مأعرف اذا كان شعور مميز ولا شعور صعب انك تكوني الانثى الوحيدة ما بين 4 ذكور
مع مرور الايام تبدأ تفقدي حس الانوثة ويطغى على حياتك الطابع الذكوري
وهذا بحكم الاغلبية الطاغية
عيالي ما شاء الله عليهم يعتبروني واحد من الربع
انا عندي 3أولاد
اكبرهم عمره 5سنوات واصغرهم سنه ونص

ووصل الموضوع انهم يلاعبوني كورة
لا ويخلوني حارس بعد..ولما أقولهم انا بكون حكم خلوا ابوكم حارس يقولولي ابوي
متين مايعرف يلعب
وعاد اضطر امس المرمى واخذ وضعية علي الحبسي
وطبعا المباراة اول ما تبدأ تكون ركلات ترجيح

وعاد نبدأ بفاصل وهو ضرابة بين الثنين من الي يشوت الاول
هذا ماسك اخوه من رقبته والثاني ماسكنه من شداغة
طبعا حمود الصغير هو الجمهور يخاف تجيه شوتة ولا كف

فاضطر ان اني ابدل من حارس لحكم وافض النزاع
وفهالاثناء يدخل حمود ويسرق الكورة ويركضبها وهم خبر خير
وبعد مشاورات ومصالحة ان كل واحد له ركلة ندور على حمود والكرة ونرجعها عشان نستكمل المباراة
وارجع ان للمرمى ..ملل لين يشوت حضرته
يسويلي وضعيه الكابتن ماجد وساعة لين يشوت
وفجأة يدخل عزوز ولد عمهم ويقولهم خلا نلعب غاية
حزتها بيقولوا خلاص اماه روحي شوفي التلفزيون .بنروح مع عزوز
وبيشلوا الكرة لحمود

طيب والحارس الي ماخذ وضعية الحبسي وش وضعه