مساءالخير
الله يعيد رمضان علينا وعلى المسلمين بالخير
انتهى بسرعه والليلة نتحرى هلال العيد
ربي يقبل منا ومنكم صالح الأعمال
ربي من علي واكرمني بأداء العمره
وسبحان الله صادف وقت عمرتنا انه يكون
يوم جمعه وايضا يوم 27 من الشهر
ماكنا مخططين نعتمر بهاليوم
كنا ناوين نعتمر فجر السبت تجنبا للزحام
لكن الله هو الي يسر ودبر
دخلنا الحرم الساعه عشر
من جهة التوسعه الجديده توسعة الملك عبدالله ربي يغفرله ويرحمه
توسعه ضخمه ومميزه وباقئ شغالين فيها
المهم ماقدرنا ندخل لطواف لأن المسجد ممتلئ،جلسنا بالتوسعه
وكان الجو حار والشمس فوق رؤوسنا
وربي ماتذكرت الا يوم المحشر
لما شفت حالة الناس تسبح.بعرقها وادور الظل دواره
كلن نفسي نفسي
اكثر ماشدني،تفاني رجال الآمن في خدمة ضيوف الله
شباب اغلبهم تحت الشمس
وتعب وصوم وارهاق ومع ذالك يقابلوا استفسارات المعتمرين بكل اريحيه وطولت بال
رغم ان بعض المعتمرين قليلن ذوق وآدب لا يلتزمون بالنظام ولا يسمعون التوجيهات
يبون على كيفهم
المهم من ميزات التوسعه الجديده
وجود مستشفى صغير داخل الحرم للاسعفات الأولية
توه مفتوحه ماله الا اربع أيام. طبعا كنا من اول زواره
لن أختي تعبت وانخفض. ظغطها
وماقصروا اسعفوها ونامت عندهم.الى العصر
لين تحسنت صحتها
كانت لليلة القيام مليئه بالروحانيه
منظر مهيييب جدا
الناس صفوف كبير صغير ذكر انثى غني فقير
كلهم سواسيه يرجوا رحمة ربي
نسأل الله.عفوه وغفرانه ورحمته
وقبول العمل
رد مع اقتباس