صــــــافــــي النيــــات؛؛؛؛

**روح الحلا1** · 28-04-2016, 07:52 AM

يـا صـافـي الـنيـات لا مـنك خـطيـت اكبر خطا
خــطاك مــا يــسوى واعــذارك مـثل نـار (الـتريـك)

لا تـصلـح اخـطاءك مـثل مـن زلت اقدامه وطا
رجـله عـلى دعـس (السليتر) بدل ما يدعس (بريك)

لا تــعتــذر ارجــوك وتــسيّب خـفوقـي لـلسـطا
واصـبح مـثل الاملاك مـزهـولة بلا شخص(ن) مليك

وتــحدّنــي يــم الــغراش ام الـعنـق وام الـغطـا
وابـلع غـطاك وغـرشـته وامـوت مـخنـوق(ن) وفـيك

يــوم الــمعــاشــيق تــتهــادا بـالـهدايـا والـعطـا
قــلت الــهدية بــزرع الــخافــق وشـريـانـه ب يـديـك

وسـافرت عنك وخافقي عندك وانا في (مسقطا)
وضـلوع صـدري والـجفـن ورمـوش عـينـي تـفتـديك

ابــغيــك لامــنك بــردت بـليـل مـعتـم تـشخـطا
اشخط رمش عيني ب جفن وضلوع صدري شمعتيك

ولامـن مـرض قـلبي وبيديك السعط تقفا اسعطا
ادري شـــفاه بـــقدرة الـــخالـــق واســـبابــه عــليــك

ولا عـن احـوالـي وحـالـي مـنك صـار ملخبطا
اســري بــدون ســعايــتي طــافـي ونـاشـع شـامـتيـك

واسـامـر الـنجـمات ع الـشاطـي ولـيلـي قد بطا
غــايــر عــليــك مــن الــليــالــي لا تــبلــل شــفتـيك
ظـامـي وعـينـي ع الـبحـر لو كان كله بزعطا
مـاعـاد يـروي هـالـظمى غـير الـعسـل مـن نـحلـتيك

خـليـتنـي مـدمـن عـلى شـاي الـمكـينه ل خرطا
مــدمـن عـلى شـايـك، وشـايـك لـي تـحلّيـه اصـبعـيك

وادمـنت انا ف الخوخ والرمان وافرط به فرطا
مــن يــوم انــا شــفت الــفواكــه كـلهـا فـي وجـنتـيك

لاجيت من بعد السفر واحمل من اشواقي شنطا
واوصـل بـدون شـناط واشـواقـي قـبل ماوصل تجيك

لا تـنثـر دمـوعـك وانـا لك زير واثأر واسخطا
واطــرد ورى جــساس نــاثــر دمــعتــينــك عـاذلـيك

ظـالـم...وجلادي عـلى ظـهر الـورق واشخبطا
واجـلد ظـهر مـيتـين(200)ورقة ثـار, ثـار لـدمـعتيك

لامـن كـتبـت إلـك الـقصـايـد كـلهـا فيك اشططا
تــغلــط وانــا مــجبــور اوصـل لـك كلام وارتـجيـك

عـيب الـكريـم الـلي عـطا الـخفاق ياخذ ما عطا
ولا يــشارك فــي خــفوقــه لـلمـحب احـد(ن) شـريـك

يـعنـي الـخطا لامن خطيت وغلطتك اكبر خطا
لا تــعتـذر بـاجـيك مـسرع دون (لـيت) ولا (بـريـك)