فهذا اليوم نظمتلنا المدرسة حفلة تخرج مثل ما يصير كل سنة ،، لكن كانت بسيطة مقارنة بالسنوات الماضية اللي حفلات التخرج يكون فيها نوع من المبالغة ،، فتكلف مربيات فصول 12 بتجميع مبالغ من الطالبات لحجز قاعة وأحيانآ مزرعة وشراء مستلزمات الحفلة ،، لكن سنتنا غير بعد صدور قرار بمنع حفلات التخرج من قبل الوزارة لصفوف الرابع والعاشر والثاني عشر ،، من بعد ذا القرار قررت المدرسة تنظم لنا هذه الحفلة البسيطة صحيح إن ما خلصنا الإختبارات لكن مثل ما يقولوا أحفاد نيوتن واثقين من النجاح خخخخخخ ،، في نهاية الطابور وجهتلنا المديرة كلمتها بأن نلتزم الأدب ونخفض أصواتنا لإن ضيوف من خارج المدرسة راح يتواجدون في الحفل ،، بعد الطابور روحنا صفوفنا عشان نودي الكراسي اللي بنجلس عليهن في غرفة التوجيه لإن كراسي الغرفة ما تكفينا !! ،، صفينا طابور ثنتين ثنتين وساحبين الكراسي معانا وع غرفة التوجيه وكانت زحمة لدرجة إن المكان ما كفانا لأن كل طالبة دخلت وكرسيها معاها والمعلمات حاولن بشتى الطرق تنظيم وترتيب الطالبات ولكن بلا جدوى فعدد كبير من البنات مالهم مكان وينتظرون خارج الغرفة وبعد كل المحاولات الفاشلة لتنظيم ، اضطروا يطلعوا بعض الكراسي والبنات اللي راكضات وحاجزات من الصبح جلسن ع كراسيهن ورا ،، والبقية ع الأرض ،، فهذه الأجواء الجميلة كانت نسبة كبيرة من البنات يتذمروا ومو عاجبهم الوضع وحد مبرطم وحد حران وحد يسولف وحد مستمتع عادي،، المهم افتتحنا الحفلة بتلاوة سورة من القرآن الكريم بصوت طالب من الصف الرابع الأساسي ومن بعد الإنتهاء من قراءة كتاب الله تعالى، جاء دوري في تقديم محاضرة عن اختيار التخصصات وحديث مبسط عن البعثات الداخلية والخارجية من بعد ما ورطني معلمات التوجيه الله يسامحهن !!



~يّتُتُبّبّع....~