوي توتو..!
وعاد زروق حاشر لنا البيت مع صريخـه..!
انزين عزيزي زروق، فيه ناس تعبانه جايه من الدوام ممكن تسكت؟؟ لا ما ممكن..!
طيب فيه ناس تبي ترتاح ممكن؟؟ لا ما ممكن.!
طيب تبي اغاني؟؟ لا ما يريد إلا اغنية twinkle twinkle little star
سوا كوبي في يوتيوب وراح تعرفوا زروق وش يحب يسمع..!
انزين زروق بجيبك عندي الغرفه بتسكت ؟؟ لا طبعا ما بيسكت، إلا بيحشرني انا بعد..!
يعني خربانه خربانه..!
انواع الإزعــاج الله وكيلكم..!

[devil_eyes]

البنات عاد اتفقوا وخلصوا وانا خبر خير..!
تو بس اشوف نقاشهم، حددوا الوقت وحالتهم حاله، وانا توني اعرف..!
المهم اني قلت وحده تمر علي، سكرانة نوم وارهاق يعني ما افيدكم بشي..!
وحده خلاص قالت راح تمرلي، بكذا الحمدلله عدت على خير..!

تو المشكله ما هنا، المشكلة من يقومني عشان اتجهز..!
والغباء الغريب اللي صاير فيني، تركت كل مكان في الغرفة، خذيت الكمبيوتر، ورحت اجلس بزاوية الغرفة.!
شي غريب على قولة خيو شادو

[devil_eyes]

اخليكم الحين، اروح اتجهز قبل لا يحشروني حشر..!
نشوف وين بيودوني اليوم..!
انزين تو انا فوادي في فيمتو مال موريش كافيه، يستوي يودوني لين هناك؟؟ اعتقد بيصفعوني لو قلت كذا..!
احسن اسكت واقوم اتجهز

[devil_eyes]

يحححح انا وصلت البيت..! حمدلله على سلامتي بصصص
طبعا خليت البنات يمروا علي، لان البر ما كنت بقدر اسوق،
جلست السيت الخلفي، وشوي واشخر بس للأسف البنات اللي طالعه معهم لاعيات رقم واحد خخخ << فديتهم انا
رحنا الموج، توني اشوف المكان كذا متغير، زمان ما رحت هونيك ياخي
وانا بالسيارة، صرت اقول، ياخي انا كأني شايفه هالمكان قبل؟؟ بس وين ياربي..!
إلا وحده تقول هذا مثل جي بي ار اللي في دبي بس مصغر << قلت لها انا ماروح دبي وايد..! اكيد مو هونيك..!
وفجــــــــــــــــــــأة تذكرت..!
اهـــــــــــــا يشبه اللؤلؤة في قطر...! بس الفرق انه هناك كله محلات اغلى منها مافي، فيراري، كيرتير وربعهم هع

المووهيم رحنا كريب كافيه..! طلبنـا وخلصنـا، وعله كأنه طلبنا بيت شعبي..!
لو طالبين بيت شعبي، كنا حصلناه، والطلبية ما وصلت هع

بعدين طلبنا ايس كريم قبل ما نرجع للبيت << سوفتي طبعــا
وطبعا الهندي، معجب بوحده من البنات << خخخخخخخ اصلا هذي كل اللي يعجبوا فيها هنود..!
ياخي للحين ما فهمنا سر هالمعجبين فيهااا..!
واحد مال ايس كريم، واحد خياط، بس زين بعده واحد طلع طبيب اسنان << فيه مستقبل مشرق هع خخخخخخخخخ
صورت كم صورة وفيديو في السنااااب هع هع هع << ماقدر امسك نفسي ياخي هووع



الموووهيم انتو وش جالسين تسوا؟ على فكره ترا بعدني نعسانه، وهالتخريف يحتاج اتاكد منه بكرة
ياخوفي اكتب فضايح وانا مادري هع

[devil_eyes]

تصبحوا على خير، العقل مسطل على الأخر، ولازم اصحى بكرة الصبح
لازم اخلص حاجات لا اتعرقل بعدين
الله يعين، الظاهر بيكون يومي طويل كمان

في حفظ الرحمن آحبتي

[devil_eyes]

فيه احتمال ان هذي راح تكون اخر مشاركة لليوم..!
بروح اكمل ترتيب الشنطة، اللي ما راضيه اخلصها من الصبح..!
الناس تنام وانا بقوم عشان اروح للمطار..! الله يعين بس..!
اكره رحلات اول الصباح، لوعااااااااااااااااااااان...!


نشوفكم على خيررر، واللي يبا يتواصل معي، وما حصلني
يتواصل مع الإداريـة تناهيد روح << ما راح تقصر وبتخبرني كل شي..!


في حفظ الرحمن احبتي وربي يعيني على المسافـة الطويلة

[devil_eyes]

دف دف تحييكم من العاصمة الامريكية

لازم احكي لكم اللي صار بس وقت ثاني
الحين جالسين ننتظر الغدى

[devil_eyes]

اليوم؛ الجمعه
الساعه: 5 الا عشر العصر


واخيرا خلصنا كورس هالاسبوع، كان اسبوع طووويل ووووايد ومرهق
بس الحمدلله عديناه بسلام
الناس طيبين هوووون وحبوبين
تعرفت ع كثيرين من الكورس
وما قصروا ساعدونا في حاجات كثيره بالنسبه لهووون


اهم شي الشوبنج عندهم عجيب، ماعندي الا الم كاني مال البلديه اخذ كل شي!
الظاهر راح احتاج اشتري شنطه كبيرررررره عشان احط فيها الحاجات اللي شريتهم وبشتريهم!



راسي يعورني من فرق التوقيت؛ انا متاخره عنكم الحين ب 8 ساعات
نوم العوافي لكم ودواره حلوه لي انا


اوف اكره اكتب بالفون لان ما راح اقدر ارتب الكلام هههه

[devil_eyes]

دف دف مريضه من الجو البارد اللي هنااا!!
والقهر الاكبر اني نسيت اخذ جاكيتي الثقيل اللي احبه

[devil_eyes]

ياخي حذفت مواضيعي من السبلة العامة
اوين منزل موضوع من تفتقد من الاعضاء راحو ينقلوه الى المكرر
شو عرفهم بالنقل هذيلا
مواضيع تعبانه و من كلمتين و مكررات
من زمن الغوص الناس تناقش فيهن هع
بس ما ياات الا علي اناا و ع موضوعي
بالله عليكم هالموضوع وين مكانه ?
وشوفو رد الشكوى
http://omaniaa.co/showthread.php?t=14134&highlight=
قنعوني بس الشيمه هع

انا ما يكربني من هذا الكلام كله اللي صار الا انه يجيوا ويقولوا انت او انتي كنتوا في الاداره سابقا!
وتعرفوا كل شي!!
ترانا لاننا كنا في الاداره، فاكيد اننا عارفين الاخضر واليابس، واللي نكتبه ما جاء الا من الواقع االلي شفناه وعرفناه!!

وبصراحه الترويح ما تنفع انها تكون القسم المناسب لهذا الموضوع!
انك تشتاق لشخص هيك نت اللهغير
ولما تشتاق لناس كانت لهم بصمه ف اقسام السبله ، هذا موضوع ثاني
والمفروض يكون مثبت لان هالمواضيع كثير كان يتم تثبيتها
الا طبعا او تغيرت القوانيين اللي حافظينها مثل اسمنا لليوم هذا


المهم بعد صح تذكرت، وين اسمي من القائمه الطويله << خخخخ
ادري ادري كنت تبي تكتبه بس غلقوه بالقفل المشهور قبل ما تحطه << تحاول ما تحبط نفسها هع هع