قصيدة عن الاخوة

[سحابة ممطرة]

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدرب و النور طافي

همي بقلبي يالخوي اتعب الحال
دمعي بعيني رقص اليوم قافي

انت الرفيق اللي بهالكون ما مال
لا ضاق صدري منهم القاك لافي

ترى غلاك اليوم ثابت و لا زال
و لا عاد ابي ربع القلوب المقافي

خذني يمينك وابشر بذرب الأفعال
لأمشي معك لو وين كان انجرافي


أقسم قسم انك على الراس تنشال
خذ من قصيدي وشوف جل اعترافي

[رايق البال]

هلا فيك سحابه ...
نص واختيار ولا اجمل
الف شكر لجهدك واختيارك وتفاعلك الجميل .. كلك ذوووق

[عملاق الشعر]

سحابة ممطرة


نص جميل


سلمت يداك المبدعة وذوقك الراقي

[بــوح مغــترب]

ما كل حكيٍ يا ابيض القلب ينقال
و لا كل عمرٍ من شقى الحال غافي

قالها خلف قبله

لو كل ما يطري على البال ينقال
ما كنت أحس أن الثقيله ثقيله

بالفعل ذائقتك دائما كالسحابة الممطرة

[حبي خالص]

سحابه نص حميل كالعاده
لا خلا ولا عدم روعة اطروحاتك وتفاعلك
الف شكر عزيزتي

[مفآهيم آلخجل]

ذآئقة رآئعة
إنتقآء مميز
كل آلشكر لك!