بعا انتوا كفيتوا ووفيتوا في الموضوع
الكل اجمع انه مستحيل يخطوا هالخطوة عشان ما يكسرون اهلهم
انا معاكم بهذا الموضوع ولكن اتفق مع الاخت روح الورد فاول مشاركة
احيانا هالخطوة هي الملاذ الاخير للبنت عشان تعيش حياة طبيعية حالها حال البنات

سمعنا عن قصص كثيرة لبنات ايتام تحت وصاية العم او الاخوة تعدن الاربعين من العمر دون زواج
واذا تقدم لهن واحد ما عليه كلام بعد ينرفض والسبب ان البنت عندها ورث كبير من ابوها والعم ما يريدها
تتزوج عشان ما تطالب بحقها ولا تستقوي بزوجها
كذلك ربما اخوها الي عارف انها دامها معاه ما تقدر تصرف فلس واحد بدون اذنه بس لو تزوجت يمكن بتشجيع من زوجها تطالب بميراثها

نقطة ثانية.كثير من البنات وصلن الى حدالعنوسة والسبب اهلهن يرفضون ان البنت تطلع من برع العايلة
ويكون عقولتهم(دهننا في مكبتنا)بدون اي مراعاة
لنفسية البنت وهي تشوف الي بعمرها اولادهم على اعتاب المدارس وهي لحد الحين ما تزوجت

وأحيانا تكون البنت موظفة وابوها من جشعه ما يردها تتزوج وحد يشاركه فراتبها
ويخايها طول عمرها تكرف وهو يسحب الراتب وينقط عليها بالفتات
ترى صعبة على البنت توقف قدام القاضي وتقوله زوجني
بس مرات الامر يستدعي هالشي
والمفروض قبل لا تروح المحكمة تحطهم بالصورة وتنذرهم
مب هم يظنوها بالبيت ولا يدروا الا الشرطة تطلبهم للمثول فالمحكمة
فهالحالة ضروري بيصير صدمات وغيره