نهارك سعيد يا أنا
اليوم كان عندي أختبار تحديد مستوى باللغة الإنجليزية
هي دورة نهاية شهر مايو بس اليوم مجرد تيست لتحديد مستوى المتقدمين
مدة الاختبار 3ساعات وهالشي وترني شوي
ياترى شو بيكون مضمون الاختبار
بس الحمدلله طلع جدا جدا سهل وخلصته في ظرف ساعة
ولله الحمد

اليوم راسي مصدع وما حسيت بالوقت وانا جاية للدوام والساعتين الي نقضيهن فالطريق نمت شوي وريحت

بداية الأسبوع مدري ليش احسها ثقيلة حبتين ..مع ان الشغل نفسه والوقت نفسه
لا شغل إضافي ولا زحمة بس مجرد شعور لا تفسير له