(((((( كيف ابفرح في صباحً..مع الليل استوى )))))

[نسر البوادي]

بسم الله الرحمن الرحيم انتبهت لدمعها بالهدب..والكحل سال..
لين جفت عينها دمع..والقاع ارتوى..
وابتدت لحظة جفا..وانتهت لحظة وصال..
وانطفا نور السعاده..واحسب انه ضوى..
ماكتفيت من الهوا والغرام..اربع ليال..
واقفت ايام التلاقي..وجا وقت النوى..
كنت ابسلى وابتسم..والتفت عنها شمال..
لاقويت الصد عنها..ولاقلبي قوى..
ماهقيت ان الهوا عذب قلوب الرجال..
لين ضاع العقل مني..وتفكيري سوى..
رحت ادور دفوة الشمس..ضيعت الظلال..
جيت اطفي شعلة النار..والقلب انكوى..
ماهقيت ان السعاده خيالً في خيال..
تروي قلوب الحبايب..وقلبي ماروى..
كنت ابشتال الهوى..والهوى ثقل الجبال..
وان تحملت الجبل..ماتحملت الهوى..
كنت ابسلى بالهوى..والهوى صعب المنال..
مارضالي حظي الي..طواني وانطوى..
قلت لأفراحي تعــالي ولاقالت تعـال..
والخفوق ان قلت ابدبل..على صدي نوى..
الله اكبر..لأشرقت شمس..يتلاها زوال..
كيف ابفرح في صباحً..مع الليل استوى..
لاحصل بالحب قسمه..ولاجالي مجال..
غير اشوف معاند الجرح..وعناد الدوا..
شبت النيران..وأقفت..وجا رد السؤال..
ماتشب النار ياكود يوصلها هوا..

[مجنونك ما يخونك]

[رايق البال]

هلا فيك نسر البوادي ..
نص واختيار جدا رائع وجميل
الف شكر لجهدك واختيارك وتفاعلك الجميل
طابت صباحاتك ..

[نسر البوادي]

مجنونك تسلمين اختي مرورك الراقي اسعدني وكلك ذوووق

[حبي خالص]

انتقاء جميل أخي
يعطيك الله العافيه ويسلم ذوقك الراقي

[ندى الوورد]

نص جميل نسر البوادي
سلم ذوقك الراقي

[نسر البوادي]

تسلم استاذي رايق البال مرورك العطر اسعدني ياذوووق

[نسر البوادي]

حبي خالص تسلمين اختي مرورك الرائع اسعدني وكلك ذوووق

[نسر البوادي]

ندى تسلمين اختي مرورك الرائع اسعدني وكلك ذوووق

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً !