°°{{البارت الثالث، الجزء الثاني}}°°
-مدخل-
وسألتني وش كتبت
ووش محيت؟
قلت ماادري
كنت باول سطر
فـ عيونك ونمت
وتوّني منها صحيت!
وسألتني يعني
ماحسيت بانفاسي؟
وهمت، قلت
ماادري.. ما فهمت!
ㅤ
ساره : ما كل الشباب ثقه
شجون-بطرف عينها-:مثله يعني ؟
ساره-عدلت جلستها-: شجون ليش احسج كارهتنه هالكثر ؟
شجون : ما كرهه بس انا مآ أحب اثق
ساره : طيب محد طلب منج الثقه!
شجون : عيل ؟
سارة : شوية احترام ترى الولد مُحترم وسجله نظيف كلهم يشهدون له '
-شجون سكتت-
ساره : أنا ما اقصد ، بس تعاملج معه ما عاجبني ابد تحسسيه انه ولاشيء وللعلم هو ما يحب يلتفت لاي شخص '
شجون: بس انا ما احس كذا '
ساره : شو اللي ماحسيتيه؟
شجون : ولا شيء '
ساره : طيب بتحكي لي ؟
شجون : عن شو ؟
ساره : مُعاذ '
-كنت اظن اني نسيتك ، محيتك وما عاد لك بقلبي مكان لين جت سيرتك وآثرك اخذت مني كل ما امتلكت نسيت العتب نسيت الملام ممكن تجي ؟ انا آشتقت لك .
-في جآنب ثاني-
* دخل الشقه المُشتركه بينه وجراح ومحمد*
محمد: آوهه غريب راجع ألحين؟
: هيه الجو اليوم ما مساعد لشيء'
محمد: غريبه عيل اشوف السما غيم !
: هيه بس شوي ما حبيته ومعي اختبار لازم ادرس
جراح : عزوز؟
عبدالعزيز: هلا !
جراح : اختبار شو انا آخر من يعلم ؟
عبدالعزيز: لا قصدي المشروع '
جراح-على قدام-: ايواا ، شكلك مستعجل عليه
عبدالعزيز: لا كل الموضوع ابيه قوي مثل كل عام
محمد : ذيب مجتهد ، حظك نحس بس لاننا طحنا معك -وماحس الا بالجوتي على راسه-
جراح-بنص عين-: هذا حظك انت يالغبي الله جابك مع واحد مجتهد وخلوق وانت ما تصلحت
محمد: انا اتكلم انت وش دخلك ها ؟
جراح: دخلني مو انا معكم بنفس المكان !
محمد: الباب اللي دخلك لازم تطلع منه
جراح: ياهل انت جالس تنآقرني ؟
محمد: من اللي بدأ ؟
جراح: انت لازم اعلمك شلون الناس تتكلم
محمد: درست 12 سنه في المدرسه وسنتين جامعه وتجي حضرتك تعلمني شنو ؟
عبدالعزيز-بصراخ-: بسس بسس ازعججتونا صارلكم فتره وانا ساكت
محمد: طيب هو الغلطان ترى
جراح: خلاص عاد كبر عقلك '
محمد: انا ساكت اساسا ، ما ارد على مثلك
عبدالعزيز: فهموني انتوا اليوم شو بلاكم !
-محد رد-
عبدالعزيز: من متى صايرين تتناقروا مثل اليهال وانا ساكت بعدني'
جراح : عبدالعزيز !
عبدالعزيز: هالمرة ما بسكت واللي ما يصطلب انا اعرف له !
محمد: عبدالعزيز فيك شيء ؟
عبدالعزيز: انتوا متى بتصطلبوا ؟
محمد: ترى هذا مزاح واحنا كذا دوم شو رديت لأطباعك !
عبدالعزيز: هالكلام مايمشي معي'
جراح: شكلك ناوي ترجع القديم'
عبدالعزيز: اي قديم هذا اللي تقول عنه بعد ؟
جراح: عزوز ، لاتنسى نحن ربعك !
عبدالعزيز: ربعي على عيني ورأسي بس لمن تصطلبون وتصيروا ريايل '
محمد: معذور يالغالي شكلك مو على بعضك
عبدالعزيز:الا انا اليوم بكامل قوآيّ العقليه شعندك قول ؟
جراح: عزوز آذكر الله'
عبدالعزيز: لا إله الله محمد رسول الله
جراح: شو بلاك؟
عبدالعزيز: إنا لله وإنا إليه راجعون، ردينا؟
جراح: طيب هديً
عبدالعزيز: وشو تشوفني؟
-جراح فضل السكوت هِنآ-
محمد: عزوز ، اذا في شيء مضايقكك قول لنا '
عبدالعزيز: ماعرفكم انتوا مامتحملين بعض ليش!
محمد: غلطان احنا دوم كذا ونرجع نتصالح بس انت اليوم فيك شيء
عبد العزيز-بصراخ-: اوفف كل ماقلت لواحد فيكم شيء قال فيني شيء يبوي مافيني شيء عقلوا شويّ!
-وخلاهم بحيرتهم وطلع محمد وجراح ظلوا يطالعوا بعض بدون ولا كلمه-
*في الناحيه الثانية*
ساره : ليش كل ما سألتج عنه تسكتين ؟
شجون: لا بس تذكرت شيء !
ساره: كنتوا تحبوا بعض ؟
شجون: قلتيها كنتوا '
ساره : يقربلج ؟
شجون: ولد عمي '
ساره: وشو صار ؟ احكي لي بيني وبينج
شجون : بنفس عمري ،كنت احبه وكان يحبني
ساره : وآفترقتوا ؟
شجون : على قول القآيل : إفترقنا ويآشماته من درآ '
ساره : وشو السبب ؟
شجون: سبب تآفه جداً '
ساره: وشو السبب ؟
شجون: السبب يقهر كثر القهر اللي صابني وانا اراجع كلامه يوم قال وعد ما نفترق لو اللي يصير وارجع اقوله بسؤال 'لواللي يصير ؟ يظل يرددها ألف ' لو اللي يصير.
سآره : الاهل فرقوكم ؟
شجون: ياليت كان هانت '
ساره: عيل ؟
شجون : بعثتي '
ساره : بعثتج ؟
شجون: هيه والمشكله ما كان رافض الشيء ولا قد كلمني عن رفضه هذا '
ساره : خليه مستقبلج اهم '
شجون: اللي يقهر اكثر واكثر
-قاطعتها ساره-: في قهر اكثر من كذا !
شجون : هو ابتعث مثلي !
-ساره جت بتتكلم وقطعت كلامها وبصرها شآخص وراء شجون-
ㅤ
-مخرج-
غاب صوتك بس
والله " اسمعه "
قبل دمعاتي
وبعد اللاّ وعي
كل غايب هالزمن
عذره معه !
إلا انت ارجع
و عذرك معّي .
رد مع اقتباس