اقتباس المشاركة الأصلية كتبت بواسطة ميران القمر مشاهدة المشاركة
السلام عليكم ضيوون ..
رواية جدآ جميلة و كتابة حلوة وتعليقاتك على كلام مي وفي وزميلاتها تضحك هههه
بصراحة تحمست أشوف التؤام ..! ضحكتني المديرة يوم راحت تنازع البنات وآخر شي يصفقن لها هالعادة ما أعرف متى بيتركها الطلاب بعد النزاعة لهم يصفقون ..!
مواقف حلوة تصير في المدرسة من خلال قرائتي لروايتك إتذكرت مواقف الشلة الشبيهة وبالذات أوقات التفتيش إحنا في المدرسة مساحة الطابور ضيقة وكل صف يصف قريب من بعضه وعند التفتيش من معلمات الرياضة وبعض من الإداريات ومربيات الفصول ... البنات يدخلوا في طوابير الصفوف الثانية يعني لما المعلمة تفتش البنات الواقفين قدام .. البنات اللي ورا المخالفات يدخلوا في طوابير الصفوف الثانية ....
بس أكثر موقف يضحكني لما كنا صف 9 .. كانن معلمات صفنا غايبات تقريبآ 4 رايحات عزاء أخو وحدة من المعلمات متوفي .. فكانت عندنا حصص فاضية كثيرة وكنا نسولف الصف كله مع بعض المهم ما أعرف شو جاهن بعدين ههه راحن وجمعن الطاولات على شكل مربع وفي النص فاضي المكان طبعآ وجلسن يرقصن ..! المهم إن طاولة المعلمة قربنها من الصبورة وخلن عليها كرسيين والمفارش اللي نخليهن على الطاولة خذنهن وعلى الكرسيين ههههه مسويات كوشة وصفقوا وغنوا ..! ع أساس عرس وفي هذه الأجواء دخلت علينا مساعدة المديرة وشافت المنظر .....!!! ووحدة من البنات الفتانات خبرت وقالت فلانة رقصت وفلانة ضحكت ووو مع العلم إنها كانت مشاركة في الطقوس هذه المهم وقفوا الصف كله في اليوم الثاني في الطابور وعطونا تعهد هههههه

ربي يعطيك العافية بجد راوية ممتعة
هههههه يعطيك العافية عزيزتي ميران ايام المدرسة كثيرة واتوقع الي قلته حصل بس هناك المزيد ع العرس في قصة صارت بذكرها في الرواية هههههه وسوالف المديرة والوقوف على أرض الطابور ياما خسر علينا كلاسات < من زود العلم يعني هههه
أسعدني تواجدك غاليتي بارك الله فيك وعساها ضحكة دائمة يا رب