استخدام الاباء الالفاظ السيئة لابنائهم

[فجر المزون]

بسم الله الرحمن الرحيم

القضية سوف اسردها من خلال هذا المشهد

الام تنادي ابنها فهد وهي معصبه ، وفهد عمره 9سنوات :: فهود ،،، فهود ،،، فهود يا حمار يا صم ما تسمعني اناديك من ساعه

فهد :: ما سمعتك امي جالس احل الواجب

الام : صمم كان ما تسمع ، روح غيب ذاكر كان بتفلح زين

فهد يرجع الغرفة وشويه قاصر عن يصيح ، يشوفه اخوه عيسى يساله مالها امك تتنازع ، يرد فهد يعني ما تعرفها امي دوم الا تتنازع وتصارخ وحالتها حاله على شي و ماشي

يرجع الاب من الدوام من عند الباب : يا ام فهد وين الصغيرين ،

ام فهد معصبه :: قرعه تقرعهم هناك في الغرفه حاشرينها يذاكروا
ابو فهد ::مالش يا حرمه ع الصغيرين ومعصبه ودوم الا تتنازعي
ام فهد تزيد عصبيتها : انته بهذا الدلع بتضيعهم الصغيرين شوفهم ما يسمعوا الكلام الحين من ذا الدلع بو تدلعهم اياه

ابو فهد : يا ام فهد معاملة الاطفال باللين والقسوة يعني ننازعهم على الغلط بس ما على كل شي وانا اسمعك كم مرة تناديهم يا حمار يا كلب يا غبي يا زفت وهذي الالفاظ ما زينه لهم تعقدهم

الام تروح المطبخ وزعلانه ما عاجبنها الكلام


اخواني الكرام بعد هذا المشهد واللي يحصل في بيوت كثيرة وعادة يختلف المشهد مرة تكون الام رحومه والاب قاسي ومرة العكس ،، وما تقولوا انه هذا كان في السابق والحين الامهات والاباء افهم من قبل ،، بالمختصر ما رايكم بمعاملة الابناء بهذا الاسلوب ؟؟؟
ما مدى تاثير هذا الاسلوب على الابناء من ناحية الاحترام ؟؟؟
ايضا ما مدى تاثير هذه الالقاب على نفسية الابناء ؟؟؟

اتقبل واحترم جميع اراءكم

واترك لكز المجال للنقاش

بصراحه غصبا عنا مضطرين ههههههههههه مطلعينا قرون عناد مو طبيعي
الي ايده بالنار مو مثل الي ايده بالماي
بس عجبها نبوسهم ونحضنهم والأمور طيبة والحمدلله هههههههههه

[سهل الباطن]

بصراحه غصبا عنا مضطرين ههههههههههه مطلعينا قرون عناد مو طبيعي
الي ايده بالنار مو مثل الي ايده بالماي
بس عجبها نبوسهم ونحضنهم والأمور طيبة والحمدلله هههههههههه

هههه اشكرك على التعليق
اذا شفتي ان اولادك غير عن اولاد الناس ، اقصد مثلا تحسيهم اكثر ربشة ، فلا تدوري الاسباب بعيد عنكم يعني انتي او الاب
لان الابناء ما يكتسبوا شي من الخارج ، كل الصفات يكتسبوها من والديهم واللي متداخلين معهم ، وانتي عاد شوفي معاملتك لهم يمكن في شي غلط
الله يحفظهم لك يارب والحمدلله ايدنا في الماي