9/10/2013
Wednesday
صباحكم خير...صباحكم محبة...صباحكم جمال
البارحة رديت من الدوام بكير...وع الساعة 7 ونصف طلعت رحت السوق مع فيمي
ومالونس وهينة والوسمية بس مااشتريت اي شي ، السوق كان زحمة الرجال اكثر من
الحريم...واكره حركة محل كلها بنات يدخلو 5 رجال مع زوجاتهم...انطرها برع مانقدر
نختار ولانطالع شي ع سبيل المثال دشينا محل حق الشيل والله مو من كبر المحل واحد
واقف بالنص تبي تمر ماتقدر .. ماخبرتكم سالفة فيمي اتصلت فيني تقول ( اختك مركز
العلميات بالشرطة متصلين فيني) خبرتها خير ( قالت صافة سيارته وراء 4 سيارات واذا
ماطلعتها ب2 دقيقة بتشيلها الشرطة الحجز)
معلومة اختي تحب تسوي اكشينات بالسالفة
يعني تحمسك من شي ولاشي...
بالدوام راسلين كذا فاكس وانا بالاصح راسلتنهم لحضور
مناسبة وحضر شخص واحد فقط..الحين يقولوا اونه يمكن انتي رسلتي غلط خبرتهم انا
دوم ارسل بالفاكس واعرف انه ماغلط,,,وانطر المستشار يجي واعطيهم ادلة ان انا
رسلته)
وشكراَ لكل شخص صوت لي بالمسابقة ولكل المشاركين وتفأجات ماتخيلت اني من
ضمن الفائزين واللقب اعتز فيه
صاحبة المدونة الذهبية تسلموا والله
تم تأديب الدوام ...بخبركم شو سويت جاء المستشار دشيت مكتبه واخذت الاوراق من الفاكس ورحت مكتبي وحطيت علامات ومقارنات ورحت ع طول مكتب الراس الكبير
وحطيت الاوراق ع مكتبه ووقفت عنده وخبرتها طالع هالاوراق اللي توضح اني رسلت فاكس الدعوة وانرسل واذا مانرسل يرسلون لي رسالة بوجود خطاء وانا اعيد ارسالها
وعطيته كذا دليل وقالي التاريخ غلط خبرته كل الفاكسيز اللي نرسلهم يكونون كذا سو اتز نوت ماي فولت...وتحرك قدامي وانا وراءه لمكتب المستشار وراح عند الفاكس وجالس يعدل وانا اخبره هيك وهيك...وطلع وهو يهز راسه بعد ماعرف انهم معذرة ع الكلمة ( شلة أغبياء)
رد مع اقتباس