يعني لو يرضيك اموت لكٰن ترجعين/

[نوارة الكون]

يعني لو يرضيك اموت لكٰن ترجعين







تتركيني ! ماقدر افتي واقول : انه حرام
لكن اللي اقدر افتي فيه جرحي و الحنين
يعني صار الحين همك تتركيني والسلام
ماحسبتي حساب عيش وملح و معاشر سنين
ماخطر في بالك اني ممكن اتعذب وانام
نومة ماعقبها ... الا صلاة الميتين
مو حرام ان تاخذيني لحم تمريني عظام
يعني ناقصني جروح الا تجين وتجرحين
خلي عندك لو شوية ذوق وشوي احترام
مو كذا من الباب للطاقه ياحلوه ترحلين
شايفتني طفل ولاّ كنت مو قد المقام
لا بغيتك ماتجين ولا بغيتيني تجين
لو ابفعل مثل منتي تفعلينه بالتمام
صدقيني مثل ماستحملت .. ماتستحملين
بس انا واحد اقدر شي يسمونه غرام
مبدأي : من حبني مره احبه مرتين
كيف سميتي علاقتنا معزه وانسجام
والشعور اللي احسه هو شعور العاشقين
حاجه اكبر من حكاية حب واسطورة هيام
سجلتني في سجل : المغرمين الضايعين
من ضياعي صرت احس اني اعيش الانفصام
بين شخصية مراهق طايش و شايب رزين
الله اكبر كنّ مالي واحد وعشرين عام
شايل الدنيا على راسي ونفسياً حزين
تايه ومابين عاطفتي وفكري اصطدام
ضعت مدري ليه ؟ ولاّ كيف ضعت ؟ ولجل مين
يتهمك الجرح .. وانا اقول ليه الاتهام ؟
الضلوع اصلاً ضلوعي وانتي اللي تطعنين
يعني لاشرهه عليك ولا عليك اية ملام
ولا يردّك عن طعوني والضلوع الا اليدين
سوي اللي مابدالك لو تجاوزتي النظام
صَك ملكية حياتي معك لا تترددين
اجرحيني واعرفي مادام لله الدوام
ميّت مهما تكون اسباب موتي .. بأي حين
طالما ماني بخير وحالي اسوأ مايرام
تكرم الدنيا واهلها .. وعيشتي من اجل عين
وبعد هذا وبعد كل اللي سمعتي من كلام
وبعدما دنقت راسي لجل اكفكف دمعتين
وبعدما حطيت نفسي بين جدران وظلام
وبعدما عديتك انتي الاهل .. والناس اجمعين
وبعد كل اللي لقيتي من رعاية واهتمام
وبعدما حسستك انك غير وطينك غير طين
وش تبين اكثر عشان اثبت لك انّي كالحطام ؟
يعني لو يرضيك اموت ؟ اموت لكن ترجعين ؟

[نسر البوادي]

تتركيني ! ماقدر افتي واقول : انه حرام
لكن اللي اقدر افتي فيه جرحي و الحنين
يعني صار الحين همك تتركيني والسلام
ماحسبتي حساب عيش وملح و معاشر سنين
ماخطر في بالك اني ممكن اتعذب وانام

الله الله عليك ياذوووق ابيات ولا اروع يعطيك الف عافيه

[نوارة الكون]

تتركيني ! ماقدر افتي واقول : انه حرام
لكن اللي اقدر افتي فيه جرحي و الحنين
يعني صار الحين همك تتركيني والسلام
ماحسبتي حساب عيش وملح و معاشر سنين
ماخطر في بالك اني ممكن اتعذب وانام

الله الله عليك ياذوووق ابيات ولا اروع يعطيك الف عافيه

اسعدني مرورك اخي الفاضل
دمت في حفظ الرحمن

[حبي خالص]

اختيار ذوق غاليتي
يعطيك الله العافيه

" نص يستحق النجوم الخمس "

[نوارة الكون]

اختيار ذوق غاليتي
يعطيك الله العافيه

" نص يستحق النجوم الخمس "

اسعدني مرورج اختي الفاضله
دمتي في حفظ الرحمن

[مجنونك ما يخونك]

[نوارة الكون]

اسعدني مرورج اختي الفاضله
دمتي في حفظ الرحمن

[رايق البال]

هلا فيك نواره ..
نص واختيار جدا رائع وجميل
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

هلا فيك نواره ..
نص واختيار جدا رائع وجميل
الف شكر لجهدك واختيارك وتفاعلك الجميل
طابت مساءاتك ..

اسعدني مرورك استاذي الفاضل
دمت بحفظ الرحمن ورعايته