البارحة رحت اخذ اغراض للمدرسة
وراحوا اولادي معاي
واحد بيكون صف الاول والثاني روضة
واول ما وصلت راحوا مباشرة للشنط
وكنت اشاورهم بالشنط الي بشتريها لهم
وعاد ما طفار ولوعه..كل واحد اخذ شنطة مال عجلات وقام يخمس بها
وبعد مجادلات وشد وجذب قدرت اقنعهم توصلنا لحل وسط بين الي يبغوه والي ابغاهن انا
من يصدق شنطة صغيرة مال روضة قيمتها 8ريالات و9
بيشلها خلودي اسبوع وبيجيبه بلا سحاب
السنة الماضية مشترتله 3شنط من بداية العام لنهايته
وهو بستان يعني حضانه ما من كثر الكتب بس ترا التخميس اول ما يوصل يغليها على الارض
المهم الحاجة الي متفقين عليها ان واحد يبي لون اغراضه اخضر والثاني ازرق

و لما جيت اخذ اقلام والوام ومساطر ودفاتر كانوا ساكتين..كأن الموضوع ما يعنيهم

ولما وصلنا لعلب الطعام ودبة الماي ارتبشوا مرة وقام كل واحد ينبش من صوب
كأنهم يدوروا على الكنز
المهم اضطريت اقطع الجولة
وارجع البيت
واكمل الملابس والاحذية وقت ثاني