نبض الإحساس .. سجّل إحساسك في هذه اللحظه

[حبي خالص]

[ ك ذ ا ب ] .. من قال البكا / فيه راحـه !
| ذبلت عيوني من دموعي ولا ارتحت |..

الحزن .. يا اخذ من ضلوعـي مساحـه
والوقت / يجبرني وانا .. ما بعد طحت !

[حبي خالص]

مدري وش اكتب فيك أحترت وياك
كل القصيد إللي مضى ما عجبنــــي
ودي بقصيدة تفتخر في مزايـــاك
وأقول طيبك ياحبيبي نهبنــــي
وتدري وش إللي شاقني في سواياك
قلبك كبير وبالمحبه سلبنــــــي

[حبي خالص]

جيتك وقلبي دقته تسبق خطاي
...................جيتك اقول مفارقك ماقويته

جيتك وان ماني بأنا تايه الرأي
...................جيتك وانا مدري وشلي بغيته

انت الوحيد اللي يرد بسمة شفاي
...................وانت الوحيد اللي بروحي فديته

[الشيخه الفلانيه]

-


من بعيد كانت الصورة جميلة
في عيوني جداً المشهد فريد !
من قريب صارت الصورة بخيلة
ممكن أتعرف عليك من جديد ؟

[الشيخه الفلانيه]

-


براءتي وينها .. ياقسوة ايامي ؟
ملامحي من كبرت الوقت غيّرها
اموت واعرف هنا وش كانت احلامي
ساعه وانا اكبّر الصوره واصغّرها !

[الشيخه الفلانيه]

-


الوقت قاسي ؟ ولا انا كنت حساس ؟
بس أعترف ما كنت : قـد أنكساري !
والطيحه اللي .. دونها تضحك الناس
بكره تكون : أول سبب لـ أنتصاري !

[الشيخه الفلانيه]

-


محد يستاهل أشكي له و يسمعني ،
سوى صدري الذي باقي على خبري .
أنا ما احتجت لك يا إنت ، لكني ،
أنا مقدر أحط راسي على صدري !

[الشيخه الفلانيه]

-


اللي فيني ما يوصّله الكلام ..
و كل إحساسٍ بقوله : ما أكبره !
ممتلي به حب وإحساس وغرام ،
ولو يبي هالكون أهجْره ؟ - بأهجره !

[اسطورة لن تتكرر]

اللهم قد اصبحت في هذا اليوم المبارك
ولي احبة تراهم و لا اراهم
وتعلم حالهم و لا اعلم حالهم

اللهم ان كانوا سعداء فادم عليهم سعادتهم و اتممها لهم
و ان كانوا غير ذلك ففرج كربهم
و يسر امرهم و ازل اسباب همهم و غمهم

وسع اللهم لهم في ارزاقهم
وآتهم في الدنيا حسنة و في الاخرة حسنة و قهم عذاب النار

اسعد الله صباحكم و نور جمعتكم
و ادام الخير عليكم اجمعين

[الشيخه الفلانيه]

-


مستعد أصبر على فقدك و أكابر
و أبلع العبره و أغمّض عن طيوفك
- بس عطرك و الله أليا مرّ عابر ؟
كنّي ألمس راحة يدينك و أشوفك