بعد الفقر حطت شريحه وجوال

[اسطورة الثلج]

بعد الفقر حطت شريحـة و جـوال=يسعـد مسـا جوالهـا و الشريحـة

كانت تجينـي تشتكـي قلـة المـال=وتصيح لا جا طاري الفقر صيحـة

تقـول أبويـه دايـم الـدوم رحـال=وأمي كبيـرة سـن دايـم طريحـة

وأنت الوحيد اللي لك القلـب ميـال=دايم يصارحني و أنـا لـه صريحـة

طفلة وأنا معشوقهـا بيـن الأطفـال=جريح حب و طاح له فـي جريحـة

كنا سوى نرسم علـى التربـة آمـال=وأحـلام تقتلهـا الحيـاة الشحيحـة

كم دمعة كانت علـى الخـد تنهـال=وإذا نزلت ضاقت علـي الفسيحـة

الله كم صرخة .. و همسة .. و موال=الله كـم جـادت علينـا القريـحـة

الله كـم بـيـت كتبـنـاه يخـتـال=وأقول أنا ضيدان وانتـي المليحـة

نخيل لو ما ف السما بـرق وخيـال=وانكذب الأيام لـو هـي صحيحـة

وتقول لا حطيت لك بشت و عقـال=وسخر لك الرحمن عيشـه مريحـة

أخاف تتركنـي علـى عثـرة الفـال=للفقـر و وجيـه الحيـاة القبيـحـة

وحبيتهـا بيـن الخلايـق و الأزوال=حب يطـول الوقـت محـد يزيحـه

وسلمتهـا قلـب تباريـه الأهـوال=وطاح الخفوق و طيحة القلب طيحه

راحت و خلتني مع القيـل و القـال=شاعر صواريـف الدهـر تستبيحـه

ودار الزمان و غير الحال بالحـال=وجاها الزمان بكـل ورده و شيحـه

فلة و خدامـة و لكـزس و جـوال=وأنا عجزت ادفع رسـوم الشريحـة

[أميرة الروح]

نص جميل جدا راقت لي كلماته
بارك الله فيك عالانتقاء

[اسطورة الثلج]

اشكر مرورك الكريم اختي

[حبي خالص]

الله الله
اختيار ذوق عزيزتي
يعطيك الله العافيه

" نص يستحق النجوم الخمس "

[نسر البوادي]

اسطوره ابدعتي اختي ابيا ت فاقت الروعه وانتقاء اروع ياذوووق

[الشيخه الفلانيه]

،






قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته