الجزء الثاني
الفصل الثالث
حياة انصدمت جدا من موقف محمد....
وبكت كثييير ...انربط لسانها ما عرفت شو تقول له....
وطلعت من غرفتها عشان تهدي ولدها ....
وجلست وحدها...ولا تكلمت اي كلمة مع محمد.....
محمد بعد ساعه
جاء وتأسف من حياة....
قال لها....
اسف ...والله انفرطن اعصابي...ولا انتبهت لنفسي...
اسف ...اخر مره....
حياة ما ردت عليه اي رد....
فضلت الصمت....
مرت الايام
ومحمد صار يكرر نفس الحركه...
من ينزعج منه ويشوف حياه تعبانه ...
يصفعه
يمكن السبب هو صمت حياة من المرة الاولى ...ويمكن هو متأكد ان حياة ضعيفة ما تقدر تقول له اي شي...
حياة مثل الي خلاص اصابها انهيار عصبي.**
وتعبت نفسيا كثييير ....
صارت ما تتكلم كثير...ولا تبدي اي ردات فعل
خصوصا لمحمد...
ولا تزور اهلها ...ابدا ...حتى هم مندهشين جدا من هذا الامر ...ومن يسألوها تجيب علل..
مره تعبانه ومره كذا ...كل مره شي ...
جاء العيد....وما راحت تزور اي احد ...
لا اهل محمد ولا اهلها....
كان في داخل حياة صراخ مكتوم ...وعتب ولوم....
كأنها ندمت من زواجها من محمد....
وكأنها...تحس ان السبب اهلها....
هم في السبب في كل شي....
لانهم هم خلوها تتزوج محمد.....
حست ان كل شي ضدها..
ابتعادها عن الناس بسبب ان
احساسها ليش انا بس ولدي الي ينضرب
ليش ....؟!
كانت تشوف الكل سعيد ...
وهي لا ....
بالرغم ان الكل يفتكرها تعيش في اعلى قمم السعاده....
محمد كان كل مره يضرب فيها اواب
كان يجي ويبرر ويعتذر
ويقولها ما اقدر اشوفه يتعبك
وهي ما خرجت من صمتها ..
وما انفعلت في وجهه...
لانها خلاص اصبحت ...ما تطيق حاجه اسمها انفعال...
اصبحت اعصابها بارده
مره تصير مشدوده طول الوقت ومره بااااارده
صارت تفهمه ان كل الاطفال كذا
وتقوله لا تضربه...
بس محمد في كل مره يعتذر
وفي كل مره يضرب اواب
يعني طفل عمره شهر ونصف
علامات الضرب في وجهه...
وفي بعض الاحيان ...
كان يضغط باصابعه ع فك اواب
من كثر ما منزعج من بكاءه...
وكان يسببله علامات....
حياة تعبت من الكذب ...تعبت تخبي ...
كل ما احد يشوفه تقولهم
مره طايح...مره انا بالغلط عورته ....كل مره تجد كذبه... كله عشان لا تشوه بصورة محمد
تعبت من كل هذا
حياة كل مره تكون في سريرها مستعده للنوم
تقرر انها يجي الصبح
وتروح بيت اهلها وتاخذ ولدها من هذا الوحش ...
بس كل ما يجي الصبح ....
تتراجع خوف منها....
مشكلة ان حياة وضعت توقعات ...واجابات لاهلها....
هي اصبري ....وما يلك الا بيت زوجك...وفهميه...
وتفاهمي معه .....
تبريرات واهيه......لا تسمن ولا تغني من جوع
هي تعرف كل هذا .....وعملته.....
هي محتاجه احد ياخذها بس هي وولدها....ويقولها ...
ولو على موتي ما بترجعي.....
جاء موسم خريف صلاله ....واصبح عمر اواب 3 شهور....
اواب كل ما يقترب منه ابوه ...يسوي حركه غريبه...
يتنفس بقوه وخوف ويفتح عيونه باتساعها كامل
وهالشي يعصب بمحمد....
لان في مرات يكون يريد يلعب معه......وهو يسوي هالحركه خوف ...بيعصب محمد وبيضرب اواب...
قال محمد لحياة....
خلينا نفتح صفحة جديده....وانا اوعدك ما بضرب اواب ...
وخلينا نروح صلالة...تغيري جو ...وتتحسن نفسيتك...وترجعي مثل اول واحسن ....
اقتنعت حياة....
ورسمت في بالها ...ان الحياة بترجع مثل اول واحسن ....والي خلاها تتفائل
ان محمد من خطط للرحله....لحد راحوا في الطريق ووصلوا صلالة...ما ضرب اواب ابدا ....
مر اول يوم بسلام ....ثاني يوم وهم فيها....
طبعا كل ما حبيت تجلس في صلاله راح تدور مكان مناسب وجميل ...وصعب خصوصا مع الزحمه بسرعه تحصل مكان حلو....ومحمد يبحث عن مكان واواب صار يبكي .....
محمد عصب ...قال لحياة سكتيه الان ....
لا يجيه شي مني ....
وحياة حاولت تسكته وسكت.....
وصلوا للمكان المقصود و محمد صورها هي واوب صوره حلوه
وقالها صوريني انا وهو نفس الصورة...
اخذ محمد اواب
وسوى نفس حركة الخوف ورفضه ان يشيله والده....
ومحمد عصب جدا ....وصار يضرب اواب بطريقه غريبه وهمجيه....
حياة صرخت وشالت ولدها ..وقالت له رجعني البيت ...ما قادره اتحمل....حياة خلاص قالت برجع بيت اهلي ...مستحيل اكمل خلاص ...
انا ظلمت ولدي بتأخري انا السبب...
اتمنى يعجبكم هذا البارت
واتمنى اشوف
توقعاتكم وتعليقاتكم
الف شكر