قصيدة: تعال اهنأ وهنيني
http://archive.omaniaa.co/showthread.php?t=290795
يسعد مساكم / صباحكم
غنائيه بسيطه كتبتها هي اشبه بحوار بين عاشق ومعشوقته اتمنى
ينال رضاكم هالدويتو ...
هو :-
يقولوا لي تناسيتي
محبتنا وتقاسيتي !!!
وياما وكم قاسيتي
ولجل هذا نسيتيني !!!؟
هي : -
سألتك بالذي سواك
لاتسمع قول هذا وذاك
انا سرّك انانجواك
وانته لي هوى سنيني
هو :-
هلا والله وغلا والله
يا اجمل ماخلق اللّه
احبك والعليم الله
بحب(ن) كم يضنيني
هي :-
هلا بك ياهوى بالي
يا اول حب والتالي
تدلّل قوول يالغالي
اقدم لك ضيا عيني
هو :-
انا محتاج لك انتي
حبيبه مثلما كنتي
عسى انك تفهمّتي
غرام(ن)بان (ع) جبيني
هي:-
تطمّن ياهوى عمري
انا سلّمت لك امري
ومثلك فاض بي صبري
تعااال اهنأ وهنيّني
اخوكم / رايق البال
~~~~~~~~~
مسبع زهيريات
http://archive.omaniaa.co/showthread.php?t=184121
يسعد مساكم / صباحكم
بصراحه صار لي فتره ابي انزل هالموضوع بس ألغي الفكره في آخر
لحظه .. شعر المسبّع او الزهيريات كما يطلق عليه احيانا بدول
الخليج يتكون من 7 ابيات فقط وكل 3 ابيات على قافيه وحده والبيت
السابع ترجع قافيته للبيت الأول .. هالفن مشتهر بالسلطنه اكثر شي
حسب توقعي بالشرقيه والباطنه وبدول الخليج بالكويت والبحرين
وبعض دول الخليج بس اقل عما ذكرت .. كما ان هالفن معروف
بالدول العربيه ويسمى مواّال اعتقد ..
فن المسبع او الزهيريات يعتمد على التلاعب اللفظي بالكلمه مثل
(سمًي ) سمي : قول بسم الله الرحمن الرحيم
سمّي : انطق اسم الشخص .. وهكذا كما ستلاحظون ادناه
في النصين اللي راح اقدمهن واتمنى ينالن رضاكم ...
النص الأول :
اوصل لداره ونادي بوصفه وسمّي
وصلّي على المصطفى ان شفته وسمّي
واحذر شراب العسل مخلوط به سمّي
قوله المولّع حشى ماكان لك سالي
وكيف يسلاك واسمك ياهوى سالي
ولا مرّ يوم(ن) وعنك القلب ما سالي
واسمع ردوده وقبل اتوادعه سمّي
للتوضيح :
سمي بأول بيت : قول اسم الشخص
سمي بثاني بيت : قول بسم الله الرحمن الرحيم
سمي بثالث بيت : السّم الزعاف
سالي بأول بيت : لم ينسى ويسلو
سالي بثاني بيت: اسم الشخص ( طبعا مجرد اسم لايعني لي بأي
شي لمزيد من التوضيح لا تقولوا بعد هذا هو اسم البنت اللي الرايق
يحبها ههههههههههه)
سالي بثالث بيت : لم يسأل ويبحث عنك الخ
النص الثاني :
يزداد شوقي اذا مالليل هلّ وجنّ
واقطع دروب(ن) خشاها كل انس وجنّ
ولجله تحملّت من قال المولّع جن
للحب ناسه وللميدان خيّاله
واللّي يحبه خفوقي دوم بخياله
ويحّن قلبي اذا ما لاح بخياله
ويزداد شوقي اذا مالليل هلّ وجّن
للتوضيح :
جن بأول بيت : حان قدوم الليل
جن بثاني بيت : مخلوقات الجن
جن بثالث بيت : مجنون
خيّاله بأول بيت : اصحابه او فرسانه الخ
بخياله بثاني بيت : طيفه وصورته الخ
بخياله بثالث بيت : شخصه وشكله على الطبيعه
اخوكم / رايق البال
~~~~~~~~~~
قصيدة: هلا باللي أنا احبه
http://archive.omaniaa.co/showthread.php?t=378931
يسعد صباحكم / مساكم
قصيده ع الطاير من الرايق اتمنى تنال رضاكم
لكل الأحبه اهدي ماخطه قلمي ....
هلا باللّي انااا احبه
هلا به ساكن(ن) قلبي
وربّي دنيتي غربه
بدوووونه غربه وربّي
(ف) بعده حالتي صعبه
ونار الشووق تلعب بي
خذاني شووقي لدربه
وشووقه جابه لدربي
تسامى حبي وحبّه
وحبّه لي مثل حبّي
وحلّق بالهوى سربه
وتخالط سربه وسربي
ووضّح كم إله رغبه
متى لاح الهوى غربي
وولّع باللقا وشبّه
بليله نارهااا اتشبّي
اخوكم / رايق البال
~~~~~~~~~~
قصيدة: نعم ساري على درب الهوى ساري
http://archive.omaniaa.co/showthread.php?t=330777
يسعد صباحكم / مساكم
اهداء خاص وبالتأكيد الإهداء موصول لكل الأحبه ...
نعم ساري على درب الهوى ساري
نعم ساري لجل من ودّهم شاري
لجل من ودّهم عندي غدا منوّه
بها احيا وتحيااا ذابل ازهاري
نعم ساري ونار الشوووق ماترحم
الى من له تحّث الخطوو مسياري
متى مالوقت آآآآلمني بسط يدّه
وعنّي كم يكااااابد لافح الناري
يصدّقني اذا (م) الكلّ لي انكر
وينصرني متى ماغاب انصاري
ولي واااااحه اذا ماقرّب اللافح
وينبوووعي متى ماجفّت انهاري
وكم اسراااار اعطيته وما بيّح
وكم اشجااان حملّته وهو يداري
ومهما فيه من احزااااان يكتمها
وكلّه شووق لا عني سمع طاري
لجل شوفه نعم ساري دجى ليلي
الى من هو بعتم الوقت انواااري
نعم ساري ونار الشوق بي تعصف
نعم ساري لجل من ودهّم شاري
اخوكم / رايق البال
رد مع اقتباس