المشاعر من غيابك يا دفا إحساسي .. جليد

[جلنااااار]

شي يخصك باقي عندي " قلب " من غيرك وحيد !
ما يبي يبقى معاي .........! يا أجيلك / أو يجيلك !


يسألوني الناس عنِّك ! وليه ما أكتب [ قصيد ] ؟!
قول .. لا تسكت .. تكلَّم .. وش أجاوبهم دخيلك ؟!


إختلفنا . . . . . وماعرفنا شنهو الراي السديد ..
يا تضحِّي في عنادك ..! أو أضحِّي في سبيلك !



المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !


يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك !



حالتي صعبه / بدونك .. وكيف حالك يا بعيد ؟
أشتكي منِّك إليك .. ومن جروحي , أشتكيلك !


والله ما قصرَّت فيني بس .. ودِّي لو تزيد !
يعني " إذبحني " وكمِّل يا بعد قلبي / جميلك !


أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!


أقتلك .. لا من خطيت ويا عسى عمرك مديد !
و أعذرك .. لو كنت قاتل لأنه يستاهل قتيلك .!



ويلي منِّك لو نسيتك . . . والزعل طبعاً " شديد " ..
ولو أحس لحظه بـ أنِّك منشغل عنِّي ؟! يا ويلك ..!


كل عاذل جاك بَعْدِي .. وقالـ لك إنِّي : سعيد
- ما صِدَق ! وين السعاده ! والحزن شيَّد رحيلك !


وكل عاذل قال عنِّي شي .. - إحساسه بليد !
ما قدر ياخذ كثيرك .. صار يطمح , في قليلك !


وكل عاذل إن عطيته وجه .. - ورَّااااك المزيد !
لو يقول إنَّه : يبيلك خير !! والله إنه ما يبيلك !


جيتهم طيِّب ....... . وأدري في زماني ما يفيد !!
وش حصيل الطيب فيهم ؟ ومن فراقي , وش حصيلك !


بترك الدنيا عشانك ! دام هذا ما تريد ..
ويا عسى كلمة " عشانك " تشفي يا روحي غليلك !!


الدليل إنِّي أحبك : صرت أحسِّك بـ [ الوريد ] !
وأدري في قلبك يحبني دون ما أسمع دليلك !


في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..


مثل قلبك ما ألاقي ..! ومثلي ما تلقى أكيد !
يعني ما عندك بديل ومستحيل ألقى بديلك ..!


إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ . تضوي في ليلك !


يااللِّي شيَّعت المفارَق ....., إشرَب وصالي و أزيد ..
خذ دفا إحساااسي و " إدفا " كان بردك هد حيلك ..!
يا أجيلك*
أو تجيني !
هذا هو الحل الوحيد ..


وإنتَ قرِّر يا حبيبي ..*
يا تجيني*
يا أجيلك !

[كل الحكايه اشتقتلك]

يعطيك العافيه على الاختيار الجميل سيدتي
مودتي

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[نسر البوادي]

الله الله عليك ياذوووق ابيات فاقت الروعه وانتقاء اروع واجمل ننتظر الجديد

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[حبي خالص]

انتقاء جميل جلنار
يعطيك ربي العافيه
كلك ذوووق

" نص يستحق النجوم الخمس "

[جلنااااار]

تسلمون والله الذوق منكم وفيكم .. شكرا لكم جميع .. شكرا اختي حبك خالص

[رايق البال]

هلا فيك جلنار ..
الله عليك الله نص واختيار كالعاده ولا اروع
الف شكر لجهدك واختيارك وتفاعلك الجميل
طابت مساءاتك ..

[جلنااااار]

طابت ايامك اخوي رايق البال.. تسلم

[هجرس الروح]

جلناااار
حروفـك تنزف شجناً على شجن
دام نزف قلمك ورقي حرفك لقد ابدعتى
بالنقل والهمس والاحاسيس وقفت
هنا اتأمل الروعه بماخطته لنا اناملك
من اعذوبه وما ماسطرتيه لنا وفقه الله ودمتى بكل ود