(((((( العمر مقفي والمنايا مقابيل )))))

[نسر البوادي]

العمر مقفي والمنايا مقابيل

كل وماجابه نصيبه وفاله

والشاعر اللي مايوقف على حيل

يدفع على قصيدته من حلاله

سلام تسليم من البحر للنيل
يهب له ريح الشمال بشماله

يسوق ريح المسك والبن والهيل

والعود الازرق والعلوم الجلاله

على الاصيله فالجة صبح الاصيل

صدر الشمال وعين نجد ودلاله

عسى السحاب اللي تمثنى الاقاذيل
يصب في راحة يديها خياله

من غيرها يستاهل العشب والسيل
الا نواة الارض مهد الرساله

اللي غزاها من غزاها على الفيل
واظلها ربي عنه في ظلاله

شعر ماقيل بصيهد رماح ماقيل
تنسد أذاني سامعه عن مجاله

دار لها قيمه وحشمه وتبجيل
يحدها في الصدر جاله وجاله

تنهل من امجاد ( السبيه ) مناهيل
هاك القراح اللي شربنا زلاله

وتنبت فخر ماهيب تنبت محاصيل
وتبرز من خيار السلايل سلاله

ينرد عنهم في الزمان الاقاويل
فرسان ابو تركي وصفوة رجاله

كله لعين ام الرموش المظاليل
ياما نطحنا دونها كل قاله

ياللي تحذفون الجبل بالفناجيل
مدري تغرفون البحر بالبياله

غنوا على موال مطولك ياليل
واخذوا على عض النواجد وكاله

المجد في حد السيوف المصاقيل
والا الجموع اللي تقاتل بساله

تنقص من دونه شوارب رياجيل
وتسقط جلاله لجل هيبة جلاله

علم يحفظه جيل ويعلمه جيل
واطرف جواب لمن عطانا سؤاله

وقفاتنا تشف الكبود المغاليل
ورجالنا ينطح قبيله لحاله

نميل للبارود في عجة الخيل
مثل الشمالي يوم ميل عقاله

نارد على حوض المنايا مصاطيل
من غينا معطينها للثماله

لنا من الهيبه فيالق واساطيل
ولنامن المجد الاصيل الاصاله

ولنا من السطوه وش طيور ابابيل
الا مع ابابيل عمه وخاله

اللي تسوي في العروبه اسرائيل
حرب على المله وبطش وضلاله

واللي نسوي عدلة الميل بالميل
جهالة ترد كيد الجهاله

حنا هل الغلبا الدهاه الحلاحيل
عدونا يقعد على الارض عاله

اليا رضينا للعداله مداهيل
واليا زعلنا مانعرف العداله

يا من كيانك مش حالك وتظليل
اسرع من ارماشة عيونك زواله

اقرب مثل ماعاش ( توقيع ابا الخيل )
عاش المليك وصورته في ( رياله )

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تسلين اختي نواره مرورك العطر اسعدني وكلك ذوووق

[مجنونك ما يخونك]

[حبي خالص]

ابداع متواصل أخي
لا خلا ولا عدم رقي ذائقتك

[نسر البوادي]

مجنونك تسلمين اختي مرورك العطر اسعدني وكلك ذووووق

[نسر البوادي]

حبي خالص مرورك العطر اسعدني اختي يعطيك الف عافيه وكلك ذوووق

[رايق البال]

هلا فيك نسر ..
نص واختيار جدا عذب وراقي
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

[نسر البوادي]

تسلم استاذي رايق البال مرورك الراقي اسعدني
وشكرا لتزيينك الصفحه بالنجوم الخمس وكلك ذوووق