حينما تُحبُّ الخيرَ لغيرك ؛ يُحبُّك الخيرُ أكثر .. ~
♥♥♥
حينما تُحبُّ الخيرَ لغيرك ؛ يُحبُّك الخيرُ أكثر .. ~
♥♥♥
روووووووووووعهالمشاركة الأصلية كتبت بواسطة شمايل الورد
الهنوف الساكنه بين الضلوع المنحنيه
والله إن تبطي وتبطي ماتناحت عن سكنها
إهنفت قلبي بلا ميعاد بالعين البريه
وأرحلت عني بلا ميعاد ويل القلب منها
خابرنها من لدود العين خفره مستحيه
وخابرنها مهرةٍ ياصعب تجويدة رسنها
وخابرنها من حلاها ماأتركت لأحدن بقيه
كنها بعرش الحلا متربعه تآمر وتنها
وخابرنها لاتثنّت ؟ أرسم بلوحه بهيه
ثمرتينٍ ناضجه من نضجها ميّل غصنها
وخابرنها تحبني وتشتاق لي وتحن ليه
وخابرنها خابرنها والله اني خابرنها
ليه خلتني معرّض للرياح الموسميه
وليه خلتني بلا علم بمرابعها ووطنها
قبل آنا لامن حزنت القى من يهون عليه
وعقبها أحزاني يتيمه مالقت من يحتظنها
واوجودي وجد من نص العزا عيد الضحيه
آتوجد وآتكتم لكن العين إتعلنها
اشهد بإن الوفا في شخص ماعاملك زيه؟
مثل من خلا فرايضها ويهتم بسننها
اسنتينٍ منها والشوق ناره مصطليه
وغلطةٍ منها وانااللي للأسف دافع ثمنها
أنتظر مرسالها والإنتظار أكبر بليه
ولا لفا مرسالها من يوم ماقفّا ضعنها
بس تبقى ساكنه بين الضلوع المنحنيه
لو نحت عن ناظريه ماتناحت عن سكنها
عادتي لامن حملت لشخص حب ومقدريه؟
لو تناسا مانسيته .. عادةٍ ماأجوز عنها
سعيد بن مانع ..
-
( وٰ إني قويه بـَ ؛ رب السمآء ).
من قيض دنياي جيت أدوّر ظلالك
وأرتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق .. وقل حيلاتي
واللي جعلني بلا تفكير أسعى لك
أني لأحسدك على صبرك بغيباتي
ياقو قلبك .. أقل القول : وش حالك ؟
شحيّت .. وش عاد لوني قلتلك تاتي
هبتني أشواق لك .. وأرسيت في جالك
وبالفعل الأشواق تجري عكس مشهاتي
لوهو بيديني أبد والله ماأعنا لك
لكن شوقي فضح قلبي بنظراتي
جيتك مجمّع حكي من يوم ترحالك
وصوّخ اذانك لصوتي وإسمع الآتي
ماأبدن سئمتك .. ولا ببدل إبدالك
به حي قد قال لك سئمت نبضاتي ؟
نعم أحبك .. ولا عليّ بإهمالك
وإن كان حبك غلط .. ياحلو غلطاتي
هذا أنا ياحبيبي .. بآأترضا لك
من يوم قفيت .. وانا العله بذاتي
قفّيت بالحالك أبدن مانت بالحالك
خاوتك فرحة خفوقي وإبتساماتي
سعيد بن مانع ...
-
( وٰ إني قويه بـَ ؛ رب السمآء ).
احذر تقول الوقت مازال قدام
والعمر توّه مابلغ تسعة اعوام
لو كانت الهقوات في كبر الاجسام
ماكان شفنا الصقر صاد الحباره
-
( وٰ إني قويه بـَ ؛ رب السمآء ).
أرتعش جرح المحاني ، واسْـتـقـام
ـــــ من بعد غيـبه قطعْـت احْـبـالـهـا
فاضت دمـوع الأماني ، والكلام..
ـــــ أخـتـنـق في ( كلمتيـن ) وقالها :
ليتها [ صدفه ] على فال الغرام..
ـــــ بـ احْظن الصْدفه ، واقـبْـل فـالـهـا..!
من متى وانا أنتظر؟ من كم عام..؟!
ـــــ واللـيالي ماضْـحَـكَـتْ بـ هْـلالـهـا..!!
-
( وٰ إني قويه بـَ ؛ رب السمآء ).
وش بي تخيلت السماء رجلن سمعني يوم بحت
بإن الغيوم أطفال نفـرح لا تغشاهآ العـرق
يشغلني الهاجس وإذا زاد التعب بي إسترحـت
ودي لذيـذ النـوم لا حـس بغرابيلـي يـرق
أنا حزين أو إني أتضايـق إلا منـي سرحـت
آصك بابي وأشغل البـال بسواليـف الـورق
كنت أكتب شكثر البكى هاين علي من يوم رحت
ومن التعب نامت أحاسيسـي وصحاهـا الأرق
جالس أعد بآخر الأيـام كـم مـره إنجرحـت
وإذا عرفت .. أسأل ثمين الوقت كم منه إنسرق
وأضحك أبي كل البشر تدري وإذا صديت صحت
ماودي العذال تشمت بـي وأنـا ميـت غـرق
وأنا وقفت لضيقة الفرقا وضاقت بـي وطحـت
إلين قلت بصوتك المبحوح " مابـي نفتـرق "
حبيبي إن كان الفرح صادق فأنا والله فرحـت
كنك رجعت تعلم الأيـام ويـش اللـي فـرق
أمس أكتب أحزاني من الحسرة ولا مره مسحت
واليوم آشب بدفتر الذكرى وأشوفـه يحتـرق
الليلة البدر يحكي لـك كيـف بالهـم إنذبحـت
كني سجينن كل ما يحكي عن عيالـه شـرق
اليوم بتعرف شكثر تطري علي لامن سرحـت
وتشوف كيف أشغل طواريك بسواليف الـورق
-
( وٰ إني قويه بـَ ؛ رب السمآء ).
تخطي وأقول .. إن أنا المخطي ولا أتشرّه !
وتخطي بعد .. وأعذرك وآقـول مايـدري
وفي كل طاري .. يمر تخطي كـذا مـرّه !
وأخاف حملي يزيد .. وينكسـر ظهـري !
جايز .. اكون الحليم اللـي ظهـر شـرّه
وجايز يكون الغلط منـي .. وذا عـذري .
يا صاحبـي كنـت أحبـك حيـل بالمـره
ولازلت أحبـك .. ولكـن العتـب يطـري
أحيان أشوفك " بعيـد وخايـف آضـره "
وأحيآن أشوفك قريب .. إرتاح في صدري
ليه أسألك عن جروح القلب .. والحـرّه
وانت أبخص الناس في جرحي وفي حـري
يا صاحبي .. لو مسك كل ٍ علـى سـرّه !
ما كان الأحباب .. سموا حبهم " عذري "
وأنا تعبـت أسحـب الأحـزان .. وآجـره
وأحفر بأثر جرتي .. قبـر يغـدي قبـري
إما تكـون الحبيـب اللـي قـرب مـرّه
والا عسى الله يقدرنـي علـى صبـري
وأنـا أحبـك .. ولا بـآعـاود الـكـرّه
حتى ولـو كبريائـك .. صـار يستجـري
مإخترتـك تـذوق حلـو بكـاي أو مـرّه
اخترتك .. تحس بأحلى شي فـي عمـري
فـلا تكابـر .. وأنـا ماعـاد بأتشـره !
وإنت وضميرك .. وفكر قبـل لا تسـري
-
( وٰ إني قويه بـَ ؛ رب السمآء ).
ضوابط المشاركة
