اكرهني لاني في حياتي تماديت ..*

[♡سدرة المنتهى♡]

اكرهني لاني في حياتي تماديت
بالطيب والتقدير ماحدن رحمني..


اهملت نفسي لجل غيري ووفيت
هاذا جحد طيبي وهادا خذلني..


ظنينهم ياما وياما تمنيت
اشوفهم يمي وظني صدمني..


وانا الذي في ضيقهم ماتخليت
عني تخلو يوم ضيقي حضني ..


أن غابو افقدهم لقا ماتهنيت
وأن غبت ماغير الغياب فتقدني..


اسوق رجلي للوصل ون تعنيت
ارحمهم اللي في وصاله هجرني ..


اعيوبهم واجد وعنها تغاضيت
عن عيبهم سود الحقايق عمتني ..


يبغوني اخطي في كلامي ولاخطيت
الصمت من طبعي وطبعي غلبني..


ياليتها تاقف على الناس ياليت
الحظ ضدي ليت حظي خدمني..


طقيتها من كل صوب وتأذيت
عوج النتايج بالردا عورتني ..


حاولت اغير مسلكي واستمريت
الين صادفت الفرح منتظرني..


ايقنت بأني للمأسي تعديت
واللي كتشتفته طيف مر وخدعني ..


كملت دربي جانب الحلم مريت
شفته يطالعني وكنه سألني ..


وين انت رايح يالشقي ماتقهويت
سكتت لحظة لين صمتي نطقني ..


اعذرني ياحلمي اذا عنك قفيت
وشلون اجي صوبك وياسي كسرني..


من واقع احباط الأماني استمديت
ان الأماني ماذكرتني نستني ..


عايش كذا لاني بحي ولا بميت
اشهق همومي وازفر الحزن مني..


تعبت ادور نظرة انصاف عانيت
والعدل نفسه في زماني هزمني..


ياحلم غنيتك لليالي وغنيت
تحقيقك الي صعب جدا يغني..


بكمل المشوار وان بك تلاقيت
خلك هذاك اللي عرفني ونكرني..


اكبر حقيقه لواحاول ون اخفيت
مضمونها وضعي بحالي فضحني..


ادفع ثمن طيبي لان به تماديت
واهملت بي ذاتي وذاتي كرهني ..

[رايق البال]

هلا فيك سدره ..
نص واختيار جميل وجدا عذب
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[مجنونك ما يخونك]

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[نسر البوادي]

ياسلام عليك اختي سدره المنتهى رائعه الاختيار ياذوووق ابيات والا اروع يعطيك الف عافيه

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً !

[عملاق الشعر]

سدرة


نص رااائع اختي


سلمت يداك المبدعة وذوقك الراقي