رواية عِشق بِلا قُيود.

[نوارة الكون]

اليوم الثاني..
بالمحكمه..بحضور بو حمدان والشهود الباقين.. تمت الملكه.. و اصبحت توق زوجة حاكم على سنة الله ورسوله..
خرجوا من المحكمه وحاكم بيده دفتر "عقد النكاح" الاخضر..ولا يعلم ماذا يخبئه القدر..

الكل ذهب بعدما بارك له وهنأه..

بو ناصر ابتسم على مضض/مبروك يا حاكم..
حاكم بابتسامه صغيره/الله يبارك فيك عمي..
بو ناصر/منتظرينك انت وجدك والاهل علشان تحديد الزواج

حاكم خائف من نقطة الاهل وبالذات جده لو عرف/اكيد يا عمي اكيد… يلا فمان الله
بو ناصر/فمان الكريم.
.،.
.
،
ركب سيارته ..ادار محركها.. والتفت على يمينه وابتسم.. كانت تجلس هنا.. ياترى هي توق او غيرها.. هي زوجتي او لا.. ألف سؤال وتخيل في مخيلته.. كلها تتبخر ويبقى التساؤل.. (وش اسوي لو طلعت وحده ثانيه)..
تنفس بعممق واكمل طريقه.
،
.
.
بيتهم..
دخل بو ناصر وهو يحاول يبتسم ومعه اولاده و كل واحد فيهم عابس وعاقد حواجبه..

بو ناصر اتجه لها بابتسامه ابويه حانيه/مبروك يا توق.. صرتي زوجه يا حبيبت ابوك

توق تجاهلت نظرات اخوتها التي تتهمها بالخيانه واتجهت بعينيها لابيها/الله يبارك فيك يبه

اتجه ابو ناصر بتعب صوب السلم يبي يصعد لغرفته/بروح اقيّل شوي لا احد يزعجني.
،
عم السكوت لحظات..

… شعرت انها انها يجب ان تذهب لغرفتها وتتركهم.. فالجو المتكهرب بين اخوتها لم يناسبها فكل منهم بعيونه لوم واتهام…

عبدالرحمن بغيض اتجه لها بنظراته وهو يعض على اسنانه/مبسوطه اللحين؟.. نزلتي راسنا عند العايله.. خليتينا سالفتهم

توق استغربت هالكلام، لماذا يلومها ووالدها هو من عرض الزواج على حاكم وهي تحملت و نفذت كلامه/سالفة من؟!! عبدالرحمن انت وش تتكلم عنه

بجاد حاول ابعاد عبدالرحمن عنها/يا ولد ابعد عنها هالكلام معاد منه فايده، هي صارت زوجته

عبدالرحمن تكلم بحده من بين اسنانه/بتدفعين الثمن يا توق.. وبتندمين بعد

توق شعرت بغصه وهو يكلمها بهذه النبره/ماتعلمني اي ثمن اللي بدفعه؟!.

عبدالرحمن وهو يرمقها بغيض/ماقاهرني الا انك مستهينه في اللي سويتيه ومستسهله الموضوع

توق نفد صبرهامن هذه هالاتهامات السخيفه/انتم شفيكم علي كل اللي سويته اني وافقت ابوي وما احرجته.. اصلا ابوي اعطى الرجال كلمه قبل لا انا اوافق.. والبنات كلهم رفضوا.. مستحيل اني افشل ابوي.. افهمووني

عبدالرحمن بنظراته الناريه/اعجبك شكله هاه؟!.. كل الخطاب تتشرطين وترفضينهم وهم من قرايبنا وناس تسوى.. وبالنهايه تتزوجين ولد البراك بسهووله وبهالسرعه الله يفشلك يا شيخه

توق اكتفت من حرق الاعصاب منه وقررت تركه ماتجادله العقيمه..

عبدالرحمن اشتاط غضباً وهي ذاهبه/وين رايحه تعالي مابعد انتهيت..اسسمعيني ززين يا وويلك ان ماطلبتي منه الطلاق،

توق توقفت والتفتت عند كلمة طلاق و نظرت اليه مستغربه انه يراها لعبه او قاصر تفعل ما يملى عليها، و تكلمت بعقلها/طلاق ماني طالبه من حاكم طلاق.. اتق الله، كيف تبيني اطلب منه هالطلب بدون سبب شرعي مقنع؟! عبدالرحمن حط عقلك براسك ..واترك هالموضوع ازين لك ولي..انا ما راح اوطي راس ابوي علشانك

بجاد اقتنع بكلامها ولكنه ما أبدى رأيه.. قرر يسكت بسلبيه..

عبدالرحمن بوعيد/اووعدك يا توق ماراح تتهنين بهالزواج اووعدك..

توق تجاهلته واكملت طريقها لغرفتها وقفلتها متجاهله العالم.. ما زال والدها بصفها. لن تفكر في احد. .
كل ما تفكر فيه حالياً… اللحظه التي ستبدأ فيها حياتها الجديده، وبقلبها خووف لا تستطيع انكاره من قادم الأيام.. كيف ستتزوج شخص لا تعرف عنه شي!! كيف لها بعد كل من تقدموا لها كلهم تتزوج ولد البراك!!
شعرت وكأن القدر يسوقها نحوه،…
.
،
.
،
.

بمكان ثاني.بالمستشفى… *

في غرفة الانتظار امام العياده..
يجلس تميم و ينتظر خروج جده من غرفة الاشعه.. وسمع نغمة هاتفه ونظر الى الرقم ببتسامه ورد/هلا يمه
بالجوال/السلام عليكم تميم
تميم عرف نبرة صوتها وعقد حاجبيّه/خير يا صيته ليش متصله
صيته/تميم بغيت استاذن منك.. ابي اروح للـ..
تميم قاطعها/مافيه
صيته/تميم انا اقصد. .
تميم قاطعها بصرامه/صيييته.. انقلعي ورجعي الجوال لأمي يا وويلتس لو شفت مكالمات لغير رقمي عند أمي.. وعلمي اختتس لاجي امردغكم اللحين..
صيته بضييق/طيب..
تميم سكر الجوال بدون ان يسلم…
اعاد الهاتف المحمول لجيبه وهو يكتم غيضه وغضبه،يستحيل ان يثق في بنت مهما كان ،تميم نوع خاص من المتشددين،..

تذكر الذي حدث البارحه بينه وبين سلهام ومكالمتها.. وجملتها التي جعلت عقله "يودي ويجيب" وهي تقول بوقاحه وقلة أدب [هيثم حبيبي.. وقرريب بيجي وبروح معه]
تمتم بداخله وهو يرص على اسنانه( الله لا يخليني. كان خليتك على هواك يا سلهام)
،
.
.
،
قاربت الشمس على المغيب..
بعد مشوار وتعب طريق.. وصل حاكم لأهله.. أوقف سيارته وضل جالساً فيها قليلاً وهو يفكر هل يخبر جده عن زواجه الآن ام لا!!
لو قال له هل سيغضب؟.. ام انه سيتفهم السبب والظرف الذي تزوج بهما.
شعر ان تفكيره اصبح مشوش.. خلع شماغه بضيق وغلغل اصابع يده في شعره ..

في البدايه سيذهب الى عمته.. ما دام ان الجد ليس متواجد في خيمته ولا حتى "الصفيف"..

اتجه ناحية الخيام وهو يخلع نظاراته.. توقع انه سيلاقيها هذا الوقت تُعد الشاي او "الكرك" في المطبخ..
دخل وهو يرى اخرى غيرها واقفه وهي تدير ظهره وتلبس بنطلون اسود وبلوزه بيضاء واسعه وشيلتها على رقبتها وشعرها منثور على ظهرها..
لم يصدق نفسه وخرج بسرعه بعد نظره خاطفه.

تحنحن وكأنه وصل حالاً وهو يجهر بصوته/يا عممه.. يا عرررب!!

سلهام ألتفتت وهي خائفه،خافت ان يكون تميم المرعب" و رفعت "الشيله" على رأسها وهي متوتره لم تتعود بعد على العيش هنا، لكنها تأكدت انه ليس تميم/لا تدخل ،عمتي عند الابل

حاكم استغرب انها تقول عمتي وتساءل (من هاللي جااء من اعمامي وجايب اهله معه هالوقت؟!! )،
تركها ومشى..

سلهام وضعت يدها على صدرها وهي تحاول ان تهدي نفسها، شعرت برغبه في البكاء.. لكنها تعبت من كثر ما بكت وكرهت انها فقط تبكي؟.. يجب ان تكون قويه مثل السابق، الغضب والاعتراض والدموع لن تنفعها بشيء.. تنهدت(الله يهديك يبه،بالله هذي حاله راميني بوسط ناس ماعرفهم)..
سمعت صوت شيهانه ترحب بعالي صوتها، و ذهبت من خلف الرواق لترى من هذا الذي ترحب به عمتها..
تنهدت سلهام وهي تقول بداخلها (هذا بعد واحد غير تميم الخايس الله لا يوفقه!..شدعوه،مافيه جنس بنات يجون هنا!!
*شعرت بالظلام يخيم و دخلت..
،
.
شيهانه بابتسامه/وووينك يا وولد خوفتني عليك

حاكم وهو يشد الفروه على نفسه من البرد/مريت ربعٍ لي سلمت عليهم وحلفوا علي الا امسي عندهم..وخبرتس ماعندي شغل امسيت عندهم

شيهانه وهي تتخصر بيديها/اللحين انت ماخذ اجازه علشان تحوس في هالبران

حاكم ببتسامه/هواي البر يا عمه

شيهانه/انت منت قايلي انا وامك ندور لك على عروس.. خلاص العروس و لقيتها انا

حاكم بارتباك/هااه.. عروس؟!

شيهانه ضحكت من ردة فعله/شفييك كأنك استحييت

حاكم حب يمازحها لأنه يعرف انها تكره موضوع زواجها/لا والله.. استحيت هااه!! .. خليتيها سالفتك.. انا هونت ماني متزوج لين تتزوجين انتي

شيهانه وهي تمد لسانه وتحارشه/ماعلي منك ،منت قادر تغيضني.. وزواج راح ازوجك غصب عنك وارقص بعرسك بعد

اقبل الشاص يسوقه تميم ومعه الشايب..
حاكم انبسط بشوفة جده/ارررحبووواا… هذا جدي وصل وبيفكني منتس
شيهانه/لا تفرح وااجد ، لي معك حكي طوويل


اوقف تميم السياره ونزلوا وسلموا..
الشايب بوجه مستبشر/حي الله حاااكم يا مررحبا
حاكم بابتسامه/حي الله السمي
تميم وهو يسلم على حاكم/شلوونك بو براك
حاكم بابتسامه/زاان لونك

شيهانه/ادخلوا عن البرد تراني شبيت الضو ..وجهزت القهوه وحميت الحليب..

تميم وهو يضغط باصابعه هلى جبينه/امممما القهووه ياهو راسي موجعني منها.. تكفين الحقيني بها..

الشايب/ياكثر عيارتك يا هالولد.. من اصبحت وانت تقهوى
حاكم وهو يضحك/مدمن قهوه الله يشفيه

تميم ضربه على ظهره/تعال انت وش سويت عند الـ..

حاكم غمز له يسكت وقاطعه/بخير ابشرك.. ينشدون عنك

*شيهانه لاحظتهم تلخبطوا وكأن بينهم شي يخبون.. بس سكتت وهي تدخل الخيمه مع ابوها..

حاكم التفت على تميم بنظرات تهديد/خبل انت.. بغيت تجيب العيد قدام جدي

تميم وهو يضبط "نسفة شماغه"/نسيت.. بس ماقلت لي وش صار
حاكم/بعدين اقوولك خلني اروح لجدي لا يحس بشيء وانت يالله ارفع الآذن لصلاة المغرب وتعال داخل خلنا نصلي.

تميم وهو مستغرب خوف حاكم/طيب ،بس الله يستر شكلك انت اللي جبت العيد.

حاكم تجاهل حديثه ودخل..
،
.
،
.
،
.
،
في الدمام*
بيت جديد راح ندخله ونستكشف قصصه وحكاياته..
بالمطبخ تجهز الضيافه وكل لحظه تمر على الفرن وتنتظر الكيكه تخلص علشان تطلعها ..

دخلت اختها دلال تستعجلها/صيته خلصتي؟

صيته/خلاص تقريبا خلصت.اخذي هالصحون. وش فيتس مستعجله كذا
دلال اتجهت للصحون وهي تكلمها/ترى زوجة عناد وصلت مع خالتي ام عناد وبنتها سبرا

صيته بابتسامه سخريه/زوجته الجديده..

دلال وهي تتأكد من الضيافه قبل توديها/المسكينه شكلها ماتدري عن زواجاته الثنتين اللي راحوا

صيته تكره تصرفات الرجال التي بنظرها تظلم البنات/وبااقي عنده زواجات ثانيه هالمزواج.. ابو النسوان يا كرهه

دلال/هههه خلصي تعالي لا ينتظرون

صيته/طيييب خلصنا الكيكه وطلعتها تبرد شوي.. امشي قدامي نودي اللي بيدينا..
..

عند الحريم وبعد تقديم الضيافه..
سبرا تهمس لصديقتها صيته/رووعه الحلى

صيته وهي تكتم ضحكتها/خبله انتي تهمسين علشان تمدحين حلى.. ترى ماهو اختراع

سبرا/ههههه مشكلتك دووم تقللين من قيمة ابداعك

صيته تجاهلتها وهي ترى نعومة زوجة عناد ورقتها وتهمس لصافيه/ماشاء الله على فطوم زوجة اخوتس تهبل.. اظن اللحين بيعقل وبيكتفي من الطلاق والزواج

سبرا بشك/ماظنتي..

صيته/حراام عليتس بااين حليووه وطيووبه

سبرا/هذا بلا بوك يا عقاب..هي حليوه وطيوبه ورومانسيه بعد ياعيني ..بس اخوي يطير بالوحده اول اربعه شهور وعقبها يسحب عليها

صيته باشمئزاز/يمه منه ..يهبا.. ابي اعرف وش يبي بالضبط هالمزواج

سبرا ضحكت عبى ردها العفوي/..

صيته وهي تنزل الفنجان من يدها/انتي اخوك مزواج.. وانا اخوي تزوج مره و طلق ومن عقبها تعقد من جنس الحريم لدرجة قفل علينا شوفة عينك..

سبرا رحمتها/الله يعينك اخوك احس مزودها حبتين..

ام تميم وهي تنظر لصيته وترفع حاجبها حتى تقدم الضيافه الباقيه، لكن صيته لم تفهم فقررت تتكلم/صييته ..قومي صبي الشاهي
صيته بابتسامه على نبرة امها واضح انها تنرفزت ،بس هي مافهمتها/ااامررري يمه..
،
.
،
.
،

بعد مرور ايام ع الاحداث السابقه*


الدمام.. "

الساعه 8:30
كعادتها منذ شهرين منذ ان استلمت وظيفتها الجديده..
كانت تقف امام مرآتها وتربط شعرها الطويل بشكل ذيل حصان و وتتأكد من لبسها الرسمي بنطلون اسود وقميص ابيض وجاكيت اسود.. و تضع بطاقة اسمها على الجاكيت كلمسه نهائيه وهي تمتم باذكارها التي حرصت انها ترددها دوماً.. فهي مؤمنه بأن الذكر سيحفظها من شر كل ذي شر..

اخذت عبائتها على ذراعها و شنطتها و خرجت وتفاجأت به يقف امامها لم تستطيع اخفاء رعبها منه،و هي تتساءل مالذي جعله يصعد فوق والى جناح البنات الذي لم ضل فيه غيرها والكل تزوج/بسم الله!!

حمد وهو يتكئ على الباب/بسم الله عليك خفتي!!

توق وهي تتحاشا ننظراته و كأنها لا تعرف نواياه السيئه لأن بمجرد التفكير بهذا الشيء تضيق ذرعاً فمن الصعب ان تبوح عن حركاته لأحد..لكن تدعو ربها ان يكفيها شرّه/عمي لو سمحت ابعد وراي دوام مابي اتأخر

حمد وهو يمد يده لخدها بنعومه/انا بوديك.. اشتقتلك لي يومين ماشفتك
توق ابعدت وجهها قبل ان يلمس خدها/هذا انت شفتني يلا انا رايحه مع السايق.. سلام

حمد مسكها مع انه تعود على جفولها منه/توق حبيبي

توق سحبت يدها بقوه و ذهبت/معليش مستعجله اشوفك بعدين

نزلت بسرعه تحت ولبست عبايتها وهي تمشي وخرجت مسرعه لا تريد ان يلحق بها…وتلعنه بداخلها.

ام ناصر شافت حمد ينزل من الأعلى ويمشي خلف توق واستغربت وهي تلثم بطرف شيلتها/بسم الله.. حمد متى جيت الله يهداك

حمد/اعذريني ماشفت احد قدامي.. وصعدت فوق

ام ناصر وهي تنتقد على تصرفه/الله يصلحك ثاني مره تحنحن، دستوور

طلع حمد وهو منحرج من ام ناصر ولم يستحي من نفسه ..

ام ناصر شافته طلع وفكت لثامها وتكلمت بحسن نيه/الله يهديك يا حمد من حبك لبنت اخوك لازم تصبح بها وتمسي..
،
.

وصلت البنك لم تكن مصدقه انها قد تملصت من حمد التي عرفت مؤخراً نواياه القذره، تمنت لو لديها الجرأه كي تصارحه بأنها ليست غبيه وتعرف ما يلمح له..لكت حياها يمنعها من ذلك.. ستصطبر علّه يكف أذاه عنها.

اتجهت لمكتبها في القسم النسائي بعدما سلمت على زميلاتها/..
اقبلت صديقتها المقربه وبنت خالها وهي تتبسم وفرحاانه/توووق حبيييبتي
توق انبسطت بشوفتها وقامت تسلم/هلاااا جود
جود/توو مانووور المكتب
توق/تسلمين ياعمري
جود/ايه تذكرت..
راحت مكتبها واخذت علبه زرقاء ومعها بوكيه ورد. واتجهت لتوق/مبررووك الملكه حبيبتي.. هذا شي بسسسيط بهالمناسبه..
توق ابتسمت بامتناان وهي تشوف رفيقتها تذكرتها بهديه بينما من تملكت ماشافت هديه وحده من احد حتى من زوجها، شلون تفكر انه ممكن يجيها هديه من هالبدوي/ الله يبارك فيك حبيبتي جود ماكان له دااعي
جود/كيف ماله داعي وانتي بزواجي احسن هديه جتني كانت من عندك.. بعد محد يهدي طقم ذهب وساعه بـ6000 وتذاكر سفر لتركيا… انا يدوب جبت لك طقم ذهب.. لكن ابشري بالزواج بيجيك مفاجأه تستاهلين..
توق وهي تخزها ة/طيب ليه ما زرتيني وجبتي الهديه للبيت هااه
جود/اسكتي بهذلني زوجي ..قال نروح لاهله بالحسا وهدذي رجعتي من هناك من يومين.. سد نفسي من حرتي عليك
توق ضحكت/اممم خلاص عذرتك، روحي قابلي شغلك.. ترى اللحين بتجي عفااف وبتسوي لنا محاضره
اقبلت عفاف/بناااات وش صااير
كل وحده كتمت ضحكتها واتجهت لمكتبها..

جلست توق وهي تحاول تتذكر ملامح حاكم، وتضارب افكارها وحيرتها من هالزواج.. ويضيق صدرها من نظرات الكل بالعايله.. ماعدا حمد اللي صار يوريها وجهه كل يوم.. واليوم تشوفه عند جناحها مسنتر.. وصارت تمتم ( الله يكفيني شره )
.
،
.
،
.،
.
كانت جالسه تناظر بالتلفزيون بهالخيمه وضايق صدرها و هي تحس انها انتهت وان حياتها صارت بدون قيمه في هالصحراء كمية البكاء والصراخ والاعتراض مانفعوها بشيء ،خلاص يوم وراء يوم اعصابها بردت و غصب تتقبل الوضع الجديد.. كانت جالسه تطالع وهي متذمره ومتملله..

سمعت صوت عند خيمتها ينادي بنبرة صوت تريحها/سلهاام
سلهام لقت نفسها تقوم وتتجه لباب الخيمه بسرعه/هلا جدي
جدها لاحظ لبسها وهو ناقد بس عذرها كونها جديده وتربية ولده سعود ما تعجبه، ابتسم بحنيه/من امس ما شفتك ،شلونتس يا بنتي
سلهام ابتسمت تجامله/بخير يبه.. تعال اجلس تونا حاطين القهوه وعمتي جايه
الشايب لاحظها انحف منها اول ما جتهم/شفيك نحفانه انتي مريضه والا تشكين شي يا بنتي
سلهام ترددت/لا سلامتك مافيني شي..انا بخير
الشايب/عسى عسى.. طيب محتاجه شي تبين شي؟ تراني بالشوفه
سلهام ترددت انها تقوله عن اللي سواه فيها تميم بس خافت وترددت ..لانه اكيد بيسأل عن السبب وواضح انهم يعزون تميم وحاكم بالحيل وما راح يصدق فيهم
الشايب/هاااه وش تبين لا تخشين بقلبتس شي
سلهام/ابيك توريني الابل.. وو بعد ابي اشوف الخيول وتعلمني وين حنا فيه..زهقت وانا بهالخيمه
الشايب ابتسم على طلبها/ابشررري ما طلبتي شي.. البسي عباتك وشيلتتس وتعالي معي.. بوريتس كل شي هنا.
سلهام استااانست لأول مره من جتهم/ثواااني بس
،
.
،
.



واقفه مع جدها عند مربط الخيول وهي مستغربه ابتسامة ونشاط جدها وسوالفه وقصصه اللي يحكيها لها..
سلهام بعد تردد/جدي
الشايب/سمي يا سلهام
سلهام بدلع مسكت يده/انا بنتك والا لا
الشايب/الا بنتي ونص افا يا ذالعلم
سلهام مدت بوزها بدلع/طيب ليه كل واحد هنا عنده حصان وانا لا
الشايب/انا ابوك يا صبي..اللي تبين من هالخيول اخذيه ولا يكون خاطرتس الا طيب
سلهام باسته في خده/فددديتك
الشايب/ياززينكم يالبنات الله يصلحكن
سلهام ضلت متمسكه بيد جدها وهو يمشيها بين الحلال ويحكيها قصص المكان..ارتاحت معه غير مصدقه ان هذا الرجل النبيل يكون ولده ذلك المدعو "والدها"..


اقبل من بعيد و رآها متكشفه وتحنحن/تسسستررري يا بنت

سلهام تكره نبرته المستفزه وكأنه يتعمد ان ينغص عليها دائماً ما يقول لها "تستري" وكأنها تمشي "عريانه"، لفت اللثام وصغرت فتحته..

الشايب يحب غيرة تميم لكن لا يعلم عن خباياه وعصبيته وثورته المدمره/هلا تميم..

تميم وهو يرمقها بنظرات احتقار/هلابك جدي..

الشايب/وش عندك ..

تميم/حبيت اجي اسلم واستاذن… بروح لاهلي

الشايب لاحظ نظراته للبنت، الكل يظن ان نظره "ضعف"/طيب سلم على بنت عمك والا ماتشوف

تميم يكرهها فكيف يسلم عليها وهو يحتقرها،فهي بنظره لا تساوي حفنة تراب /هلا سلهام.. شلونتس؟

سلهام بضيق "لا تطيق منه كلمه" هو لانه لا يحترمها و نظراته التي تحتقرها تكرها خاصةً بعد ذلك الموقف/بخير الحمدلله.. وانت؟

تميم ما يشيلها من ارضها/ الله يهدي الجميع

سلهام انقهرت من هالنبره وهالجمله الاسقاطيه/والله ياخذ ابليس واعوانه
تميم كان مقفي والتفت صوبها بنظراته الناريه واكمل طريقه مره اخرى، هو يعرف انها تُلمح له.. (قصدها اني بليس الوصخه هذي..معليه) !!

الشايب لاحظ النبرات الغريبه لكن لم يفكر بأي شي سيء.. كان يفي "البعير" وينادي سلهام/سلهام يابوتس تعالي أوريتس الشامخ..

سلهام استغربت تظن انه اسم شخص/من هو الشامخ هذا

شيهانه اقبلت وهي تضحك/الشامخ أسم الفحل حق الحلال هذا كله..

سلهام استغربت وهي ترى ضخامته/يعني قصدك انه هذا ذكر والباقي كلهم اناثي

شيهانه/هههه الله الله..

الشايب/شوي شوي وتعلمين وتصيرين احسن من شيهانه

شيهانه بحماس تكلم سلهام/انا بحلب الخلفات اليوم بدال العامل تجين معي؟

سلهام تحمست، مع انها ماتعرف معنى خلفات /يلا..

الشايب توقف مكانه وهو يتابع البنات و مبسوط..ويتمتم بخاطره(الله يحفظكن ويسعدكن)
/
/
/
/
/
/
الدمام..
عند أمه مستلقي وراسه في حضنها وهي تلعب بشعره وتتبسم وهو مسترخي ومغلق عينيه..
… ..كان متردد "يقول لها.. او لا يقول لها".
طالت المده اكثر من اللازم.. وهو لم يعود لاهل العروس ولا قال لأهله عن ملكته...
بظنه ان اليوم الذي سيقول لعائلته عن زواجه من بنت الصارم سيكون يوم صعب جداً والارجح سيواجه مشاكل.!

شعر ان راسه فيه مليون "شغله".. و ما يشغله الآن شي وهو ما يربكه..!

ام حاكم لاحظته اطال السكوت وابتسمت بحنان/في خاطرك شي يا قليبي

حاكم يحب دلعها له يشعر وكأنه يرجع طفل اذا جلس مع أمه/احبتس يمه..

ام حاكم وهي تقرص خدوده/لو تحبني صح هالاجازه ماترووح مكاان خلك عندي يا بعد من لي

حاكم/بس تخبرين جدي ما يستغني عني

ام حاكم/ماعليع بس شوي هنا وشوي هنا..

حاكم وهو يفكر بالبنت اللي تزوجها و تركها.. غير قادر على ان يفاتح جده واعمامه ولا حتى أمه بموضوع زواجه من ال صارم..و لا يصح ان يذهب اليهم بدون اهله…من الواجب ان جماعته يكونون معه فالبنت من قبيله وهو من قبيله اخرى، ..

اقبلت وصايف ومعها السفره/يلا يا جماعه العشاء صار جاهز تبونه هنا والا بالصاله..

ام حاكم/ حطي بالصاله.. يلا حبيبي قوم تعشى يلا..
حاكم وقف بابتسامه واتجه لوصايف/لحظه وصايف بساعدك
وصايف بابتسامه/يلا مانرفض المساعده.

/
/
/
/
/
/
في بيت ثاني من بيوت الدمام.. *
بيت فهد.. بوناصر..
الكل جالس على سفرة العشاء ..
بو ناصر وهو يلتفت لمكانها/وين توق؟
ام ناصر كانت بتتكلم..
قاطعتها توق وهي تجلس/هذا انا وصلت.. السلام عليكم
الكل/وعليكم السلام

بو ناصر ببتسامة حنيّه/كيف كان دوامك بعد الاجازه
توق بادلته الابتسامه/حلو.

عبدالرحمن ناظرها بطرف عينه/ما بعد عرفنا راي ولد براك اذا دري انك موظفه.. اخاف بكرا يمنعك وتقعدين تكرفين عنده
توق تذكرت انها لم تطلب شروط بالعقد، فهي "رد جميل" ..سكتت لنعلقت/..

بو ناصر ندم انه لم يخبر حاكم عن وظيفتها علّه يتفهم،قرر تغيير الموضوع/يلا سموا بالله

ابتدأوا بالاكل.. ولكن عبدالرحمن لم يكن مع فكرة زواج اخته من ولد براك،احب ان يبدأ بمشكله/الا شخبار العريس ما طرأ عليه يجي يسأل ولا يحدد زواج ولا شي..

بوناصر بضيق/لا ما اتصل

عبدالرحمن بسخريه/الله يهديكم يبه شكلكم احرجتوا الرجال و زوجتوه توق غصب عنه. والدليل انه للحين ما جاء ولا اتصل.. بس رميتوا عليه البنت من الباب للطاقه ..

توق شعرت بغصّه وقامت بسرعه وتركت الاكل.. ما دام هذا كلام اخوها "سندها" اذاً كيف كلام باقي العائله!!

بو ناصر/تووق ما اكلتي شي

توق وهي مقهوره من تصرف اخوها/خلاص شبعت.. اسمح لي يبه
… ..ذهبت غاضبه*

بو ناصر التفت على عبدالرحمن بعصبيه/انت لسانك متبري منك.. ماتحترمني.. انا اللي زوجتها لهالرجال وحاكم كفو ويستاهلها.. ليش انت تقلل من قيمته واحترامه.. خلاص هذا صار زوج اختك وانت لازم تحترمه

عبدالرحمن وقف غاضب ومعترض/يخسي ويعقب..

خرج وتركهم..

ام ناصر بحزن/الله يهديه هالدحمي.. ضو شابه.. من تملك اخته وهو مطفشها

بو ناصر وهو متضايق/انا اكثر منهم ضيقه.. بس لا تنسون انه غصب عني زوجتها له وهو كفو لو انه بس مب من ال براك.. لو بيدي اخلص بنتي منه بس مابيدي حيله

ام ناصر/الله يعين

قام ابو ناصر/الحمدلله

ام ناصر/تبي الشاهي اللحين ولا بعد شوي

بو ناصر/مابي شاهي بروح انام وراي سفر للرياض فيه شغل لازم اسويه..

ام ناصر/يووه منت حاضر زواج ولد اخوي بكره..

بو ناصر/انا تعذرت منه ووصلته العانيه.. شغلي ضروري مقدر أأجله.. قوموا بواجبهم وروحوا

ام ناصر كتمت زعلها بابتسامه/تروح وتجي بابتسامه..
.دخلت غرفتها على مضض واتجهت للأريكه التي على يمينها ،
جلست وهي تلتقط انفاسها واحساسها بالضيق يزيد من تعبها .
الجميع في العائله يضغطون عليها بالكلام..و هي تتساءل لماذا هي تواجه اللوم لوحدها ؟
هذا ليس عدلاً...هي نفذت أمر والدها و لم ترتكب معصيه..اصلا لم يتبقى لها خيار آخر غير انها توافق على عرض والدها لأنها لو لم توافق ستسقط هيبته امام الرجال وهي لا تحتمل ان تكون سبباً في ذلك..!
وحاكم ليس بذلك السوء.. وان كان ابن قاتل عمها..

لكن مع ذلك"هي تفكر جدياً ان تطلب منه الطلاق"
لترتاح من كلامهم الذي يسمها بالهمز واللمز.!!

هذا الذي فكرت به"توق" ..شعرت انه حل سيريحها و يريح اهلها،
اسندت جبينها على يدها وهي تخاطب نفسها( بقول له ان هذا زواج وما كتب ربي انه يتم)..
ستريح اهلها من هذه العلاقه التي جعلتهن متوترين وجعلت بقية العائله تأخذ منهم موقف..!!

رفعت رأسها وسقطت عينيها على مرسمها الصغير في ركن الغرفه البعيد.. فوالدها بعدما تزوجت اختها ذوق فتح غرفتها على غرفة توق و اصبحت غرفه اشبه بصاله بسبب كبر مساحتها ،هذا المكان تعتبره عالمها الخاص.

اتجهت للمرسم و وقفت تتأمل رسماتها القديمه و هي تبتسم من جمال و بساطة خيالها..
لم ترسم منذ مده طوويله. منذ ان فتحت استوديو التصوير الخاص بها.. ومن ثم توظفت منذ بضعة شهور..

انشغلت تماماً عن الرسم.. فهي تعشق كل ما اسمه رسم وتصوير فوتوغرافي.. رغم ان دراستها كانت ادارة اعمال فتحت استوديو تصوير نسائي وهذا الشي اثار جدل طوويل في العائله وقتها،
ابتسمت لان الكل تقبل استوديو التصوير الخاص بها، وبعدها بفتره توظفت ببنك و لم تغلق الاستوديو بالعكس كانت تعشق هذه الهوايه التي احترفت بها و اصبحت تُعد دورات للبنات في التصوير الفوتوغرافي..

فتحت الدرج و اخرجت الألوان واخذت علبة الفرش وصفتها كلها فوق النضد.. ووقفت تتأمل فيها وتفكر بأي فرشاه ستبدأ..ولكنها تراجعت وهي تعجز عن رسم شيء، ليس لديها الرغبه وبالاحرى ليس هناك ما يدفعها للرسم ..
.
،
.


في بيته الذي الكائن في حي اخر من مدينتها…
…… .من جهته كان يُفكر جدياً في هذا الزواج من بنت ال صارم.. هذا الموضوع سيُغضب جدّه منه..
سيضيق صدر والدته و سينقض جروحٍ قديمه،
قرر انه سينهي هذا الزواج ولكن بدون ان يجرح البنت وبدون ان يُغضب أهلها الذي يتضح ان احداً منهن لا مرحب في هذا النسب،
..وابتدأ بالحل فوراً سيُطلق البنت قبل ان يعرف جده انه تزوج...!!
،،
,
.
,

اليوم الثاني.. *
صاحت على بناتها بالمطبخ وهي تستعجلهم بتجهيز الفطور لولدها الحاد الطباع.. فهي تخاف ان يعصب على اخواته/بناااات خلصوا بروح اصحي تميم للفطور وراه دوام

صيته واقفه عند الطاوله وتضع كاسات الشاي وهي تهمس لدلال/يا هالتميم اللي مسبب لنا أزمه

دلال بابتسامه/خلصي لا يسمعك بس

صيته ببتسامتها الشقيه/شلون يسمعني.. الا اذا كان بتعلمينه انتي!! هذا شي ثاني

دلال ضحكت على حماسها/ياحبي لتس ياختي وانتي متفائله بالحياه
صيته ببتسامة تفاؤل/الحياه أمل

… كملت الشاي وحطته بالصينيه مع الكاسات وطلعت.. وتفاجأت به يقف امامها وصرخت/يمااااااه

تميم كان يدوب يفتح عينيه وواضح فيه النوم ،خاف صيحتها/وووووجععع وش فيييتس

دلال لحقت بها وامها ايضاً حضرت/وش فيتس صيته

دلال رآت تميم وعرفت السبب فسكتت من خوفها..

تميم كان هو بنفسه خائف لم يستوعب مالسبب الذي صرخت لأجله، مسكها يهديها/صيييته بسم الله عليتس، علامتس وانا اخوتس..

صيته ارتاحت و شعرت انه يصل لتوه و لم يسمع شي سكتت وهي تلتقط انفاسها/مافيه شي بس كنت مسرحهه وطلعت انت بوجهي فجأه

تميم تبسم بحنان الأخ وهو ياخذ الشاهي منها/الله يسامحني.. شكلي مسبب لتس ازمه

صيته تسايره دامه مرووق/يعني والله حبتين

تميم التفت عليها وهو رافع حاجبه الايسر وببتسامه/هااتي الخبز ولا تفلّينها وااجد

صيته راحت وهي تهمس/يممااا منه الواحد ما يحاكيه

ام تميم كانت جالسه ع الارض جانب السفره وتبتسم بعدما رآت ولدها الغالي/تميم وانا امك متى وصلت ..البارح نمت وانا انتظرك يا قلبي

تميم جلس جانبها و قبّل يدها/يالبى قلبتس يمّه..اعذريني ما سريت منهم الا متأخر

ام تميم/بشر وشلون الشايب وشيهانه و وش علوم البر والحلال

البنات وضعوا باقي الفطور على السفره.. وجلسوا يفطرون
تميم/والله كلهم بخير ابشرتس.. وهالسنه خبرتس امطار يارب لك الحمد

ام تميم/الحمدلله..
دلال بابتسامتها العذبه/تميم.. الله يخليك ودنا البر اشتقنا لعمتي وجدي والوناسه..

صيته تأيدها/اي والله

تميم تذكر سلهام وخاف على اخواته منها/معليه مب اللحين بعدين

ام تميم بإلحاح/ليه يا وليدي.. والله كلنا متشفقين نطلع البر.. ملينا من الحكره بهالبيت

تميم اضطر يوافق علشان أمه ما يقدر يقول لها "لا" /
خلاص ابشروا.. نهاية هالاسبوع اطلعكم معي.. الا ماقلتوا لي وين صقر ؟

ام تميم بضيقه وانزعاج اتضح على ملامحها/مارجع الا الساعه 3 الفجر وللحين نايم، اخوك هذا الله يصلحه من قام يطلع مع عيال عمك هاجد وهو متغيير معاااد نشوووفه ابددد.. يا وليدي شفلك صرفه.. خله يتعدل ابوك معاد فيه شده..

تميم يؤلمه وضع أمه وعلاقتها مع والده.. تنهد وهو يخاطب نفسه (قصدك معاد يعطي هالبيت وجه ودايم مسافر عند زوجته الاجنبيه، مسكينه يمه من طيبتك تحاولين تغطين على ابوي وماتبينين تقصيره ، تحسبين محد يعرف ان زوجك متزوج عليك)


صيته تذكرت اللي صار لها البارحه ومن فتره بانزعاج، وقررت إخبار اخيها لأنها لو لم تفعل لن يكون الوضع لصالحها او لصالح اختها/تميم

تميم التفت لها بنظره ورجع يكمل فطوره/خير

صيته تخاف من نظراته الاتهاميه/مو خير والله

تميم وضع كاسة الشاي من يده و التفت اليها باهتمام/انا اخو صيته وش العلم وانا اخوتس

ام تميم تهمس لها تسكت/اسكتي خليه يفطر بالاول

تميم انزعج فاخلاقه الضيقه لا تسمح له ان ينتظر/صيييته تكلمي والا والله لأكب هالشاهي على راسك

صيته بلعة ريقها من الخوف،اخاها مجنون ويفعلها،للحظه ندمت انها فتحت سيره/شف لك صرفه مع نواف ولد جيراننا

تميم وقف واتجه لها بنفاد صبر ومسكها من عضدها، هو يعرف مدى حقارة نواف/وش سوى انطططقي

ام تميم/يابن الحلال اجلس مايحتاج تقووم

صيته وهي تتألم من مسكته/كل يوم يكشفنا رايح جاي فوق السطح ويطل ويقط كلام مثل وجهه وانت عارف ان بيتهم يطل ببيتنا.. خله يقلع هالحمام.. وانت عارف كل يوم طالعه لغرفة الغسيل برا، اذا ماشفت لك صرفه دوروا لكم وحده تغسل لكم ملابسكم

تميم صار وجهه احمر من شدة احتقان الدم وكأن عرق براسه سينفجر افلت يدها بقوه.. لدرجة انها صرخت من قوته/انتي السبب انتي..

الكل/!!!

تميم اكمل بصراخ/ليه تطلعين الحوش بدون تغطين هاااه لييييييه

ام تميم وهي تحاول تهدئته/يا وليدي انت عارف خواتك.. من زمان مانطلع الحوش الا متحجبات.. مع انه حوشنا..بس هالنواف هذا لسانه بذيء

دلال خافت وضلت مكانها…

تميم قام وهو متنرفز وعفاريت الدنيا كلها تتحاشاه من شدة غضبه/انا أوررريه هالسكير

ام تميم التفتت على صيته معصبه وثائره/انبسطتي يوم زعلتي اخوووتس هاااه.. انتي انهبلتي تقولين له؟

صيته وهي تمسك عضدها بألم وتحس ان كتفها انخلع/وان شاء الله تبيني اسكت عن نواف لين يتبلانا بمصيبه؟..لا يمه.. السكران ما ينسكت عنه. اذا حنا ببيتنا ماسلمنا من لسانه وعيونه.. بكره يجيب لنا فضيحه واروح انا واختي ضحيته.. اسسفه ماراح اسكت

ام تميم سكتت وهي خائفه من تهور ولدها..مع ان كلام صيته صحيح.. هذا الولد "الصايع"الذي يُدعى نواف زودها كثير..
،
طلع من البيت متجه لبيت الجيران وكأنه بركان بقمة ثورته يرتدي قميص النوم الابيض المقلم بالخطوط السوداء..

اتجه لباب الجيران وضربه بفوضويه و ضغط على الجرس وازعجهم..

خرج في هذه اللحظات ولد صغير عمره 6 سنوات وبلع ريقه من خوفه من تميم، سبق وان ضربه لأنه كسر "لمبات بيتهم بالكوره" /تميم!

تميم مسك الولد من ياقة بجامته وهو يرفعه و يصرخ بوجهه/وين اخووك نواااف يا احمد ووينه

احمد وهو مثل الارنب بيد تميم/اااا نواف نايم بالمقلط

تميم بغضب/رررروووح ناده لي بسررعه والا والله والله يا احمد لاربطك بسيارتي بحبل واسحبك على هالازفلت فااااهم

احمد وهو يتلعثم بالكلام/ط طيب طيب

تميم رماه بقسوه/يلاااا انقلع ناده لي

احمد نهض،من الارض وهو يمسك ظهره و ذهب يركض.. وعند الباب الداخلي اصطدم في اخيه "نواف" الذي مسكه وهو يادوب يفتح عيونه وشكله كان مزري و بملابسه الداخليه "فانيله وسروال"

احمد وهو يلهث/تميم هذاك هو عند الباب يبيك

تميم شافه وهو يجهر بصوته/نووويفااان ..يالكلب

نواف رفع راسه و رأى تميم/خييير وش جاايبك مع ذالصبح

تميم ماتمالك اعصابه/تكلمني وانت داخل مثل الحريم يالزلابه

نواف ضل واقف مكانه غير قادر مبالي بتهديداته/ماني فاضيلك.. روح ورااك بس

تميم زم شفتيه بغيض لم يتمالك نفسه ودخل بسرعة الصاروخ وشده من عنقه و ضربه بقوه وبشكل متكرر على وجهه ومن بعدها ألقاه أرضاً وهو يثبته و يهدده بغضب عارم وكأنه قتل اهله..

بهذه الاثناء تدخل ابو نواف وفرقهم ويادووب قدر يبعد تميم.. ،

تميم وهو يصرخ/فكني عليه هالرخمه فكني عليه

نواف لم يكن قادر على الحركه.

ابو نواف وهو يستعر من ولده السكير لابد وانه أخطأ بحق تميم/خلاص يا ولدي ذبحته بالضرب.. وشهو مسوي بعد هالمغضوب

تميم بتهديد/شووف يابو نواف.. ولدك هذا ان ما كفيت بلاه عني وشال هالحمام من فوق السطح ذبحته، محارم العالم ماهي لعبه ان شفت والا بس مجرد سمعت انه مأذي اهلي او بس نط فوق السطح والله مايحصل له و لكم طيب و انا تميم يابو نوااف و انت تعرف ززين وش يقدر يسوي تميم

بو نواف خاف من تهديده.. لأنه "راعي شر " و لم يحلف على شيء الا ويفعله/من هاللحظه بطرده من البيت وينقلع يسكن في الجبيل مكان ما يشتغل ولا له قعده بهالبيت

تميم بلامبالاه/بكييفك تذبحه تطرده تحرقه تسوي به اللي تبي لكن لا يتعدا حدوده.. سلام

خرج تميم بعدما داس على قدم نواف الذي مازال مرمي على الارض..

بو نواف التفت على ولده وهو ذليل/حسبي الله عليك من ولد عاق وسكير ومفشلني عند خلق الله.. اطلع بررااا ولا اشوفك

.
،
.
،
.
في منزلها..
..، نزلت من اعلى السُلم وهي غارقه بتفكيرها.. منذ بضعة أيام لم تكْن ولم تهدأ ستنتقم من من رفضت اخيها سابقاً لتتزوج بعد ذلك بمده بقاتل ابيها..
كانت في السابق تتقبل رفض "توق" لأخيها.. لكن ان تتزوج بقاتل ابيها.. هذا شيء لا يغتفر..
و لن تسمح له بالحدوث..

رفعت "منال"هاتفها لتبحث عن رقم تريده.. ثم ابتسمت بخبث/ان ما نفعت هذي.. فيه مليون حل يا توق… وماظن ان هذي راح تعدي اللي سويتيه على خير..



يتبع..