ليتني ياليتني مثل النحل

**نوارة الكون** · 04-09-2016, 08:24 AM

مجاراه لقصيدة شاعر الخليج الاول سعد بن جدلان
والتي مطلعها
ليتني مثل النخل مايجيب الاتمر
لاجل مايزعل عليه فلان ولافلان

ليتني مثل النّحــلْ ماغذاه الاّ الزّهــــــرْ

يينتج اطياب العسل للشفاه وللــــــســانْ

أو مثيل الطاير اللـي على الغابه يمـــرْ

ينظر الريضان تحته وعذبات الجنــانْ

وياهني اللي طلع واعتلا فوق القمـــــرْ

وابتعدمــن الأرض ويشوفها تحته تبانْ

وياهني اللي سعيدٍ وسالْـمْ من الكـــدر

مايجيه الهم لاسـجّ واعجبـْه المكــــانْ

وياهني الطفــل مابعْـدْ فكّــر في الدّهـــــرْ

فرحته في شوفةْ اهله وشوف المهرجانْ

وياهني اللي يصاحب اســــد ولاّ نمـــــرْ

مايبادلها العــداوه ويسعد بــــا لأمـــــانْ

ليتني تحت السحايب وهتان المطــــر

واشرب الما في رياض الزهر والاقحوان

بوغريب يقول ياليت بيته من حجـــــــــرْ

ماشكى جور الحضاره وتعقيب اللجــانْ

ساكنٍ في خبت مزيون من عل المـــطـر

ويتجول في الصحاري على سرج الحصان

مايرى غير النشاما طويلــــين العـــــــمـــر

والهنوف الباديه مثل عـــود الخــــيزران

لاتلومونه اذاجر لحـــنه من صــــــــــدر

واشتكى بعد الحبايب وصولات الزمـــان