( ... ❤ كان لي عندك حكايه ❤ ... )

[رايق البال]

قصيدة :زاير الفجر وينك

http://archive.omaniaa.co/showthread.php?t=169654


يسعد صباحكم / مساكم

لكل الأحبه اهدي ما خطه قلمي المتواضع ....

زاير الفجر وينك

وين طلّة جبينك

عوّدتني حنينك

لا تطيل الغياب


شوف حال المعّنى

كم بإسمك تغنى

ولوصالك تمنى

خافقه فيك ذاب


انته انته رفيقه

انت ورده ورحيقه

لو جروحه عميقه

فيك يحلى العذاب


كيف انساك قلّي

وانت وردي وفلّي

خافقي بك يهلّي

وعن هوى الغير تاب


فيك حلمي لقيته

ولك طريقي مشيته

وان شعوري خفيته

يفضحه الإضطراب


ياعسى بس تفهم

للذي لك تظلّم

تستمع له ويغنم

منك رد الجواب


اخوكم / رايق البال

~~~~~~~~~
قصيدة:وقالت لامتى بصبر

http://archive.omaniaa.co/showthread.php?t=169962



يسعد صباحكم / مساكم

الإهداء لكل من تعاني نفس الوضع مع تمنياااااتي بإنفراجه .. والإهداء

اكيد موصول لكل الأحبه .....

وقالت لامتى اصبر وامارس لعبة الاحلام

تعبت من الصبر وانته مريح(ن) سالي البالي

فنيت سنين من عمري اطرّز فرحة الايام

واقول اليووووم او بكره يعوّد حلمي الغالي

وراح اليوم مع بكره ومرّ العام تلو العام

وقلبك ماااسأل مره ولا لحظه رثى لحالي

وتتركني بقايا انسان محطم تخنقه الاوهام

ادوّر دربك الضايع عسى القى سعد فالي

اعاند فيك من ينصح واخاصم قولة اللّوام

واناشد روحي الهلكى تكايد قول عذالي

واكتم لوعة الشكوى وادندن باعذب الانغام

عسى تسمع صدى صوتي وترفع هامتي عالي

وارجع مثقل الخطوه اصبّر خافق(ن) بك هام

وادوّر لك عذر لجله نويت اليوووووم إذلالي

وفجأه التقي شخصك يبدّد وحشة الايام

ويطلب مني الرجعه لحب(ن) قطّع اوصالي

وتهمس لي احبك دووم واني مصدر الإلهام

وانك بس لي وحدي واني مامضى وتالي

تذوّبني مناجاتك ويغسل دمعك الاسقام

واحضنك بالفرح واهتف هلااااابك ياهوى بالي



اخوكم / رايق البال


~~~~~~~~~~

قصيدة: همس القلوب

http://archive.omaniaa.co/showthread.php?t=176843

يسعد مساكم / صباحكم

لكل الأحبه اهدي ماخطه قلمي ...

على همس القلوب المتعبه بالحب والآهات

عزفت من اللحن احلاه وراقتهم مواويلي

تنااافض كل مافيهم وبانت لوعة الحسرات

تناثر حارق الدمعه وكل (ن) صاح ياااويلي

شجاهم عزفي الراقي وذكرّهم بما قد فات

هلا بكل من شكى فرقى وجا صوبي يناديلي

هلا بكل من حبيبه راااح وعنّه طوّل الغيبات

هلا بكل من شكى حظ (ن) تعمد عنّه ايميلي

سلام الله سلام الله على كل مغرم(ن) مابات

سلام الله على خل(ن) مديم (ن) دوم يضويلي

متى مالهّم نوّخ بي لفاني بأعذب الهمسات

واشعل بالفرح صووووته وطلاّااته قناااااديلي

هلا بالغالي الغالي هلا بك عمري اللي آت

هلا باللي احبه موووووت واشكيله ويشااااكيلي



اخوكم / رايق البال

~~~~~~~~~~

قصيدة: اهداء خاص لأعز الناس وأغلاهم

http://archive.omaniaa.co/showthread.php?t=166231

يسعد مساكم / صباحكم

الى روح امي الغاليه - رحمها الله - اهدي نزف قلبي ولواعجه ..

والإهداء موصول لكل من استوقفته احرفي وقلمي المتواضع ..


عودّتني التسامح والخفوق الحنوني

شايل الهّم عني لو بقلبك حريقه

تبتسم رغم انه بك عظيم الشجوني

تحتضن ود عمري لو دموعك دفيقه

بالصبر تحتويني ان تزايد جنوني

كم تراعي ظروفي والجراح العميقه

ماتخليت عني يوم كل(ن) جفوني

لا حشى يامداوي جرح قلبي وضيقه

ان تباعدت تعذر.. ماأسأت الظنوني

وان تقربّت زهرك يسقني من رحيقه

وان شكيت الليالي كنت افراح كوني

يااااامنوّر مسيري ان تعتّم طريقه

يارفيق الليالي ياملاذي وعوني

كم تجلّى وفائك بالعهود الوثيقه

كل مافيك آيه ضافيه كل لوني

وكلّ مافيّ يهتف انته انته رفيقه

آمر , انهي , تدلّل فيك عمري يهوني

ياسليل الأصاله والخصال العريقه

يااصيل المشاعر لو اقدم عيوني

ما اوفّيك حقك والحقيقه حقيقه

والذي زان صنعك ياللطيف الفتوني

شي مؤكد فراقك يالضنا ما اطيقه


اخوكم / رايق البال


~~~~~~~~~~~

قصيدة:ايها القلب كفاني

http://archive.omaniaa.co/showthread.php?t=173497

يسعد مساكم / صباحكم
لكل الأحبه اهدي ماخطه قلمي المتواضع ....

ايها القلب كفاني
منك شكوى وعتابا
وحنيناً وعذاباً
وبكاءاً وانتحابا
واشتياقاً لحبيب ٍ
زاد هجراً واغترابا
ياحبيبي ردّ روحي
ردّ عقلي والصوابا
فحياتي في يديك
وفؤادي فيك ذابا
كم نهيت القلب عنّك
ليت عن حبك تابا
كلما اوصدّت بابك
فتحت اشواقي بابا
انت لي اجمل حب ٍ
انت حرفي والكتابا
انت اشعاري وفنّي
انت لحني والربابا
فتلطّف بوصالك
وارحم الفلب المذابا
الف مره لك اشرح
ان بعدك والغيابا
يرهق القلب ويذهب
بفؤادي والصوابا
وختاما ً لك حبيّ
قبل موتي والغيابا

اخوكم / رايق البال

[رايق البال]

قصيدة : بيح مكنون قلبك

http://archive.omaniaa.co/showthread.php?t=185060

يسعد صباحكم / مساكم


لكل الأحبه اقدم هالمقطوعه البسيطه عسى ينال

اعجابكم ماخطه قلمي ...

بيح مكنون قلبك لا تداري غرامك

خل همس المشاعر للحبيب اتغّنى

اشرح الحال وضّح كلمّه عن هيامك

عن خفوق(ن) تولّع عن عيون اتمنّى

عن ليال(ن) كئيبه غاب عنها ابتسامك

عن حياة(ن) بدونه مالهااا اي معنى

علّ قلبه يقدّر لووووعتك وانسجاااامك

والهنا لك يناااااااادي ارتوي يامعنّى

ارتوي ياعويشق قد تحقق مرااااااامك

جااااك محبوب قلبك كلما الليل جنّى

جاك خل(ن) تودّه جااااك منحل عضامك

ارتوي من وصاله دام ظرفه تسنّى



اخوكم / رايق البال


~~~~~~~

قصيدة:تعبير الحروف

http://archive.omaniaa.co/showthread.php?t=186368

يسعد مساكم / صباحكم

لكل الأحبه اهدي ماخطه قلمي ...

الحكااايه تبتدي نظره وكسوف

صدفة(ن) ياصاح ساقتها الظروف

بعدها تبدأ علامات التساؤل

ويبتدي مشوار تعذيب(ن) وخوف

والخفوق تزيد دقاته وعينك

بعد رااااااحه صارت الدمعه ذروف

وكم تشارك نجمتك سهد الليالي

وكم تصبّر نفس ذوبّها الحسوف

ولا تغيّب تسرح بهوجاس فكرك

وتلتمس له العذر دومك له عطوف

ومن شكاتك والضنا ياما تكابد

ومن تصاريف الزمن ياماااا تشوف

هكذا الدنيا غريبه في التعامل

حد عااااايش بالهنا يصفق كفوف

وحد يشوف الويل من زود التياعه

عايش بهم(ن) وحرمان(ن) وخوف

ماهو قادر يسعد بلقيا خليله

كل لقيا صااااااااار يرهن بالظروف

ذي حقيقه كلها وتجسيد واقع

وهذا مابه جاد تعبير الحروووف



اخوكم / رايق البال

~~~~~~~~~~~

قصيدة: رضى الناس

http://archive.omaniaa.co/showthread.php?t=177529

يسعد مساكم / صباحكم

لكل الأحبه اهدي ماخطه قلمي ....

قالوا رضى الناس صعب(ن) اننا نناله

حكمه قديمه صدق من قالها والله

هذا لأجلك يقدم رووووحه وماااله

ولجلّك يجسّد عظيم الوّد والخلّه

يشري ودادك وتغدو كل آماله

يحمل همومك ويسعد روح معتّله

وان له تشاكي يقدّر واقع الحاله

مايستمع فيك قول الحاسد وعذله

وهذا يجنّد عليك الهّم وانكاله

دووووومه يدوّر لك الإشكال والذلّه

منّه تلاقي خسيس القول وافعاله

عنه تبعّد وحاااااااذرطبعه وأصله

الناس هذي وهذا الوقت واحواله

ناس(ن) تداوي وناس(ن) تبعث العلّه


اخوكم / رايق البال

[رايق البال]

قصيدة: الحلم

http://archive.omaniaa.co/showthread.php?t=182338

يسعد مساكم / صباحكم

لكل الأحبه اهدي ماخطه قلمي ...

تدثّر في سواد الليل وطفّى ضي قنديله

وحثّ الخطوة الهلكى تناصر دق خفقاته

يصبّر هاجس(ن) صوته بدت تعلا مواويله

يناظر (ع) البعد حلم(ن) لعلّه يلتقي ذاته

لعلّه يلتقي طيف(ن) يفكّ غموض تأويله

يحلّل رمزه المبهم وينهي طول مأساااته

تسربل بالصبر ثوب(ن) مراده يقتنص ليله

بها يرتاح من هم(ن) يزااااحم كل اوقاته

ولكن الهنا خاااانه فرش بالهّم منديله

غرز شوكه بكل قسوه وزوّد مر آهاااااته

رجع من رحلته واهن ضعيف(ن) ماإله حيله

تلاشى حلمه الزاااااايف على انغام أنّاته

لك الله ساري(ن) ليلك على حلم(ن) تنادي له

على حلم(ن) تلاشى وراح وتاهت عنك خطواته



اخوكم / رايق البال

~~~~~~~~
قصيدة: باهي الطله

http://archive.omaniaa.co/showthread.php?t=189044

يسعد مساكم / صباحكم

لكل الأحبه اهدي هالغنائيه متمنيا ان ينال رضاكم ماخطه قلمي ...


هلا بك باهي الطلّه

هلا بك وردي وفلّه

هلا بالغالي الغالي

هلا بسيد الحسن واهله

هلا بك باهي الطلّه

هلا باللّي تمنيته

وياما وكم ناديته

وبالأشواق ناجيته

وجمّ الشوق له كلّه

هلا بك باهي الطلّه

تعال اسكن بخفّاقي

تعال وطفّ اشواقي

بدونك تذبل اوراقي

وقلب المبتلي من له؟

هلا بك باهي الطلّه

احبك مووت لو تدري

وانته لي امل عمري

عظيم الشوق لك يجري

بدم المغرم المدله

هلا بك باهي الطلّه


اخوكم / رايق البال

~~~~~~~~

قصيدة:مسكين من خله بعيد

http://archive.omaniaa.co/showthread.php?t=399927

يسعد مساكم / صباحكم
لكل الأحبه اهدي بوح قلمي من بعض قديمي الذي نشر ..

مسكين من خلّه بعيد ..!!

ماينعرف عنّه جديد ..!!

حاله صعب .. فكره شريد

والعين ذوّبهاااا السهر

مقدر اعاند خطوتي

تسبق خطااااي لهفتي

انته مناااي ودنيتي

وياسيّدي كلّك نظر

رغم التباعد ياحبيب

واثق لقانا عن قريب

إمتى تحّن وتستجيب

وتعووود ياحلو الثغر

لاجتيني كلّك دفا

قلبي هدا جرحي شفا

وانت الوعد .. كلّك وفا

واناااا لوعدك منتظر

كلّي امل كلّي فرح

وينك يابو خد(ن) سمح

ياما خفوقي لك شرح

وانته تعااااملني بحذر

اخوكم / رايق البال

~~~~~~~~

قصيدة: يامن سكن قلبي

http://archive.omaniaa.co/showthread.php?t=421803

يسعد صباحكم / مساكم
دندنه ع الطاير من الرايق اتمنى تعجبكم ....

يامن سكن قلبي
واشتاق له وربّي
واشري وداده دوووم
وهو كل آمااالي
الراقي الغاااالي
اللّي اذا ماغاب
الشوق يلعّب بي ..!!!
يامالك الإحساس
اغليك دون الناس
امووت انا (ف) صوتك
واتووه (ف) سكوتك
ولا قلت لي قرّب
كلّي لك إيلبّي ...!!!
ارجوك حس فيني
تكفى وراعيني
واشري الذي يهواك
و (ف) وحدته ناداك
اخاف اموووت آناااا
وانته مهو جنبي ..!!!
اخوكم / رايق البال

[رايق البال]

قصيدة:اروع الناس

http://archive.omaniaa.co/showthread.php?t=449375

يسعد مساكم / صباحكم

لكل الأحبه اهدي ماخطه قلمي ...

هياّا تجلّى على اشواقي إتجلّى
اعطاك قلبي حقوق(ن) ماعطى غيرك
اعطاك واعطاك كل الحق تتغلّى
ياروضة الروووح ..لا تحبس ازاهيرك
خلّني اتهنّى بهذا الحب واتملّا
وخذ ود قلب(ن) حبيبي فاق تصويرك
واسقي صحاري جفافي يالغلا وهلّا
هلّ برذاذك .. وزوّد لي معاييرك
وارقص (ب) ميدان ذا الخفاق وتسلّى
مهما تباعدت .. مقبوووله معاذيرك
واللي خلقني حشا لله ما املاّ
منك ولا انساك لو تبعد مشاويرك
من غيرك انته ادللّ ياشذا الفلا ؟
يا اروع الناس في اجمل تصاويرك


اخوكم / رايق البال

~~~~~~~~~

قصيدة: عطني دقيقة يلي فيك ذابحني

http://archive.omaniaa.co/showthread.php?t=429404

يسعد مساكم / صباحكم
لكل الاحبه اهدي ماخطه قلمي .....

عطني دقيقه ياللّي فيك ذابحني

فيها اترجم شعور(ن) كنت له خافي

فيها افهْمّك بعض اشيااء وافهْمني

وفيها انتشارك شعور(ن) للأبد صافي

كثييراشياء واشيااء فيك تجذبّني

ياللّي بصدق النوااااايا للأبد واااافي

وافي ووافي وزين(ن) فيك سالبّْني

ولا مرّ اسمك اهوجس له ألا كااافي

كلّك (ع) بعضك ورّب الناسْ عاجبنْي

ولاقلت وينك؟ اجيلك راكض(ن) حافي

تعااال تكفي رجيتك شووف طالعني

ياللّي ببحر الهوى عووني ومجداااافي

تعال تكفى ابيك اليوم تنصرني

على شعور(ن) يأرّق جفني الغافي

تعال تكفى مذاق الهجر مرمرني

خلّني اعاند بشوفك حظي الجافي

انته خليلي .. منايه ومنّي وعنّي

وانته حبيبي .. طبيبي بلمسي الشافي

يا اجمل الناااااس بعثّرني ولملمّني

علّمني الشووووق .. كيف يهّز اطرااافي

اخوكم / رايق البال

~~~~~~~~~~

قصيدة:بس لو تجييين

http://archive.omaniaa.co/showthread.php?t=370625

يسعد مساكم / صباحكم
لكل الأحبه اهدي بوح قلمي ...
بس لو تجيييين ..
افرش لك الدنيا وروود
واخزي معك عين الحسود
ونرحل سوا ..
نرحل ولا يهّم المكان
نرحل ولا يّهم الزمان
الّلي يهّم نرحل سوا
وننسى معاناة السنين
بس لو تجيييين ...!!!
قالوا زمان
اللّي يحب مايستمع في الليّ يحب كلمة عذول
ومهما الهوى دربه تعب
ومهما تباعد واحتجب
يصبر ولو صبره يطووول
لنّه اكييد عنده عذر
وباين على دمعه الحزييين
بس لو تجيييين ...!!!
لك فدوة (ن) عمري اللّي راح
وعمر (ن) معك توّه ابتدا .. بك ابتدا
ومهما ابتعدنا يا غلاااااااي
اشتاقلك ..
اشتاقلك وانتي معي
اشتاقلك وانتي بعيييد
ولابد اجيك
لازم اجييييك
والقلب ذوّبه الحنييين
بس لو تجييييين ... !!!
اخوكم / رايق البال

~~~~~~~~~~
قصيدة:احبك والعليم الله (دويتو)

http://archive.omaniaa.co/showthread.php?t=446749

يسعد مساكم / صباحكم
من قديمي اللي نشر بالصحف على شكل دويتو بإسمي الحقيقي طبعا ...

- يقولوا لي تناسيتي
محبتنا وتقاسيتي
وياما وكم قاسيتي
ولجلْ هذا نسيتيني

- سألتك بالذي سوّاك
لاتسمع قول هذا وذاك
انا سرّك انا نجواك
وانته لي هوى سنيني

- هلا والله وغلا والله
يا اجمل ماخلق الله
احبك والعليم الله
بحب(ن) كم يضنيني

- هلا بك ياهوى بالي
يا اول حب والتالي
تدلّل قول ياغالي
اقدم لك ضيا عيني

- انا محتاج لك انتي
حبيبه مثلما كنتي
عسى انك تفهمّتي
غرام(ن) بان (ع) جبيني

- تطّمن ياهوى عمري
انا سلمّت لك امري
ومثلك فاض بي صبري
تعال اهنى وهنيّني

اخوكم / رايق البال

[رايق البال]

قصيدة : اتعبني الشوق والله وهدني فرقاك

http://archive.omaniaa.co/showthread.php?t=416399

يسعد صباحكم / مساكم
من جديد نلتقي وهلا وغلا بالجميع ...

اتعبني الشووق والله وهدّني فرقاك

ياللي غيابك تجاوز حاجزه صمتي

إبكل لحظه متى ما مرّ بي طرواك

قلبي إيتبعثر شظاياااا والسبب انتي

انتي وانتي وانتي وبالدنا لولاااك

ماصحت هم(ن) تلبسّني أيا انتي

اوااااااه يامن احبك موووت واتمناك

تشري غرام(ن) اصونه دوووم لاصنتي

مريت عابر بدنيا الحب و(ف) دنياك

لاباااان حبك ولا انتي يالغلا بنتي

ورديّت يائس ادوّر ديرتك ورضاك

علّك هواااااااايه تكوني هناك اوكنتي

ياشيخة الغيد ياللي لاشفت عيناك

احضن غرااامك ولو فيني تفنّنتي

للموت احبك واعزك واعشقك واهواك

يالّلي عن الغير بالخااافق تمكنّتي

اخوكم / رايق البال

~~~~~~~

قصيدة: هلا باللي علي اقبل

http://archive.omaniaa.co/showthread.php?t=405615

يسعد مساكم / صباحكم
لكل الأحبه اهدي آخر ماكتبت ونصّي الأخير لما بعد العيد
وعيدكم مبارك وسعيد مقدما ونلتقي على خير ان شاء الله ...

هلا باللّي علي أقبل
رشيق العووود
أمير الخووود
سليل الجووود
ولا منّه حكى لي شي
عليه اسلوب ماينملّ ...!!!
هلا باللّي علي اقبل ...

عليه ضحكه ترّد الروح
وتشفي الخافق المجروح
ولو عاااند وعذّبني
وبعثرّني ولملمّني
يظل الأجمل الأجمل
هلا باللّي علي اقبل ...

هلا باللّي انا احبه
ودربي للأبد دربه
وياما خافقي به ذاب
وضوّه بالجوى شبّاب
ولا منّي شكيت الحال
وما ألقاه من اهواال
وعاتبته يراعيني
ضحك لي وقال .. مابعقل ..!!!
هلا باللّي علي اقبل ...

اخوكم / رايق البال

~~~~~~~~~~

قصيدة : للبال روقه ودومه رايق(ن) بالي

http://archive.omaniaa.co/showthread.php?t=488065

يسعد مساكم / صباحكم
من جديد نلتقي ولكل الأحبه اهدي بوح قلمي ...


للبال روقه ودومه رايق(ن) بالي
وارقّص الحرف وبه اسجع واغنّي به

وللكل اهدي عقود اللؤلؤ الغالي
وجمّ المشاعر لمن روحي تنادي به

الراقي اللي بقلبي شامخ(ن) عالي
سيد العذارى .. رقيق الصوت يزهي به

له ضحكة(ن) آآآه ياويلي وضنا حالي
ولا هوتغنّج اموت اموووت واحْي به

اهديه عمري وحبي ومامضى وتالي

ولو يطلب الروح .. تتنفّذ مطاليبه

في زحمة الناس كم طيفه تهايالي
ولا خيّم الليل ياما وكم اهذي به

هو سيد القلب والمحبوب والغالي
وللموت احبه وله اهوى واداري به

اخوكم / رايق البال

~~~~~~~~~~~
قصيدة: امتى بتحس فيني

http://archive.omaniaa.co/showthread.php?t=473150

يسعد صباحكم / مساكم
دندنه ع السريع من الرايق اتمنى تنال رضاكم ...


امتى باتحسّ فيني
اني اموت واحيابكْ
وانك لي نظر عيني
ولي حلو القدر جابكْ
انا من هو يسلّيني
متى صكيت ابوابك
هلا بك متعب سنيني
كثر (م ) الشوق هلاّبك
رجيتك لا تخلّيني
اموت بسبّة غيابك
احبك يانظر عيني
واموت (ف) رفة اهدابك

اخوكم / رايق البال

[رايق البال]

قصيدة : انته السبب

http://archive.omaniaa.co/showthread.php?t=443277

يسعد صباحكم / مساكم
لكل الأحبه اهدي آخر ماكتبت ...

انته السبب ...
(ف) فراقنا .. انته السبب
ياما نصحتك راعني
ولدربْ وصلكْ دلّني
ولا جنّ ليلي ياهواي
خلّك حبيبي لي دفا
و(ف) جور ايامي وفا
وسراج ليلي ودنيّتي
لا نور احلامي طفا
بس انته مشكلّتك عنيد
ماتسمع إلا صوتك انتْ
وهذي النتيجه ياهواي
يابلسمي كان وشفاي
احنا افترقنا للأسف
ياللعجب .. ياللعجب ..!!!؟
انته السبب ...
يامن بعمري له شريت
واخلصت له وياما وفيت
كنت اتمنى بس تحسّ
وعينك تناظرني بأمان
وقلبك عليّ يغدقْ حنان
بس كل هذا ماحصلْ
حطمّت أشّرعة الأملْ
وماعاد شي يهمّني
إنْظلّ .. ولا نغتربْ
انته السبب .. !!!

اخوكم / رايق البال

~~~~~~~~~~~

قصيدة : لنا الله

http://archive.omaniaa.co/showthread.php?t=495253

يسعد صباحكم / مساكم

من جديد نلتقي ونص ع السريع كان واتمنى ينال رضاكم ...


لنا الله ..
والأماني اللي غزلناها
تلاشتْ والأسى خيّم بجلبابه

لنا الله ..
والخفوق اللّي شرى حبّك
تعبت اقْنعْه هجْرانكْ واسبابه

لنا الله ..
والعيون اللّي تناديلك
احبك موت يامن صكّ ابوابه

لنا الله ..
والليالي اللّي سهرناها
تسائلني ضناكْ الشوقْ واحبابه؟

لنا الله ..
والدروبْ الليّ مشيناها
تناديني وهجْرك عضّني نابه

لنا الله ..
وياعسى حبل الوصل يرجع
تبيني اموت .. ولا فيكْ احيابه ؟

اخوكم / رايق البال


~~~~~~~~~

قصيدة: عطني من وقتك دقايق

http://archive.omaniaa.co/showthread.php?t=452658

يسعد صباحكم / مساكم
دندنه ع السريع من الرايق اتمنى بوح قلمي ينال رضاكم ...

عطْني من وقتك دقايقْ
فيها لك احكي حقايقْ
واهمس بأذنك احبك
وانته تتبسّم ورايقْ

فيها يجتاحك جنوني
وابتساماتي وشجوني
وانته مثلي ياحبيبي
توقد ابْقلّبكْ حرايقْ

ياغرام (ن) فيك شفته
هاااك خفّاق(ن) ملكته
لاغبتْ عني دقيقهْ
بي وسيع الكون ضايقْ

انته غير الكلّ والله
انته للخفّاااق خلّه
ولك انا قلبي هديته
دون عن كل الخلايقْ

اخوكم / رايق البال

~~~~~~~~~

قصيدة : قوم خلنا

http://archive.omaniaa.co/showthread.php?t=433165

يسعد مساكم / صباحكم
دندنه ع السريع من الرايق وآخرماكتبت ...

قوم خلّنا ...
رغم الجوى
نشرب نخب
نرقص صخب
نسرح ونمرح بالحياه
ونعيش كل احلامنا .. قوم خلّنا ..!!!
قوم خلّنا ...
نعبر رصيف الأمنيات
تكتب احبك ياهواي
واكتب احبك يالحياة
وننقش على غيم الزمن
ان الهوى انته وانا
قد ضمّنا .. قوم خلّنا ....!!!
قوم خلّنا ...
رغم الظروف المتعبه
نسرح نجووول
( ف) دروب تاخذنا
لمرتع حبّنا
وبصوت واحد ياغلاي
نهتف سوى
لافرّق الله شملنا...
لافرّق الله شملنا...
لافرّق الله شملنا... قوم خلّنا ...!!!!

اخوكم / رايق البال

[رايق البال]

قصيدة : اهداء خاص الى أعز الناس (2)

http://archive.omaniaa.co/showthread.php?t=210179

بسم الله الرحمن الرحيم

( يا ايتها النفس المطمئنه ارجعي الى ربك راضية مرضيه

فأدخلي في عبادي وادخلي جنتي ) صدق الله العظيم ...

بعد فقدي لوالدتي منذ فتره ليست بالقصيره هاهو القدر يفقدني

والدي الذي انتقل الى رحمة الله صباح الخميس الماضي .. إنا لله وإنا

اليه راجعون .

بوح بسط لقلبي وقلمي مع اعترافي بأني مهما كتبت لن اوفيهما

حقهما من التبجيل والحقوق التي علي ...


ضاق الفضا ضاق واختلّت موازيني

ودهر(ن) صفالي بدا يظهر مدى حقده

ومن بعد الأفراااح ياكثر الحزن فيني

وياطوووول ماساااحة الأتراااح ممتدّه

لااا آخ لااا أب لااا أم (ن) تراعييني

دنيااااااي ظلمه وكفّ الهم منشدّه

والهمّ نوّخ ركااابه واظلمت عييني

من بعد فرقااااك ياسيف العطا وغمده

يابوووي ياللّي على الطيبه مربييني

والمرجله والوفاااا والصبر (ع) الشده

علمتني الحب واشري قلوب تشريني

وان الكرم والعزم مااااينفرط عقده

ومن فيض جودك شربت سنين وسنيني

ياتاج الأخلاق يا وعد الوفا وعهده

ياتاج راااسي ومن بالخير كاسيييني

فرقاك صعبه ومافيني غدت شدّه



اخوكم / رايق البال

~~~~~~~

قصيدة :اهداء خاص للغالي (بو سند)

http://archive.omaniaa.co/showthread.php?t=194180

يسعد مساكم / صباحكم

اهدي ماخطه قلمي لأخي الغالي بوسند متمنيا ان يمن الله عليه

بالشفاء العاجل من العمليه الجراحيه التي سيخضع لها عما قريب

وان ينعم الله عليه بالصحه والعافيه من الوعكه الصحيه التي يمر

بها حاليا .. والإهداء موصول لكل الأحبه اكيد ...


انت ادرى بالذي صار وجرى

انت ادرى بالذي باع وشرى

انت ادرى والذي كمّل خصالك

مارخصنا فيييك هامك بالذرى

مارخصنا فييك والموقف يجسّد

صادق الإحساس وعيونك ترى

مارخصنا فييك والموقف يبرهن

يوم كل(ن) باع لك قلبي اشترى

لا حشى والله مابعناااااه ودّك

في شراييني جرى حبك جرى

عيشها دنياك والدنيا تواصل

والصبر مطلوب لوعفت الكرى



اخوكم / رايق البال

~~~~~~~~~~

قصيدة: وينك

http://archive.omaniaa.co/showthread.php?t=515979

يسعد مساكم / صباحكم
من جديد نلتقي ونص ع السريع كان ...


وينك ..؟
تعبت انّطرْ
تعبت اسأل
تعبت القى عناوينك .. !
وينك ..؟
تخلّيني كذا وتروح
وماتسأل
ولا تشتاق
ولا قلبك عليّ يوله
وانا والشوق
نتقهوى
بقايا عشرة سنينك ..!
وينك ..؟
ألا يالهاجر الناسي
لأحبابك
ورب الكون احلفلك
احبك موووووت
وانته
آآآآآه يا انته
متى بس بي تحس انته
وعيني تلتقي عينك ..!
وينك ..؟
تصدق
من غبت عني
وانا كل ليله اتخيّل
بأي لحظه علي اتطّل
وتنثر لي ازاهيرك
واحكيلك مدى همّي
ويمسح دمعتك كمّي
وأهنى بطلّة جبينك ..!
وينك ..؟

اخوكم / رايق البال

~~~~~~~~

قصيدة: سلام يامن تعلى بالقدر والشآن

http://archive.omaniaa.co/showthread.php?t=465367

يسعد صباحكم / مساكم
من جديد نلتقي وبعض قديمي اللي نشر وكان اهداء لإحدى الشخصات الخليجيه وللأسف ما اتذكرها بشكل كامل ...

من ديرة المجد من دار المحبه عمان
يممّت دار(ن) سكن فيها رشيق العود
دار الأصاله ومنبع آخر الأديااان
دار(ن) حماها إلهي من زمن وعقود
سلااام يامن تعلّى بالقدر والشان
سيد العذارى مليك الناعسات الخود
سبحان من كملّك ياصويحبي سبحان
يابيرق الحب ياتاج الوفا والجود
جيتك اسلّم وارضي الخاطر الزعلان
جيتك وحرفي له سطوة برق ورعود
جيتك وحرفي يهلّ ابمدمعه هتّان
ومن التحايا اقدم نرجس(ن) وورود
لا هان قدرك ياسيد المها لا هان
فوق الثريا مقامك والجبال السود
اخوكم / رايق البال

[رايق البال]

قصيدة: المتصابي

http://archive.omaniaa.co/showthread.php?t=239966

يسعد مساكم / صباحكم

في البدايه كل احترامي وتقديري وإجلالي لكبار السن الذين منهم

والدي ( رحمه الله) فاللسن احترامه بالتأكيد .

ولكن هناك نوع من هالكبار للأسف لم يحترم كهولته وانه في

ارذل العمر ويتصرف بطريقه طائشه وكأنه مراهق !!!!

هالنوع كثييير شفته في سفراتي خارج السلطنه سواء بدول

عربيه او غير عربيه بكل امانه .

ربما قصيدتي هذه ينطبق عليها مايقال عنه الكوميديا السوداء

او المضحك المبكي في آن واحد ان جاز لي هذا التعبير ...

لكل الأحبه اهدي ماخطه قلمي مع كل تقديري واحترامي لكل من

احترم كهولته ...

كحل عينه وصبغ شعره بلون(ن) اسود(ن) فاحم

توقّع ذا السواد ايعيد شبابه بعدما شابا

يوااعد قلبه بسهرة (سوارييييه ) وبهنى قادم

مع الدشداشة السوداء يبشّر روح تتصابى

اخذ مع (بيجره) (نقالّ) وساعة (تايتن) وخاتم

مع( التانجو) رقص و(الفالس) وغنى مرمسي طابا

تعطر من عطر ( شانيل ) سبح به فعالم(ن) حالم

توكأ (ع) العصا ورجله تحّث الخطو تتغابى

تتغااابى عمر ولىّ وحياة (ن) تطلب الراحم

تناسى (دنجوان العصر ) سنين(ن) نورها غابا

غدا له بالعمر (سبعين) ولكن للأسف واهم

رمى رمشه وهو واثق فتح له بالهوى بابا

يناظر في وجوه الغيييد ويغمز طرفه الساهم

ولكن للأسف سهم(ن) رمى الصياد ماصابا

رجع من رحلته مهزوووم ولكن للأسى كاتم

يعّض من الأسى إيده حفر من عظّته نابا

ضحكت من الأسى وااانا اراقب ذلك الظالم

لنفسه والزمن والناس وللأعراف ماهاباِ


اخوكم / رايق البال

~~~~~~~~~

قصيدة: باقي ودادك

http://archive.omaniaa.co/showthread.php?t=187883

يسعد مساكم / صباحكم

هالقصيده كتبتها من فتره طويله شوي

لكل الأحبه اهدي ماخطه قلمي ....


ماشفنا منك غير هم وتكاليف

وشوق(ن) ضنا روحي ولوعه ووسواس

والعين من زود العنا بالمذاريف

تتبع خفوق(ن) دق له الشوق اجراس

وياما حملنا ياجميل التواصيف

عنّك ثقيل الهم ونقووول لاباااااس

وبك اكتفينا ياعقيد الخراشيف

وبك ارتضينا عن هوى كل ميّاااس

بس مالقينا منك يازين تنصيف

وين العداله ووين فهمك والاحساس

صدقّت فينا قول ناس(ن) مخافيف

وانت الذي خلناااااك للحق نبراس

وخلناك مثلي تصفق الكفّ تحسيف

وانك بدرب الشوق شرواي رماّس

بالهون ياراعي اللحاظ المراهيف

راعي الذي يهواك من دون مقياس

ومثلك فهيم(ن) مايبي اي تعريف

ولك نظرة(ن) فيها رزانه وكرياس

باقي ودادك في حشايه مراضيف

ولك منزل(ن) يرقى مديم(ن) على الناس


اخوكم / رايق البال


~~~~~~~~~

قصيدة : ليلة حب

http://archive.omaniaa.co/showthread.php?t=226801

يسعد مساكم / صباحكم

لكل الأحبه اهدي ماخطه قلمي ...


الحب عندي ليلة(ن) مالها شمس

فيها اتلاقى ارواح ولهى عشيقه

ليله بها يحلى التناجي مع الهمس

والظامي الولهاااااان يبتلّ ريقه

في ليلة(ن) نقطع بها الشك واللبس

فيها نعيش الحب علم وحقيقه

فيها نكااااايد عالم الجن والأنس

ومن كأسها الرقراق ننهل رحيقه

فيها نعوّض كل مافاتنا امس

ماهمّنا كلمة حسود(ن) وضيقه

انتي وانا والليل والخمس بالخمس

وكل منناّ حددّ معااااالم طريقه

انتي وانا والليل واشواقنا وبسّ

من فرحنا نعزف مشاعر رقيقه


اخوكم / رايق البال


~~~~~~~~~~

قصيدة: زهور المحبه

http://archive.omaniaa.co/showthread.php?t=218068

يسعد مساكم / صباحكم

لكل الأحبه اهدي ماخطه قلمي ...


سنين مرت وانا ارقب طلّة اعوامي

عليّ الاقي بعام(ن) مقبل(ن) حلمي

سنين مرت وانا اتمنااااااك الهامي

تحلّ بأرض المحبة وتنتشل همّييي

هذا الخفوق المعنّى يسبق اقدامي

وهذي العيون العطاشا تنتظر يميّ

تنطر بواااادر مطر تهطل بأيااااامي

وتروي زهور المحبة المورقة بدميّ

إنت الهنا والوفااااا عمري واحلامي

وانته ليالي الأرق يا حربي وسلمي

عطني دقايق لقا يروي بها الظامي

طول الجفا صاحبي للمنتظر يعمي

نورك بعامي حبيبي يرتقي هامي

وترياق جرح السنين المبحرة (ب)همي



اخوكم / رايق البال

[رايق البال]

قصيدة: اطلق سسرااحي

http://archive.omaniaa.co/showthread.php?t=183580

يسعد صباحكم / مساكم

لكل الأحبه اهدي ماخطه قلمي ...

كلمه اخيره شوفلك حل (ف) ظروفك

تهت (ف) وعودك وتاهت بي عناويني

دامك متقدر ويغلب لهفتك خووووفك

لا تعطني وعووود منها شابت سنيني

أما تجيني واهنى بهمسك وشوفك

او خلّ غييييرك يواسيني ويراعيييني

ترجم شعورك لوصل(ن) تكتبه حروفك

واسجع بصوووتك ولحّني وغنيني

خلني اتنااافض بشوق(ن) يعتصر جوفك

واذوووب في عالم الأموااات واحييني

يامن هويتك واثخن جرحي سيووووفك

اطلق سراحي اذا صعبه تناااااااااديني

خلنا انتفاااااااارق وهذا جمّ معروفك

ومسموووح ياللّي بليلي كم تبكّيني

يكفيك قلب(ن) صبر ياما على ظروفك

ويكفيك دم(ن) سفحته من شراييني



اخوكم / رايق البال

~~~~~~~~~~

قصيدة : الله علييييك

http://archive.omaniaa.co/showthread.php?t=168016


الله عليييييك
يسعد صباحكم / مساكم

لكل الأحبه اهدي ماخطه قلمي ...


الله عليييك انت مبعد وانت طرّاق

كلّك وفا كلّك عطا يحتويني

الله علييييك وانت بالشوق سبّاق

كلّك صفا كلّك دفا يعتريني

يامن هويتك والمعاشيق اذواق

يابلسمي ودواي يانووورعيني

انت الحبيب اللّي ترّبع بالاعماق

وانت الذي لا هلّ تمطر سنيني

وانت الذي لك دايم الدوم توّاق

وكلّي امل القاك وانك تجييني

اوااه ياللّي شاقني منك ماشاق

الله عليييك الله وانته قرييني

خذني وخلني ارتوي منك الاشواق

علّ وعسى ياصاااح يهدا حنيني

واللّي خلق هالكون مشتاق مشتاق

كلّي وله يازاارع الشوق فيني


اخوكم / رايق البال

~~~~~~~~~

قصيدة: وبعد تعتب

http://archive.omaniaa.co/showthread.php?t=200270

يسعد صباحكم / مساكم

لكل الأحبه اهدي ماخطه قلمي ...

ملحوظه : تم نشرها بإحدى الصحف العمانيه من فتره طويله وليست

وليدة اللحظه ..

( وبعد تعتب !!!؟ )


ومثلك مالقيت انسان

كثير الظلم له عنوان

سقاني من الأسى الوان

ولا همّه ضنا حالي

وبعد تعتب !!!؟


وانته القاضي الجلاّد

وانته الموت والميلاد

تقاربنا وظللّنا بعاااد

وخابت فيك آمالي

وبعد تعتب !!!؟

لقيتك جرح داويتك

وضمّدتك وراعيتك

وبالأشواق ناجيتك

وضنيتك سعد فالي

وبعد تعتب !!!؟

تعبت اشكي معاذيرك

واخلاصي وتقصيرك

وقلب(ن) ماهوى غيرك

وانته للأسف سالي

وبعد تعتب !!!؟

تذّكر كل شي له حدّ

اذا طوّل جفاك ومدّ

بدالك الف فرد وفرد

يضحّوا لجل امثالي

فلااااا تعتب


اخوكم / رايق البال

~~~~~~~~~

قصيدة: ليالي الارق

http://archive.omaniaa.co/showthread.php?t=257588

يسعد صباحكم / مساكم

لكل الأحبه اهدي ماخطه قلمي ....


جيتك بحسن نيه وجيتني بالعذاب

والتقينا وكل(ن) بالنوايا فرق !!

التقينا وقلبي كم تمنى وذااااب

تنشله من همومه .. من ليالي الأرق

المحبه بضميري شرّعت الف باب

والمشاعر تسامت وحنّ قلبي ورّق

احتويك بحناني واعذرك للغياااب

وكم خفوقي لأجلك الف باب(ن) طرق

فرق بيني وبينك يالوعود السراااب

توعديني بجنوبك.. وانتي سكنى شرق !!!

يالظلم المكابر .. ماكفاك اغتراب

مايكفيك عمر(ن) (م) الوجود انسرق!!

لانويت التواصل فزّ قلبي وطاااب

لك يزغرد شعوره في سطور الورق

ولا نويت التباعد والعنا والعذاب

لا تظنّه يعوّد لك خفوق(ن) غرق



اخوكم / رايق البال

[رايق البال]

قصيدة: منى دنياي

http://archive.omaniaa.co/showthread.php?t=230729

يسعد مساكم / صباحكم

اهداء خاص ...

حياك صوت(ن) بعد غيبه يناديني

حياك يا بلسم جروحي ومدميها

هلا بروح(ن) بكل حرقه تناجيني

ما قد تناست على الاطلاق غاليها

ضجيج شوقك تغلغل في شراييني

أحيا بهمسه مشاعر كنت ناسيها

لنه ّ وجووودك مؤكد سر تكويني

أهواااك يا من اليك الروح اهديها

ان غبت عني يضيق الكون في عيني

وان عدت عادت الى نفسي أمانيها
صحيح بعدك يعذبني ويشقيييني

ونار التياااعي عليك يزيد لاضيها

واشتاق ليل(ن) وهمس(ن) به تنسيني

هموم الأيام واشواق(ن) أعانيها
واشتاق قلب(ن) بكل الاحوال يشريني

وحب(ن) يعرّبد بأوصالي ويضنيها

واشتاق همسه على ما بي تواسيني

ونجوى مشاعر تطفي نار مشقيها
لكن مهما عظيببم الهم يكويني

تظلّ انته حياتي بكل ماااا فيها

يا حلمي اللي نطرته سنين وسنيني

ورووحي و منايه بأولها وتاليهاااا

اسعد عيوني بلحظات(ن) وهنيني

ضمّد جروح(ن) تصيح بحال مضنيها


اخوكم / رايق البال


~~~~~~~~~~~

قصيدة: دنيا عجيبه

http://archive.omaniaa.co/showthread.php?t=219715

يسعد مساكم / صباحكم

لكل الأحبه اهدي ماخطه قلمي ...


دنيا عجيبه كل(ن) بالدنا لاهي

الكل ّ يلهث ورا اللّي يسعده وحده

الكل ّ يلهث ورا الأموال والجاهي

واللّي تظنه حليفك ماحفظ عهده

والنذل ياحيف.. صار الآمر الناهي

والحرّ اصبح يشوف بدنيته شدّه

وخل(ن) صفالك وجوّ(ن) كان لك باهي

فجأه تغيّر ولك اظهر مدى حقده

ياهيييه ياللّي بملبوس الحسن زاهي

يامن تماديت في الإجحاف والصدّه

وظنّك اجيلك وانا عن قسوتك ساهي

واشري وصالك وكفّ الوصل آمده

الموت افضل اذا مسّ الخطأ جاهي

لا صدّ قلبي وربكّ مااااا إله ردّه

في نااايف العزّ اظلّ الشامخ الراهي

وفي مضمر الصبر صبري طوّفه حدهّ

دنيا دعتني ارددّ صرخة الآهي

اللّي بقلبيييي تعرّبد تطلب النجده


اخوكم / رايق البال


~~~~~~~~~~~
قصيدة: انقذيني

http://archive.omaniaa.co/showthread.php?t=162484

يسعد صباحكم / مساكم

لكل الاحبه اهدي نزف قلمي المتواضع ......

انقذيني من بحار الذكريات

واضيئ لي ليال ٍ مظلمات

واتركيني غافيا ً في مقلتيك ِ

واسمعيني من رقيق الهمسات

طائش ٌ كنت انا حتى عرفتك

فاغفري لي سيئاتي الماضيات

انتي من غيّر لي مجرى حياتي

بل ولي اصبحتي اغلى الأمنيات

كلما حاولت اشرح مابقلبي

من عذاب ٍ لا اجدها الكلمات

هل عرفتي الآن كم اني احبك

هل عرفتي سر تلك الهمسات


اخوكم / رايق البال

~~~~~~~~~~~
قصيدة: اوااااه من غيبتك

http://archive.omaniaa.co/showthread.php?t=164167

يسعد مساكم / صباحكم

لكل من استوقفته احرفي اهدي هالقصيده المتواضعه
مع شكري وتقديري التام له مسبقا .....


بعثرّني الشوووووق ياللي هدني غيابك

اما تجيني ولا اجيك انا كلّي

اما تجيني واموووووت (ف) رفّة اهدابك

ولا اجيلك وشووووقي بالحمّم يغلي

واصهرك بيها لعّل تحّس باحباااابك

وادخّلك عااااالم الآآآهات ياخلّي

واعلّمك كيييييف اذووووق المّر باسبابك

علّك تعيش وتحّس بواقعي مثلي

علّك تراااااعي خفوق(ن) دوم غنّابك

في تالي الليل وكل(ن) هاني ومسلي

اوااااااه من غيبتك اوااااااااااااه لغيابك

ياللي اشوفك بصدّك ناوي(ن) قتلي

خذني لحضنك تعبت اوقف على بابك

ولا انت يرضيك ناري بالجوى تصلي ؟



اخوكم / رايق البال