قرب فصل الشتاء ( اللي يسمع ثلوج)
كل عام وانته حبيبي كل عام وانته بخير
4/11/2013
Monday
صباحكم جمال...صباحكم عافية...صباحكم حب..صباحكم تألق
البارحة افتقدتوني ادري للأسف مادوامت كنت شوية مريضة من السبت رقبتي تعورني
ع قولتهم نايمه غلط...والجمعة رحت الخياط اخذ عباتي اللي خبرتكم قبل اخذتها يعدلوها
المهم رحت الخياط وابي اخذها تخيلوا مو مخيط الشيلة
والعباءة دمرها ( وانا مخططه ألبس بالعرس) ...خبرته تعدلها وبكره اجي استلمها
طول لسانه وقالي تعالي بعد 3 ايام وعاد انا خبرتها خلها لكم العباء مااريدها
وحدي معصبة عاد اتوتو قال برجعلك حقك خلي يردلك بيزات العباءة بس انا كان خاطري اشتكي له ( طول لسانه علي)
المهم رديت البيت وتجهزت ورحت العرس وحصلت طيف هناك ووايد بنات اعرفهم
الحلو اللي بالعرس ( اول مرة ادش هالقاعة ...قاعة دار المكارم جديدة)
والعروس متحجبة بس طلعت قمر ماشاء الله
السبت بالبيت وصلوا الاهل وتبوست بعموري من الخاااااطر احبه هالولد وصح
جابوا لي ذاك الخبز اللي يباع بصلاله هه لذيذ اممممم
والهدية كانت لبسة ظفارية ( اصفر) وانا وهاللون مو وايد ربع احس كأني اشجع نادي السويق خخخخخ
الاحد...اللي هو امس طبخت لهم هريس ( امي قالت ماراح ينضج هالهريس)
بس انا خبيرة ( ههههه) ونضج الهريس وامي قالت امممم لذيذ
وكان خاطري اذوق الجماعه بس خيرها بغيرها مرة بسوي لهم خااااص
رد مع اقتباس