مسك كتفي وهو يهمس | تراني في غيابك صمت |

[مجنونك ما يخونك]

على غفلة وانا آراقب مدى وادي الظـلام بصمـت
تسلل بالخفـى ظـل الحبيب مـن ورى ظهـري

وأنا في كل عزي فـوق صخـرة قصتـي ماقمـت
دريـت أنـه وراي ولابغيتـه لا قــرب يــدري

لعلـي أكسـره بـأول كلامـي لامـن إتكلـمـت
وأنا أخاطب ضميره وآتشكى مـن وجـع كسـري

عمدت أكتب ( أحبك ) عـالتراب بلا ( ألف ) مادمت
أعرف إن ( الألف ) تعني ( أنا ) وتطيح من قـدري

بديت أهمس بإذن جوفي نسيـم يصيبنـي لاهمـت
تناهيد ٍ بـدت تحبـي ألـم ليـن أصبحـت تجـري

على كبـر الخيانـة والتناسـي والكـذب قاومـت
شهر وآيام لا طـب ٍ يعيـن ولا دوا يـبـري!

أجـل أتـرك مكانـي للغيـاب وهقوتـي أجرمـت
وأجي وألقى الجريمة من يدين أجناب في صـدري
وانا ياويل حالـي قبـل أغـادر دنيتـك صممـت
أعـود بـلا عتـاب ولا مـلام وخافـق ٍٍ عـذري

من اول ما عرفت إن البحر دمعة قهر بـه عمـت
إلين أصبحت في جوف الورق غرقان في سطـري

أتمتـم بالكـلام اللـي كتبتـه وأمسحـه لانمـت
أخاف أحلـم وأكمـل ماكتبـت وينفضـح سـري

ويدرون الملا عن ماحبستـه بالحشـى وأقسمـت
أخبيـه لذبـول آخـر ورود الحـب فـي حجـري

ومر الوقت وإحساسي مابين آلمـت / مـا آلمـت
وظهـري يرقبـه عيـن ٍ تلـد تشـوف مايجـري

وفجأة .. خالط الموقف شهيق المذنب اللـي لمـت!
ونبظاته بـدت تزعـج حشـاي وتقتـرب حـدري.,’,

مسك كتفي وهو يهمس | تراني في غيابك صمت |
وحظنـــي وأنفتح دفتر دمـوع ٍ مـن شهـر مقـري


رآقتْ لِ |

[الشيخه الفلانيه]

قصيده جميل عزيزتي
كل الشكر ع الأنتقاء
يعطيك الله العافيه '

[رايق البال]

هلا فيك مجنونك ...
نص واختيار كالعاده جدا عذب
الف شكر لجهدك واختيارك وتفاعلك الجميل
طابت صباحاتك ...
( نص يستحق النجوم الخمس)

[حبي خالص]

الله الله عليك
نص جدا رااائع وراق لي
يسلم ذوقك مجنونك

[ابوقيس99]

اختيار جميل استاذه مجنونك

[رووح الورد]

••مجنونك••
ذووويقه متمكنه..
ابيااااات راااائعه جدآ...
حماك الخالق...
دمت بخير...

[جلنااااار]

قصيده رائعه .. كلمات راقيه..
يعطيك العافيه... دمتي بخير

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ