مكبوس شوارما دجاج صنع ضيونة
السلام عليكم ورحمة الله وبركاته جميعا
كيفكم عساكم طيبين طيبون أطياب ؟
اليوم جبت لكم وصفة من صنع يدي ( مكبوس شوارما دجاج )
وبصراحة كانت فكرة عشان كان الدجاج مقطع شرائح وجاهز التقطيع ومفلسين نهاية الشهر
ما فينا ندفع حج دجاج مقطع آخر وقلت بس بسوي شوارما دام البنات خاطرهم مكبوس و بعزم البنات عليها ،،
والحمدلله طلعت النتيجة شيء رهيب ولله الحمد ،،،
المقــــــــــاديــــــــــــــــــــــــر :
رز حسب الرغبة ( عيش )
بطاطا واحدة كبيرة مقطعة مربعات حجم قابل للأكل
3 جزر مبشور
بصلة كبيرة مقطعة شرائح صغيرة ( ما أحب أكل البصل الواضح عشان كذا اقطعه صغير )
1 فليفله مقطعة شرائح ( فلفل البحر او الرومي )
1 فلفل أحمر مقطع قطع صغيرة (مره يفلفل)
شرائح دجاج جاهزة ( تقدري تقطعي دجاج إلى شرائح من نفسك )
فلفل أسود ، زنجبيل ، كمون ، ملح
بهارات ، قرفة ، قرنفل ، كركم
علبة روب (زبادي)
1 طماط صلصل
عصير ليمون
ثوم مطحون بودرة ( تقدري تستخدمي الثوم المبشور او المفروم )
زيت نباتي للقلي
2 طماط قطع كويسه
(يمكن تزيدي في الخضار وتعملي الي تبيه لان هذا فقط ما كان متوفر عندي )
طريقـــــــــــــة تحضـــــــــير المكبــــــــــــــــوس :
* نقلي البصل مع اضافة قليل من الزيت مع اضافة بودرة الثوم عليه نخليه حتى يتحمر .
*ثم نضيف البطاطا والجزر المفروم والفليفله والطماط للبصل ونزيد زيت شوي حتى احس أن الزيت تشرب.
* نضيف البهارات والزنجبيل والقرنفل والقرفة والكركم .
* ع جنب نسوي ملعقتين او 3 روب ونخلطهم مع ماي ونضيف عليهم 4 ملاعق طماط صلصل وكمون وفلفل أسود.
* نضيف الخليط للحشو الي سويناه ونغلق عليها مدة 10 دقائق .
* ثم نفتحه نحركه ونضيف عليه الفلفل الاحمر والملح ونشوفه لو يحتاج ماي ثم نغلقه حتى ينضج وبين الفترة والفترة
نشوف كمية الماي حتى لا ينصع لأن نحتاج الخليط بالماي حجه .
* في هالفترة إلي يستوي فيها الحشو اجهز انا الرز بالطريقة العادية للي ما جرب يطبخ رز أبيض فالطريقة سهله .
* نغسل الرز وفيكم تخلوه على ماي 20 دقيقة انا بالعادة ما اخله لأن ما عندي وقت اغسله ربع ساعة وخلاص .
* نجهز مويه للرز نحاول تكون مغلية شوي ونضيف عليها ملعقة ملح ثم نضع فيها الرز بس حاسبي لما تضعين الرز.
* فيك تحطي الرز في ماي دافئ وتسوي الملح وقرنفل وتحطيه ليغلي وينضج الرز ثم تخليه بالمشخل او المنخل
بمعني لازم تروحي الماي من الرز .
* ع كذا يكون الرز والحشو جهز قبل لا ترجعي الرز للقدر سوي للقدر زبده وسوي طبقة رز وطبقة حشو وهكذا
ثم حطي زعفران في الأخير وغطية مدة عشر دقائق على نار هادئة .
* وكذا خلصنا المكبوس .
* نغسل شرائح الدجاج كويس .
* نضيف الروب والزنجبيل والثوم والبهارات و القرفة والقرنفل والكركم لشرائح الدجاج وكذلك نرش الملح وعصير الليمون .
*نخلطهم زين ثم نحطي زيت على المقلاه ما يكون زيت كثير يعني فنجان زيت يكفي نخليه بس يسخن ثم نضيف الشرائح عليه .
*حاولي تحركيه وتضيفي عليه زنجبيل شوي مره ثانية وفلفل اسود .
* حطيه لحد ما ينضج مع التقليب ما بياخذ منك أكثر من 20 دقيقة وبتكون الشوارما جاهزة .
حاولي تقلبي الرز على الصحن وتخلطيه مع بعضه حتى يتوزع الحشو مع الرز الأبيض .
وبعد كذا ضيفوا شوارما الدجاج على وجه الرز وبالعافية عليكم .
صحة وهناء
تحياتي
رد مع اقتباس
المشاركة الأصلية كتبت بواسطة احساس روح
