مع احترامي و تقديري الشديدين للمحشي طبعا
هذي معاناة ست مصريه مع المحاشي ����
☆•• نفسي اوى دلوقتى اقابل الست الى اخترعت المحشى بجد نفسي اقابلها عندي مليون سؤال محتاج اجابة
انتى كانت ظروفك ايه يعنى و انتى بتفكري فى اكلة زى دي يعنى كان عندك فراغ ؟! جوزك متجوز عليكى ؟ مطنشك ايه بالظبط
عندك عيال ؟!
مش هاسالك عن التنظيف بعد التجهيز و الكلام ده
بس ازاى جالك قلب تقفى تسلقى كرنب و تلفيه
و تقوري كوسة و بتنجان و تحطي فيهم رز و هو كان فى مقوار زمان اصلا
وليييييييييييييييييييييه
3 انواع خضار ... ها ليييييييييييييييييه
جوزك اتشملل وجابلك كرنبة قطعيها واعمليها شربة
اتشملل وزرع كوسة اطبخيها يا اما
اتشملل وجاب بتنجان خلليه ياحاجة
زرع ورق عنب عشان يقعد فى الظل حبيتي تنكدي على امه وتشيلي الورق الى عامل ظل عشان الشمس تحرق قفاه احنا مالنا بمشاكلكم العائلية دي ارمي الورق ما تطبخيهوش !!!!!
ذنب امنا ايه نفضل نجهز فى اكلة 8 ساعات هاتخلص فى 10 دقايق
سؤااااااال أخير
مافكرتيش فى الاجيال الى هاتتعذب بعدك !
مافكرتيش فى واحدة مسكينة زيي هاتدعي عليكى مع كل لفة صباع كرنب و تقوير الكوسة والبتنجان
روحي يا شيخة منك لله
������������