قصيدة: ياناعم العود ياللي ملبسك زاااهي
http://archive.omaniaa.co/showthread.php?t=706573
يسعد صباحكم / مساكم
هلا بالجميع ...
لقاء جديد يجمعنا احبتي ونص بسيط للرايق ...
ياناعم العود ياللّي ملبسك زاهي
يافتنة الصبّ ياحظه وتوافيقه
يامن ملكني وصار الآمر الناهي
ولاغاب عني شكيت الهم والضيقه
يفداك عمري ألا يالحالي الباهي
ياللي عشانك حلال(ن) دمّي إتريقه
بك كامل الزين وانته بالغلا راهي
يامن لشوفك يزيد القلب تشويقه
كل المزايين دونك يالغلا اشباه
اسطع بنورك لشوف(ن) زاد تحديقه
زاهي وزاهي ورب العرش بك زاهي
هذا الجمال الذي يتعب معاشيقه
يانسل الاشراف وابن العز والجاه
من هو مثيلك ؟ وانته للنحل ريقه
بعدك تعبني وعنك ماغدا ساهي
قلب(ن) تمناك من جملة مخاليقه
لا جنّ ليله شكى الحرمان والآه
واتصافق الشوق واهتزت معاليقه
تعبت اناديك وانته ساهي(ن) لاهي
ماهي عداله تزيد الروح تغريقه
تعال واسمع حديث الفاه للفاهي
يامن عطيتك خفوقي مع مواثيقه
وخذها حقيقه كلام (ن) قالته اشفاهي
واللي خلقني فراقك آه ما اطيقه
ياسكري انت واشواق الجوى شاهي
كلّي انتظار(ن) لوعد(ن) طال تحقيقه
اخوكم / رايق البال
~~~~~~~~
قصيدة: تصدق عاد
http://archive.omaniaa.co/showthread.php?t=626510
يسعد مساكم / صباحكم
هلا بالجميع ...
لقاء آخر يجمعنا ايها الأحبه ونص ع السريع كان ...
تصدق عاد ..!!؟
انا من يوم حبيتك
وصوبك شالني قلبي
وعنك ماخفى حبي
كثير اوقات اتسائل
تحبني ولا مب داري
بشوق (ن) حطم اسواري
تصدق عاد ..!!؟
تصدق عاد ...
كثير اوقات اتبسّم
لامنّي تذكرتك
وذكرت همسك وضحكاتك
واشواقك وزعلاتك
ولا منّي بغيت احكي
تناظرني واتلعثم
تصدق عاد ..!!؟
تصدق عاد ...
ياما وكم نتخاصم
وياما وكم نتفارق
ولكن ياكثر ياما
نعود ونحضن الأشواق
وفينا كل شي توّاق
وعاذلنا اصم ابكم
تصدق عاد ..!!!؟
اخوكم / رايق البال
~~~~~~~~
مسبع زهيريات (4)
http://archive.omaniaa.co/showthread.php?t=697108
يسعد مساكم / صباحكم
هلا بالجميع ...
التقينا منذ فتره مع هذا الفن الرائع والذي سبق وقدمت عنه شرح موجز وايضا قدمت فيه
عدة نصوص كما هي على الروابط التاليه مع الشرح :
http://omaniaa.co/showthread.php?t=551581&highlight=
http://omaniaa.co/showthread.php?t=344736&highlight=
http://omaniaa.co/showthread.php?t=367471&highlight=
واليوم نلتقي مجددا ونصوص ع السريع كتبتها لهذا الفن الرائع
والذي يعتمد على التلاعب اللفظي للكلمه اتمنى تنال رضاكم ..
النص الاول :
ياللي تباعد ولا فكر يجي مره
وراح وتناسى لذيذ العشرة ومره
وقصر خطاويه عن دربي ولا يمّره
حبك سباني ونظرة عينك ولحظه
ولاغاب طيفك عن المشتاق لو لحظه
وانطر مرورك لداري لحظة(ن) لحظه
عل وعسى تحن وتجيني ولو مره
النص الثاني :
يامن لأجلك خفوق المبتلي ساري
واحس طيفك على يمناي ويساري
وبالشرايين حبك يالغلا ساري
ياكل اهلي وياحلّي وترحالي
يامن اهوجس بإسمك كم وانا لحالي
ومن فرقتك آآآه كم والله ضنا حالي
بترجع لمضناك ولا يظل لك ساري ؟
اخوكم / رايق البال
~~~~~~~~
قصيدة: تعال اشربك كأس الغرام ولهفة المشتاق
(صوتيه+فيديو)
http://archive.omaniaa.co/showthread.php?t=593874
يسعد مساكم / صباحكم
هلا الجميع ...
في البدايه الف شكر ولاتكفي لمن تعب معي كثيرا وقام بمونتاج واخراج هذه القصيده ...
له عظيم امتناني وتقديري وعذرا من الجميع لرداءة الصوت لأن سجلتها بالفون وسنحاول
مستقبلا ان شاء لله ان يكون القادم افضل واجمل من شتى النواحي ...
تعال اشرّبك كاس الغرام ولهفة المشتاقْ
تعال اشْربني ياخلّي وصبّ الحب (ب) اقداحي
تعال انّعلّم الدنيا هوانا والعشق سرّاقْ
تعال انّلملم اجراح السنين ونكتب الباقي
من ايامي وايامك ليال( ن) عطرها إغراقْ
على مر السنين انته تظل الوافي الراقي
ابيها ليلة( ن) تروي معاليق الجوى التوّاقْ
ابيها ليلة( ن) تضوي امانينا بالاشواقي
احبك موت ياخل( ن) تملّك من خفوقي وساقْ
لي الاشواق سوق اللي نوى بالحب إغراقي
سريتك هاجس( ن ) يلظي عتيمي واللقا برّاقْ
سريتك دنية ( ن) دونك وربّي كونها ضاقي
هويتك انت ياملهم خفوقي لذة الاشواقْ
هويتك انت يا من لك خطاوي الروح تنساقي
نعم انته تظل انته لوحدك ساكن الاحداقْ
ومتربّعْ حنايا القلب والوجدان (ب ) اعماقي
عسى ربيّ يجمعنا ومايكتب علينا افراقْ
اموت ولا افترق عنك ياكل الناس (ب) احداقي
اخوكم / رايق البال
الرابط الصوتي + الفيديو
http://www.arab4load.info/downloadf-...33331-wmv.html
رد مع اقتباس