كل شبر بهالوسيعـه ملـك ربـي تعلميـن

[أشتاق للجنة]

قصة روووووووعه ... لبنت كانت تشوف واحد بعين قويه .. المهم الرجال طلع شاعر وما قصر فيها بكم بيت لكن المفاجأه هي .....؟؟؟؟

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون


لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون


لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون


ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون


الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون



تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون



وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون



مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون



وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون



إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون



آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون



يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

بآلفعل آن هنآك من الظن مآهو آشبه بآلخنجر

[أعماق المحيط]

كلمات جميلة
ان لم تخني الذاكرة هذا الشعر للشاعر سالم البدوي واعتقد قد سمعت القصة في الاذاعة
وقد انتشرت القصة وشعر وقالو لشاعر سعودي وقالوا الشعار راى الفتاة في المطار .. لكن هي معلومات خاطئة
وهو ما أكده الشاعر بنفسه

دمتم ف حفظ الله ورعايته

[الشيخه الفلانيه]

انتقاء جميل
كل الشكر ع الطرح '

[حبي خالص]

نص جميل عزيزتي
يعطيك الله العافيه

[أشتاق للجنة]

كلمات جميلة
ان لم تخني الذاكرة هذا الشعر للشاعر سالم البدوي واعتقد قد سمعت القصة في الاذاعة
وقد انتشرت القصة وشعر وقالو لشاعر سعودي وقالوا الشعار راى الفتاة في المطار .. لكن هي معلومات خاطئة
وهو ما أكده الشاعر بنفسه

دمتم ف حفظ الله ورعايته

تسلم أعماق المحيط ع المرور الطيب
ما تحضرني المعلومه اللي ذكرتها
جزاك الله خير

[أشتاق للجنة]

انتقاء جميل
كل الشكر ع الطرح '

شكرااا ع المرور والتواجد العطر الشيخه ♥

[أشتاق للجنة]

نص جميل عزيزتي
يعطيك الله العافيه

شكرااا ع المرور الجميل خيتي ♥♥

[زهرة الأحلام]

.
.


غاليتي / أشتاق للجنة ..
كلماآتٌ جميلة ، ذوقٌ راآقي !
أسعدكـ الرحمن !

[الــنور]

[/
وفقتي في الأختيار
وفقك المولى ...........

[الصممت هيبةة]

نص جميل..
ربي يسعدكك..