قصيدة :أنا وانتي
http://archive.omaniaa.co/showthread.php?t=558490
يسعد مساكم / صباحكم
من جديد نلتقي ايها الأحبه واتمنى ينال رضاكم هذا البوح البسيط ...
انا وانتي وشوق(ن) عذّب الخافق
انا وانتي وعين(ن) دمعها دافق
وذكرى حب رغم اللي يقولونه
لها ياشاغلي في مهجتي عابق
وقصة شوق مع دقّات خفاقي
ولو اخفي لها في هاجسي ناطق
وعمر(ن) انتهى وضاعت مراسيله
وعمر(ن) ابتدا بالشوق يتسابق
انا وانتي وكل(ن) مننا يخفي
تباريحه ويرقب ظلمة الغاسق
انا وانتي وكل(ن) مننا يصرخ
بآهاته ويطلب رحمة الخالق
اخوكم / رايق البال
~~~~~~~
قصيدة:مساك رايق
http://archive.omaniaa.co/showthread.php?t=477933
يسعد صباحكم / مساكم
للجميع اهدي آخر ماكتبت ...
مساك رايق ...
ياللّي الكون من بعدكْ
علي ضايقْ
مساك اشواقْ
ولهفة خافق (ن) تواّقْ
اليك إيْحّن وينادي
وكم لك يالغلا يشتاقْ ..!!!
مساك رايق ...
حبيبي والمسا انته
وصباحي ودنيتي انته
انا لازلت يا اغلى الناس
لحبك مخلص وعاشق
ودوم بخافقي صنته
ولو دمعي غدا حراّقْ ..!!!
مساك رايق ...
ألا ياساكن عروقي
ومجرى الدم
ضناني الهّمْ
تعبت القاك
واناظر طلّتك واسّْرح
بدنيا الحب والعشاقْ ...!!!
مساك رايق ...
ألا ياصويحبي وينك ؟
إلكْ ابعث مراسيلي
لعلّك تسمعه نجواي
وتخفّف من عنا بلواي
ورب الكون لك حب(ن)
سكن فيني غصب عني
ودومه طيفك وحسّك
علي ياصاحبي طراّقْ ..!!!
مساك رايق ...
اخوكم / رايق البال
~~~~~~~
قصيدة : للحب ناسه
http://archive.omaniaa.co/showthread.php?t=468368
يسعد صباحكم / مساكم
من جديد نلتقي ايها الأحبه ومع بعض قديمي اللي نشر والظاهر ماعندي جديد هالأيام اكتبه ههههههه ...
سلااااام يامن بشّدوه ذكّر الناسي
شدّوك ذبحني وراقتني اساليبه
شبيّت ناري وحرفك دغدغ احساسي
وذكّرتني بالذي غابت مواجيبه
آنا مثيلك ياما شبّ هوجاسي
وياما زماني لي اهدى اعاجيبه
قفلّت باب الهوى واعلنت افلاسي
وعاندت قلب(ن) ياما وكم يهذي به
في مجلس الحب لي حظوه ونبراسي
لا قلت صديّتْ .. ابدْ لاتساورك ريبهْ
آصد وانا الرفيع العالي الساسي
ماهمني الوقت لو زادت تكاليبه
حرفي تعلّى ورقّص كل ميّاسي
وكل العذارى ياما وكم تسري به
ومهما بقلبي تدق اشواق اجراسي
محال امشي بدرب(ن) كنت ماشي به
دامه تغلّى انا لي دربي وناسي
ومن باع حبي علي تحرم مشاريبه
بدنياك تلقى كثير اجناس واجناسي
نقّي وتخيّر ونااظر طبعه وعيبه
للحب ناسه وللأشواق مقياسي
ماكلّ من حبْ صدقنا اكاذيبه
اخوكم / رايق البال
~~~~~~~
قصيدة:عطني قلب
http://archive.omaniaa.co/showthread.php?t=527195
يسعد مساكم / صباحكم
نصي الأخير الى ان نلتقي من جديد ان شاء الله ايها الأحبه ...
عطّني قلبْ ...
وخذ قلب(ن) معذّبني
رغم هجرك يناديلك
رغم بعدك يغنيلك
ولا منّي بغيت انسى
يرّن ف مسمعي
صوتك
ووجهك باهي الصوره
يناظرني
يشاغبني
وزعلاتك
وضحكاتك
بصّم القلب محفوره
وربّي ماقويت انسى !
عطني قلب ..
عطني قلب ...
يروح عني ويتحمّل
ويبعد عن سما ارضي
ولا يشتاق او يسأل
ولا هزّه ضجيج الشوق
ولا حب(ن) سرى بعروق
ولا دمع (ن) يهلّه الموق
عطني قلب ...
عطني قلب ...
حبيبي والوعد انته
وكل الشوق لك انته
وكل الحب لك انته
وكل العمر لك انته
وذكرى آآآآه كم تدمي
حكايه انته وحبك
اشوفك في مراياتي
ف خطواتي
بكل وقتي ولحظاتي
ف ليل(ن) كلما قرّب
امووت من الوله والشوق
واهيم بكل حالاتي
حبيبي والذي سواك
بك اموووت انا وأحْيا
عطني قلب ...
اخوكم / رايق البال
رد مع اقتباس