اذكـر أيـام السكنات
طبعا انا جربت 3 سكنات مختلفه ولازم نحصـل طرد لانه كلام الحق ما له وجود
اول سكن كانت صاحبته مصريه وانتوا تعرفوا المصريات ما شاءالله لسان
المهم من اول اسبوع لي ف السكن انا وربيعاتي نحصل تهديد من قبل صاحبة السكن
ونحنا على نياتنا ما فاهمين وش السالفه
المهم نهاية حديثها معنا كانت تقول لو احد عرف بالموضوع اللي تكلمنا فيه بتنقطع لسانه
وسكتنا مو القصد خيفانين بس نحنا ع بالنا انه هي طبيعة كلامها كذا مع الكل
وبعد فترة اكتشفنا العكس
كانت ع كل اسبوع تجي السكن تتفقد الوضع لازم تجي عندنا وتعطينا كلام
بس صراحه الوضع زاد عن حده
المهم علمنا اهلنا بالسالفه
وكانت تبا تدخـل اي بنت بأي طريقه معنا ف نفس الغرفه
ونحنا نرفض دخوول اي احد بينا
كانت ع كل ما تدخل بنت ما تكمل معنا اسبوع الا وشردت من الغرفه
المهم اخر بنت شفنا كأنها واجد زودتها ومتحملتنا
المهم سوينا لها ازعاج بقووه والله حتى الليل ما اظن قدرت تنامه معنا
واخر ليله كانت معنا سهرانين لحد الفجر بسببي وعاد دقيناها رمسه
لحد بعد صلاة الفجر
وهذيك البنت مسكينه من الغم اللي فيها ما عارفه وش تسوي
قامت تتجهز لدوامها ومن خلصت بندت المكيف والمروحه وطلعت من الغرفه وخلت الباب مفتووح بس عشان تقهرنا
المهم نحنا ما غلبنا وكنا نضحك عليها
ف نفس هذاك اليوم خلصت دوام وجات تشل اغراضها كلهن من الغرفه
المهم طفشناها وارتحنا وبقينا بروحنا ف الغرفه
وكان رد المصريه لنا تقول ما جالي شفت بنات زيـكن انتن الثلاث
هههههههههههههههههه
رد مع اقتباس
