(((( مالومه الدمع يومه طاح واشقاني ))))

[نسر البوادي]

بخاوي الليل لين الصبح ياويني

واتلحف الضيق لين تعود لأحضاني

دامه غيابك لعب في حسبة سنيني

مالومه الدمع يومه طاح واشقاني

ياللي رسمت الوفا مابيني وبيني

وشلون ترضى اعيش بيوم وحداني !

انت اكثر انسان وارد في دواويني

حتى لمحت البشر طاحوا من أعياني

وانا اكثر انسان حبك وانت جافيني

يا حلمي شلون تتحقق مع ثاني !

خليتني للسهر وحدي يعنّيني

وشلون ضاع الوفا يا جملة أحزاني

الضحك في غيبتك ما عاد يعنيني

والبرد يسأل عن آخر عهد خلاني

وأجاوبه والدموع بضيق تكويني

ليته لدرب الغلا ما يوم ودّاني

حسبي على البعد كانه لاعب ٍ فيني

والمشكلة شوف ليه أصبحت إدماني

كان العمر شوك وانت أجمل بساتيني

كان السهر موت لين وصالك أحياني

ما كان به شخص وقت الشعر يرويني

الا انت ياللي سكنت بكل أركاني

لا مرك البرد كنت ألحفك عيني

لا جيت محتاجني .. محتاج القاني

لا غرّد الصبح ابدا بك عناويني

لا غابت الشمس كنت تدق بيباني

وافتح لك وتركضي يمّي تضمّيني

واضيع في ضمتك وتضيع عناويني

فجأة لقيت الوفا جاني يعزّيني !

يا قوّ قلب الوفا فيك انت عزّاني

للحين ماني مصدق لو تخونيني

خوفي اصدق وأعيش العمر وحداني

صحيح رحتي ولكن عايشه فيني

في كل ليله أعيش أيامنا ثاني

ببقى أحبك الين الموت يطويني

يا حلا عذاب الهوى في سالف أزماني

[ندى الوورد]

رائع اختيارك أخي
سلم الذوق

[نسر البوادي]

تسلمين اختي ندى الوورد مرورك الرائع اسعدني وكلك ذوووق ياذووق

[مجنونك ما يخونك]

[حبي خالص]

الله الله
اختيار جدا جميل أخي
كلك ذووق

" نص يستحق النجوم الخمس "

[نسر البوادي]

تسلمين اختي مجنونك مرورك الراقي اسعدني ياذوووق

[نسر البوادي]

الله الله
اختيار جدا جميل أخي
كلك ذووق



" نص يستحق النجوم الخمس "

اختي حبي خالص مرورك العطر اسعدني وشكرا لتزيينك الصفحه بالنجوم الخمس وكلك ذوووق

[رايق البال]

هلا فيك نسر ..
نص جدا راقي وعذب كما تعودنا منك
الف شكر لجهدك واختيارك وتفاعلك الجميل
طابت مساءاتك ..

[أشتاق للجنة]

جميييل ما انتقيت اخي نسر كعااادتك
الله يعطيك العافيه

[زهرة الأحلام]

.
.


أخي / نسر ..
كلماآتٌ راائعة جدااا ، ذوقٌ راآقي !
أسعدكـ الرحمن !