في حركة نشطة في أروقة المكاتب
الموظفين بالدائرة تعودوا بين فترة وفترة يطلبوا غدا
كل مرة على أحد يدفع أو كل واحد يدفع مبلغ
وعاد الطلبية إما سمك أو عوال
عاد اليوم وحدة من الزميلات تبرعت وجابت شواء وعلى غير العادة تقرر ان يفتوا الغدا الساعة 11
بعد ماكانوا يتغدوا الساعة 1وشي
المهم انا معتزلة المشاركه البرلمانية لان بصراحة الريحة تملئ المكان وتصير ريحتي زفرة
المشكلة ريحة البصل والشتني
كأنك جالس بمطعم باكستاني
صحيح ان الموظفين كبار وشياب بس والله طيبين ومحترمين
ياكلوا مع بعض وحتى الشاي لازم الكل يشرب
وبعد وجبة لذيذة لازم يطلبوا ايسكريم للتحلية
وتصير المعركة على الدفع
وبعد صراخ نشتري الآيسكريم ويتم التوزيع ولازم العدد ناقص مدري ليش
وتصير الضرابة مرة على من يأخذ ومن لا
هذي التشكيلة ماتحصلها إلا بدايرتنا
شيء رائع صراحة
اليوم حظي حلو ومانسوني بالآيسكريم
رد مع اقتباس