رد مع اقتباسالمشاركة الأصلية كتبت بواسطة أم سعاد
ما شاء الله عليكم ام سعاد
أنتم كنتم عالم ثاني ههههههههههه زين انكم ما كبرتو على كذا ههههههههههه
ولا كان ما بنحصل ديدان وطيور خاطفة هههههههههههههه
يسعد صباحكم بكل خير .. موضوع جميل يرجعنا إلى الماضي الجميل
يالله لو تعرفوا طفولتي قمة في الجنون والمغامرات نعيش حياة سعيدة بسيطة
من ذكرياتي نبني بيوت من الكراتين والاثاث قواطي
عاد إذا حد منا انجرح نركض نسوي له تراب طبعا ما نعرف مو السر في التراب
وبعد أتذكر نتمرجح في اطراف النخيل
وناكل دود مال طفخ الدبي ووووع
وناكل جراد نشويه
وعصافير صغار نجيبهن من العش ونذبحهن ونشويهن
وذكريات كثيرة حلوه وطفولة ولا أروع فيها نقاء وأمان
الحياة لا تعطي دروسا مجانية لأحد
فحينما تقول أن الحياة علمتني
تأكد بأنك دفعت الثمن ..
ما شاء الله عليكم ام سعاد
أنتم كنتم عالم ثاني ههههههههههه زين انكم ما كبرتو على كذا ههههههههههه
ولا كان ما بنحصل ديدان وطيور خاطفة هههههههههههههه
كان جيل متوحش نعم
بس الحمدالله عدت ذك المرحلة وكلنا بخير.. تبقى ذكريات جميلة
الحياة لا تعطي دروسا مجانية لأحد
فحينما تقول أن الحياة علمتني
تأكد بأنك دفعت الثمن ..
مرحبا من جديد أم الهنوف ...
لما كنت بالصف العاشر كان دايمآ معلمات التوجيه ينصحونا كيف نختار المواد اللي بندرسها بيوم من الأيام المديرة عملت محاضرة وجاء زوار من خارج المدرسة وتكلموا عن الإختيار والأخطاء اللي يوقع فيها الكثير من الطلاب تجمعنا كل صفوف عاشر أول وثاني وثالث ورابع في غرفة التوجيه وأول سؤال انطرح بالمحاضرة ( ما الوظيفة التي تتمنى تتوظفها لما تكبر ؟) البعض قالوا معلمة وبعضهم قالوا طبيبة ومهندسة ومحامية ...إلخ .. لحد ماجاء الدور عند وحدة من البنات وقالت تحلم تكون ممثلة خلف الشاشة سألتها المعلمة كيف يعني ؟! قالت أتكلم بصوتي في المسلسلات الكرتونية 😩 بدون ما أظهر ع شاشة التلفزيون .. المهم جا دور من بعدها للوحدة ثانية وردت بأنها تريد تكون معلمة خلف المدرسة واللي بعدها ممرضة خلف المستشفى .. وإحنا راجعين الصف وحدة تقول بصير فلاحة خلف المزرعة وحدة تقول بصير محامية خلف المحكمة ههههههه ..!
لما كنت بالصف الثالث عمري 9 سنوات يعني بنهاية السنة صار حفل تكريم للطالبات الحافظات من جماعة حفظ القرآن الكريم وطبعآ أنا ما كنت من ضمنهم ولما ينادون أسماء البنات أنا أحترق من الداخل غيرة مع شوية حسد .. الحمدلله ما رحت وخربت هداياهم المهم خلصت السنة وبالسنة اللي بعدها شاركت وحفظت جزء عم بس ما كله كان تفكيري متحور حول الحفلة والمعلمات لما يصورنها لدرجة أن بالبيت أتدرب على المشية كيف لما بتكرم بالطابور أمشي جدام البنات ^^الأخت عبالها عرض أزياء ههههه
المهم أن سوو الحفلة ولكن بقاعة المدرسة ما بطابور وجا واحد وكرمنا وقالنا استمروا عن هذا التميز والهدية كانت كتاب لحماد عجرد !!! ما عجبتني كتاب أكبر من عمري ولشعر والدواوين أنا ما أحب هالنوعية من الكتب هذا إذا كنت أحب الكتب أصلا ... لما جا صف خامس مرت طالبة على الصف تكتب أسماء البنات اللي حابين يشاركوا بالمسابقة صفنا فيه 30 بنت ولا وحدة شاركت .. كان تعليق الأستاذة ع هالموقف كنت عارفة بعض البنات يشاركون بس عشان الهدايا ما مهتمين بالحفظ ولا كأن حفظ كتاب الله هذا بروحه هدية !!
قبل لما كنا صغار بالحارة كل البنات يتجمعوا بنات عايلتنا وبنات جيرانا وأعدادنا توصل 20 بنت من مختلف الأعمار .. كنا نلعب لعبة اسمها صياد ولعبة ثانية اخترعناها ومسمينها سلينقو وطاق طاق طاقية رن رن يا جرس وأنا الأم بحميكم وفجور .. نتجمع كلنا الساعة 4 العصر في أرض فاضية وواسعة والشباب كانوا يلعبون كرة قدم في أرض فاضية بعد بس بعيد عنا المهم صاحب الأرض اللي الشباب يلعبون فيها قرر يبني البيت !! المهم بنفس الوقت تجمعنا ورحنا هناك وحصلناهم يلعبون في موقعنا ولا سوو لنا سالفة وما رضوا يتحركوا .. بذاك اليوم خذينا إجازة ورحنا غي اليوم اللي بعده وبعدهم محد هم وجلسنا نلعب بعدين جو هم وطردونا من ملعبنا ..! فهنا عاد مصخت السالفة رحنا وخبرنا عليهم عمي هو صاحب الأرض وطلعهم من هناك وهم معصبين طلعتنا عشان ذيلا !! .. وانتصرنا عليهم ع فكرة ألحين بنوا ملعب حليو عشانهم
وقت ما كنا بالمدرسة كان فيه نظام بالباص البنات الصغار جدام والكبار من صف ثامن لعاشر ورا .. والصغار ضد هالقرار فعشان يصلبوهم شوية خلوا رئيسة للباص وقت الظهر لما بينصرف الكل وإحنا بالباص جات المديرة مع مساعدتها والإخصائية ع أساس يختاروا رئيسة للباص بس المشكلة ولا وحدة من البنات وافقت إنها تكون الرئيسة فضطروا يختارون أي وحدة سواء كانت موافقة أو لا ووقع الإختيار على بنت هادية ومستحيل تقول لوحدة جلسي جدام أو ورا .. حرك السايق الباص راجعين للبيت البنات يتمسخرون ويمزحون مع البنت يالله يا الرئيسة يالله بتظبطنا اونه شوية وسكتوا وبعدين جلسنا انسولف وكذا شوية ولا تقولها وحدة ثانية ياااااالله يالرئيسة وتصررررخ في وجها لحد ما صاحت هذيك ..
أيام الإختبارات النهائية بالصف التاسع بمادة الدراسات الإجتماعية كانت وحدة من الطالبات مريضة والكل منشغل بورقته وهيه تسعل والمراقبة تعطيها ماي تسعل وتعطيها ماي المهم البنت رجعت بقاعة الإختبار .. فمراقبتنا راحت عند الباب تزقر حد من المعلمات ع أساس ينادوا العاملات بهذا الوقت اختبصوا البنات اللي تلف ورقتها ع الثانية واللي تسولف مع غيرها لدرجة أن بعض البنات تبادلوا بالأوراق الإختبار الكل طالع منه فرحان باليوم الثاني يقولولها عشان ترجع مرة ثانية يريدوا يغشوا ما سدهم ههههههههه
ضوابط المشاركة