اقتباس المشاركة الأصلية كتبت بواسطة سارة الوهيبي مشاهدة المشاركة
بالعكس الارقام اللي ذكرتهن تعتبر بسيطة للأسف اخوي
من واقع تجارب انا عرسي الشهر الجاي ليلة العرس تقريبا 7الالاف تشمل القاعة و بوفيه وكوشه ودي جي وضيافة بس ما اذكر تكاليفي انا ولا تكاليف اللي في الطاولات الخ وبعد احس كان في خاطري شي2 لانها ليلة ما تتكرر مرة2في حياتي لكن اذا حسب الامكانيات المتاحة عاد البطايق ما حسبتها ولا الشقة وتجهيزاتها ولا الدبلة اللي اقل قيمة تحصلها500 ولا هدية العريس لان الذهب نار والله ما ذنب العروس الدنيا لابقة ولازم تراعي المعرس و اعرف كثار يتساعدوا وفيه اللي داخل جمعيات وفيه اللي مجمع وفيه اللي يقتصدوا وصارن عادي يتزوجن في البيت وكثار بنات اعرفهن هيك ،عندنا اولياء الامور ما يتدخلوا ويراعوا بس قبايل ومناطق عرسهن في البيت ولا خيمة ومهرن10الالاف وفيه امكانياتهم تسمح وعندهم خير طبيعي ما يريدوا اقل فيه ناس الساعة يشتريوها ب8و9الالاف فكل واحد وكيف مرتب بيحصل اهم شي لا يتدين ولا يسوي شي ما قده واكرر فيه بنات يرضين بالقليل !

ماشاء الله 7 واجد مع اني اعرف ناس قريبين مني نفس الشي كلفهم هالمبالغ بس المشكلة ما مستوعبين انه شي بدائل في السوق

يعني مصرين يتعاملو مع نفس الدي جي من خمسين سنة وهو سعره نار وشي دي جي جدد اسعارهم مناسبة جداا وشغلهم حلو

بوفيه نفس الشي الناس تبا هو هو يتعاملو معه من سنين وفي ناس جدد في السوق اسعارهم معقولة

شو رايك اني انا مرة حصلت عرض بوفيه + كوشة + دي جي + تصوير فيديو وكاميرا + تزيين طاولات ب 1150 ريال والشغل كان فوق الممتاز بس مجرد انه الدي جي لغينا وخذينا شخص ثاني نعرفه دفعنا زيادة 100 ريال تقريبا


يعني البدائل البسيطة موجودة بس الناس تبا الغالي اللي فلان تعامل معهم وفلان اخذ من عندهم

عالعموم مبارك عليك مقدما وربي ييسرلك امورك ويسهللك ان شاء الله
مفروض تعزمينا الملكة