ليت يدري كم ( احبّه ) ليت ليت !*

[منكسهہ خشوم!]

الوعد قدّام والموعد بجيه
والبداية لا بعدني ما بديت

والعمر وان كان واضح بالوجيه
شوف وجهي ثم قل لي وش لقيت

ادري انّك بالعمر بتزيد فيه
لكن الواضح يؤكد ما خطيت

ان بغيت العمر صافي يالنبيه
صف عشرة جنب عشرة ان بغيت

وان بغيت اتعرف من وين اشتريه
كنت نازل سوق عمري واشتريت

اشتريته بكمّ هم(ن) محتويه
بين ضلع وبين خافق، واختفيت

الجروح اكثار لكنّي فقيه
لو كسرني من ضربني ما قويت

والرجل في ساعده ما هو فِ بيه
والرجا ما غير ربّي ان رجيت

والبواخر ترسي بْمينا عليه
كالجبال-ان كان برسي- ان رسيت

من يطوف العمر تايه يهتديه
والحَمِد لله قدّر واهتديت

وان سألت ان كان لي ماضي نزيه
او طرالي الحب في لحظة وسهيت

قبْل لا تسأل، أبعرف هو تبيه؟
ولاّ تبغى الجرح كان انّي بكيت؟

ذا سؤالك يالخوي ما هو وجيه
حدّد المقصود وجهة لا سريت

ايه احب، وفيه (أحبّك) ما تفيه
ليت يدري كم ( احبّه ) ليت ليت

والمشاعر فيه تطغى تهتويه
والقصايد فيه تنزل بيت بيت

كلّ ما جيت انتهي فيه ابتديه
كنّه مخدّر كحولي وانتشيت

كالعنب مع توت مخلوط اشتهيه
والصفا مثل الهوا ف بلاد سيت

في سلامه، في كلامه وْما يليه
له ثقافة، يا عساني ما قريت

حان وقت البين، يلعن والديه
شطّف عْظامي وْعروقي وانتهيت

رحت عنه وقال:ترجع؟، قلت: هيه
والوعد قدّام والموعد عنيت

وان قريت اللي بعيوني يالنبيه
حطّ في بالك ( بعدني ما بديت )



ل سيف بن سليمآن '

[الشيخه الفلانيه]

الله الله الله
قصيده جميله عزيزتي
يعطيك الله العافيه
يستحق النجوم الفايف '

[حبي خالص]

هلا بعودتك منكسه خشوم
نص واختيار جدا رائع
يعطيك الله العافيه وكلك ذوق

[بقايا طيف]

حروف رآآئعه نثرت بسخاء بمتصفحك ..
ليكون زاخراً بالجمآآل و رقي المعاني ..
مودتي لاعدمناااك ..

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[قمر البلوش]

نص رائع جدا
احسنتي الاختيار يخليك ربي

[منكسهہ خشوم!]

اسعدني توآجدكم
تسلمو عالمرور
منوررين �� .

[رايق البال]

هلا فيك منكسه خشوم ..
نص واختيار كالعاده ولا اروع
الف شكر لجهدك واختيارك وتفاعلك الجميل
طابت مساءاتك ..