المشاركة الأصلية كتبت بواسطة marwan_alsaidi
ههههههههههههههههه
هالجملة ذكرتني بشي سويته في ولد خالي << اللي كان يتابع مدونتي زمان راح يتذكر المغامرات اللي صارت مع هالمسكين بسببي هع
المووهيم..!
كنــا لسـه بالمدرسة، ماذكر اي صف، اعتقد بالإعداديـة لو ما خاب ظني..!
وكنـا بمزرعـة الوالد رحمـه الله << كان اجباري نروح كل اربعاء ونرجع الجمعـة
الموووهيم ان ولد خالي كان جاي معنــا وضرسـه كـان يتحرك ويعوره..!
ومن كثر ما كنـا نشوف رسوم وتوم وجيري وغيرهم
ونشوف كيف يقلعوا الضرس بحبل او خيط..!
قلت له تعال نقلعه بخيط..!
وهو على نيـاته يقول يصير؟؟ قلت له ايوا طبعا يصير..! هع < ياريتك ما سألت يا ولد خالي هع
الموووهيم انه، رحت ادور بأغراض ماماتي وحصلت خيط..!
وجبت ولد خالي قدامي، قلت له جلس هنا..! وافتح فمك..!
والولد سمع الكلام وجلس ووفتح فمه وقمت انا ربطت الخيط على السن << لانه كان يتحرك فكانت المهمه سهله..!
المووووهيم بعدها قلت له انزين شوف انا بروح شويه بعيد واسحبه زين..! انت لا تتحرك اوكي..! قال اوكي..!
قمت وقفت وامشي شوي، والخيط يزداد طوله والف وراي واشوف ولد خالي يمشي وراي..!
نعم اخوي انا ماقلت لك اوقف مكانك؟ ليش جاي؟؟!
اتــاري المسكين خاف على نفسه هع هع هع...!
وكالعاده حركتي لليوم نفسهــا، اقول للشخص شووف هناك، واخلص الشغلانه..!
قلت له يوووووه شووف هذاك؟؟ وهو يلف وجهه وانا اسحب وهوو ااااااااااااااااااااااااخخخخخخخخخخخخخخخ << صرخ بقوه يعني
هههههههههههههه
والدم اربع اربع وهو يصيح المسكين هع..! لانه اصلا بعد شكله ما كان وقته انه يطيح ههههههههه
وكالعاده جداتنا الله يرحمهم سبوني سب..!
وسبوا امي المسكينه سب..!
هههههههههههههههه
هذي بنتج مجنووونه، بتقتل ولدنـا، ولدوها ابن سينا..! << ليش كذا يا ام نبع الحنان؟ اهون عليج انتي وجدتي الثانيه هع
وطبعا اخذوا ولد خالي للعياده، اذكر كان في عياده قريبه نوعـا ما..!
ومدري وش سووا له..!
طبعا ما خلوني ارروح معهم، لاني كنت معاقبه وانواع الصريخ على راسي..!
وعــاد جدتي (ام والده ولد خالي) تقول قومي شلي هالقشور مل برتقال وديهم عند البقر والغنم..!
[بيبي، شكلج ما كنتي تعرفي ان اول شي اسويه لمن اروح المزرعه اركض للبقر والغنم هع]
عبالهـا المسكينه انه بخاف وبصيح..! وامي قامت تضحك
وانــا فرحانه بروح عند البقر << كان عندنا بقره مسمتنها زنووبه <<بالله عليكم هذا اسم خخخخخخخخ
واحب العب معها << ياخي كانت طيبه ما تسوي شي هع
مرات كنت اطلعها برا الحضيره هع هع واتمشى معها بالمزرعه..! << ماوكلي مل عمان هع
رد مع اقتباس