دفع عربون2700 ألفين وسبعمائه

[alknas_9]

صباح الخير

موضوعي اليوم عن قصه صارت قبل اسبوعين كذا. في واحد من الربع كان يريد يأخذ سياره من دبي اهم شي انو ما استشار أحد سوى الشي من رأسه وقبل اسبوع كنت طالع مع صديقه وخبرني ان فلان يريد يروح دبي ويريدني اروح معه علشان نجيب السياره واستفسرت من عنده علشان السياره قالي بصراحه هذا مأخذ سياره عن طريق واحد سوري في الأمارات وارسل له عربون 2700 من خبرني كذا قلت له خلاص لا بتشوف المبلغ ولا بتشوفو السوري اهم شي راحو لحد دبي وأتصلو للسوري خبرهم ان السياره فيها قطعه خربانه وكذا،بس ما شافو هذا السوري عن طريق اتصال فقط وقالهم ما مشكله انا برجع المبلغ برسله لك عن طريق البنك،السوري قاله برسلك المبلغ بعد الفطور والرجال ينتظر ومره يقوله برسلك الصباح ومارسل ألحين مسكين متورط حتى خايف يخبر اي شخص عن السالفه.

الخلاصه: واجب علينا الحذر وما نرسل اي مبالغ لأي شخص كان علشان محد يوقع في الفخ الذي وقع فيه صاحبنا لا يغريك اي شخص بكلامه المعسول ووعوده الكاذبه لاتصدق اي شخص غريب يعني الشرطه تحذر وهيئه تقنيه المعلومات بعد تحذر بس في الأخير يبقى كل شخص يحكم عقله ولا يكون اضحوكه امام الجميع

[غلاتي ف حلاتي]

مثل ما قلت لا بيشوف المبلغ ولا السياره يعني تو بالعقل بحول
عربون2700 حشى المفروض يكون اكثر حذر فالقانون لا يحمي المغفلين

[،إستثنائي،]

القانون لايحمي المغفلين

في سالفه لاحد العملاء معي اخذ سياره من شخص ودفع له مقدم وصاحب السياره بعد ذالك اختفئ ،
يعني الخلاصه احفظ حقك بنفسك من لبدايه ولا تعطي احد مبلغ الا من يكون بينكم عقد بيع وشراء ،

[احساس روح]

نعم صحيح
القانون لا يحمي المغفلين

[ملهم]

انا انصحكم لا حد يتعامل مع زلمات سواء هنا في عمان او خارج عمان الخاصة في دبي ولا تصدقهم بيحلفولك مئة حلفة بس كله كذب

المفروض يروح دبي مركز شرطة ويعطيهم رقم حساب شخص الي حول له المبلغ وبيطلعوه وبيظهر التحويل وكم المبلغ ويطلعلهم على رسائل الي دارت بينهم وبيطلعوه في الامارات ما عندهم خاب طاب ليش خائف يسوي هذا الحركة وان شاء الله تنحل مشكلته ويرجعن فلوسه

[جمال319]

انا انصحكم لا حد يتعامل مع زلمات سواء هنا في عمان او خارج عمان الخاصة في دبي ولا تصدقهم بيحلفولك مئة حلفة بس كله كذب

المفروض يروح دبي مركز شرطة ويعطيهم رقم حساب شخص وبيطلعوه وبيظر التحويل وكم المبلغ ويطلعهم على رسائل الي دارت بينهم وبيطلعوا في الامارات ما عندهم خاب طاب

اتفق معك ملهم لاتتعامل مع الزلامات ولا فدبي عاد

[يحيائي10]

الخلاصه: واجب علينا الحذر وما نرسل اي مبالغ لأي شخص كان علشان محد يوقع في الفخ الذي وقع فيه صاحبنا لا يغريك اي شخص بكلامه المعسول ووعوده الكاذبه لاتصدق اي شخص غريب يعني الشرطه تحذر وهيئه تقنيه المعلومات بعد تحذر بس في الأخير يبقى كل شخص يحكم عقله ولا يكون اضحوكه امام الجميع


بارك الله فيك

[القعقــــــاع]

السلام عليكم
الظاهر أن هذا الشخص سريع الضحك عليه ولم يفكر الا بشراء سيارة .. يجب الحذر الشديد بمثل هذه المواقف

[اموووره]

فعلا الواحد المفروض ما يوثق ..
بس ليش خايف حد يعرف بالموضوع ..؟!
المفروض يبلغ عليه لعل وعسى يسترجع حقه ..

[سلطنتي فخري]

اوووب مسكين يمكن ما عنده خلفيه عن هذي الامور يفترض علينا قبل ما نخطو اي خطوه نسأل ونستفسر ما الا كذا وعسى يسترد المبلغ