المدير العام للشؤون الثقافية والأدبية ورئيس رواق الشعر والخواطر والقصص والشيلات
يسعد صباحكم / مساكم
هلا بالجميع ..
من جديد نلتقي وقصه من قلمي قد تكون مختلفه هذه المره لكونها بعيده عن الجانب الكوميدي كما تعودت ...
اعتذر من الجميع بالبدايه لكون احداثها مؤلمه جدا ومؤثره للغايه ..
في منطقه ما كان يعيش اخوان اثنين غير اشقاء كل واحد فيهم تقريبا عمره 70 وربما اكثر وتوفوا قبل 7 او 6 سنوات ..
يعيشوا هالاخوين مع بعض في مزرعه قريبه من الملعب اللي كنا نلعب فيه كوره وكنت وانا رايح الملعب العب كوره مع الشباب امر بجانب مزرعتهم لانه هو الطريق الوحيد وربما القريب للملعب ..
واحد منهم كان منظره وتصرفه مرعب بكل ماتحمله هالكلمه من معنى سواء من الناحيه الشكليه او السلوكيه وكان لما يشوفني يتكلم بكلام غير مفهوم ويهذي والثاني وضعه شوي افضل ..
كنت وانا امر اسلم عليهم وانا اركض عشان الحق الشباب قبل لا يبدوا اللعب ..
وكان اللي شكله ووضعه افضل من اخوه يرد السلام ويسالني ..
الرجل : كيف حالك ولدي .. وكيف صحة ابوك وامك؟
انا : الحمد لله عمي كلهم بخير ..
الرجل : تعال تقهوى معنا
انا : مشكور عمي مستعجل الشباب ينتظروني ..
كان هذا الحوار الروتيني الدايم يجمعني به وبصراحه لعدة مرات كان ودي البّي دعوته بس اخاف لان منظر اخوه وتصرفاته غير طبيعيه ..
ولأن عقدة الخوف منهم وصلت حدها عندي ..
سألت والدتي ( رحمها الله ورحم والدي ) في يوم ما عن سر ذلك الرجل وخبرتها بكل شي احسه لما اطالعه وكيف ان نظراته وتصرفاته مرعبه ..
تنهدت والدتي ( رحمها الله) وقالت لي ..
- لهالرجل قصه ياولدي ..
انا وبكل لهفه : ايش هي قصته ؟
والدتي : هذا الرجل في شبابه كان كثير عاق لوالديه وخاصه امه الله يرحمها ويعاملهم بشكل سيئ جدا ..
انا : كيف يعني .. مافهمت ؟
والدتي : ياولدي هذا الرجل من ضمن اللي سواه بأمه انه بعد وفاتها (وكانت وفاتها في عز الشتاء وفي ليله قارسة البروده ) واثناء قيام الحريم بعملية التغسيل لها نادنه وقالت له وحده منهن قدام الكل ..
كلنا نعرف اللي سويته في امك وابوك في حياتهم من عقوق وتقصير بس ع الاقل الحين احسن ولو مره في امك وهي ميته دام ماسويت هالشي وهي حيه ..
رد عليها بكل برود : ايش اسوي يعني؟
الحريم : الماي على وشك يخلص .. روح الفلج هات لنا شوية ماي عشان نخلص تغسيلها والرجال يشلوها للمقبره ..
وكملت والدتي وهي تحبس دموعها ..
- تدري ايش رد عليهن؟
انا : لا .. بس اكيد راح يركض يجيب ماي
والدتي : لا ياولدي .. رد عليهن بكل برود وقسوة قلب ( ايش رأيكن بعد اسخن الماي عن تبرد وانتن تغسلنها خاصه اليوم برد وايد ) ..
كانت الاجابه صادمه .. مذهله .. مؤلمه للجميع ..
لما شافن الحريم هذا رده سكتن عنه وراحن مجموعه منهن وجابن ماي وانتهت عملية التغسيل وبعد ذلك دفنها بالمقبره ..
بعد وفاتها بعدة ايام اصيب هذا الابن بإنتكاسه مفاجئه حيث اصيب بشلل شبه كامل ولوثه عقليه واصبح كالاطفال في تصرفاته وكالمجانين يهذي بكلام غير مفهوم ولولا وجود اخوه معه مات من الجوع والعطش لان محد عنده يسال عليه ويتكفل به ..
بسم الله الرحمن (( وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24)) ..
صدق الله العظيم ..
انتهى .. بقلمي
اخوكم / رايق البال
نحن ..
لانرتب أماكن الاشخاص في قلوبنا ..أفعالهم ..
هي من تتولى ذلك..!
صباااح ورد اريج
يا هلا والله برايق
سبحان الله قصة جداا مؤثره
وقلووبهم قاسيه جداا
ووجدوووا عقابهم حتى ف دنيااا
ولكن في الحقيقة الوالدين اوصى بهم الله ورسووله وهم الحياة في الدنيا والاخره
فبتالي احرص عليهم كثيرا
الف تشكرات لك ايها السيد الفاضل
وبارك الله فيك
قصة جداً جميلة ومؤثرة ..
يعطيك العااافية استاااذ راااايق ..
...
لـ نفسي
خالفي الورد وأزهري في كل الفصول
إن كُنْتَ تَحْمِلُ في قلبِكَ عتباً تِّجاهي صارِحني بِه 🌸
...
سبحان الله
قصة جميلةة ومؤثرة ف نفس الوقت
شكرآ لك أستااذ ♡
إذا طال غيابي ، فسامحوني ، حينها احتاج للدعاء فقط !
أستغفر الله وأتوب إليه ❥
استاذي••رايق البال••
قصة راائعه وتلامس القلوب الرهيفه اتقن نسجها قلمك..
سبحان الله^^العقوق^^دين لايؤجل لك للأخره وانما تنال جزاؤك منه فالدنيا^^
هكذا شااءات الاقداار و عدالة رب العباد ان يحل به وذلك حصااد مازرعه...
واقل ما يمكننا ان نقدمه لهما في كل حين هو تكرار قولة تعالى:
""وقل ربي ارحمهما كما ربياني صغيرآ ""
•
•
•
ارزقنا البر بهما ورضاهما يارب...
واغفر واحتوي برحمتك من توفي منهم...
شكرآ خالده لرووحك
•••
لا حول ولا قوة إلا بالله
الله يهدي الجميع
اذا اهداك الزهر مره فأنا اهديتك بساتينه=واذا ألهاك بفرح ليله فأنا تهت لبكاك سنينواذا استضعفتك املاكه وشتتك ملاينه=انا حتى فتات الخبزه اقسمها معك نصينطموحي بس اجي واظفر بشي تستحقينه=تدينته..تسلفته..سرقته.. مو مهم منينكأني من كثر ما ارضى بكل اللي تمنينه=لو انك تطلبين الله يعنيني بقول آمينانا ما العب على الحبلين وقت الطيش وسنينه=تبين اللحين يوم اني كبرت العب على الحبلين؟؟ترى عند البدو بالذات عيب اللي تسوينه=حلاتك لاعشقتيني تعشقيني ليوم الدينغرام نسكن ضلوعه حشيمه من مجانينه=جفا يجمع معزتنا ولا عشق يذل اثنينكثار اللي تحدوني وقالولي تحبينه=امانه لاتخليني صغير في عينهم تكفينلاني كل ما قالوا تخون قلت:مسكينه=عليك الله وامانه علميهم من المسكين؟انا خايف الا طاح الجمل تكثر سكاكينه=وانا ما عادت ضلوعي تحمل طعنة السكينمثل ما قالوا: المكتوب واضح من عناوينه=لو ارحل منك للغربه بسافر من ظلامك وين؟؟كفايه كل حلمي مر في رقادي تزورينه=كفايه من تفارقنا وانا ما غمضت لي عينقبل يومين شفتك في المنام وقمت من حينه=ونمت امس ورجع نفس المنام اللي قبل يومين
صدق الله العظيم وصدق رسوله الكريم
عندما اوصانا بالوالدين خيرا
وركز على الام اكثر من الاب
سبحان الله على قسوة بعض الأبناء على اهاليهم
اللهم ارزقنا بر الوالدين وارحمنا وارحم كافة المسلمين
قصه جدا رائعه اخي رايق البال
وبالفعل مختلفه كليا بمعناها الكبير والمهم لكل انسان في هذه الحياه
لانه سيحمله على عاتقه الى ان يموت .. تسلم يمينك والله يعطيك العافيه
لاحول ولاقوة الى بالله
سلمت يمناك استاذي
- اللهم اغفر لى و لوالدى,
و لأصحاب الحقوق على,
و لمن لهم فضل على ,
و للمؤمنين و للمؤمنات والمسلمين و المسلمات
عدد خلقك و رضا نفسك و زنة عرشك و مداد كلماتك.
،
يالله شو من قلب فيه'
قصه مؤثره بالزااف ..الله يرزقنآ برهم..
كُل آلششكرْ عَ آلطرح
يعطيكِ آلله آلععآفيهً!
-
( وٰ إني قويه بـَ ؛ رب السمآء ).
المدير العام للشؤون الثقافية والأدبية ورئيس رواق الشعر والخواطر والقصص والشيلات
غزلانالمشاركة الأصلية كتبت بواسطة قائد الغزلان
بالفعل قلوب قاسيه حتى على اقرب الناس لها للاسف
الف شكر لمرورك وتعليقك اللي اسعدني
طابت صباحاتك
نحن ..
لانرتب أماكن الاشخاص في قلوبنا ..أفعالهم ..
هي من تتولى ذلك..!
ضوابط المشاركة
رد مع اقتباس