رد مع اقتباس
ههههههههههههه
أشهد انك فضحت وعريت واقعا مخجلا حاصلا في دنيانا ..
يا خي محمد ذا الزمن بو فوطه
من بره يلمع ومن وراه احلوطه
جيل(ن) غريب(ن) تايه(ن) في دربه
بدنيا مشت به ف الهوى مغلوطه
ما واصل العـشـريـن وصـايـر عـاشـق
وكلن هوى في دنيته شمروطه
بالفون يرمس والمسج له طايب
وعند الصبح يحذف جميع اخروطه
يومين عاش في ذا الوهم واستبدل
وكلها أموره معفسه ومخلوطه
ولا جيت ذيك البنت لي يهواها
كلها دلع والصوت وحده فروطه
وفي مشيها لي مشتهي يتفرج
بنت الهوى وكل(ن) رماها بنوطه
تسرح بليل لين الفجر بالفندق
متهنيه وامورها مقلوطه
ولا ردها للبيت ذاك الجعري
ما حد سألها وين هذي الحوطة ؟!
وإن حد سألها جهزت له الكذبة :
كنت مع صديقتي الغاليه فطفوطه
ما حد نجح في ذا الزمان بحبه
كل(ن) رسب واعلن علوم سقوطه
ولو جيت تحسب من نجح في حبه
نسبة فشلهم بالعدد مضبوطه
أول هوانا لا تجينا رسالة
او هاتف(ن) من لحظة(ن) ممروطه
نحضن كلامه ونبتهج ونغني
ونرفع تحية عسكري بسلوطه
الله يا ذاك الزمان وأهله
يوم المشاعر في السما محطوطه
سعيد مصبح الغافري
سامحني أخي الغالي الشاعر المبدع / محمد العمران نصك هذا المبهر الجمال الهب فورا نار قريحتي
لله باسك من شاعر فارس لا يشق له غبار في الميدان تشرفت وباعتزاز كبير أن أكون أول من يمر على هذا الالق
دمت جميل الشعر والروح
المشاركة الأصلية كتبت بواسطة ســـعـيد مصــبـح الغــافــري
