بدايات الجروح

[صدى صوت]

على مفرق بدايات الجروح ودمعة المقهور
عرفت إن الزمن لا شان وجهه مات آمالي

أشوف الحزن ما خلا على وجه البسيطه نور
أجر الصوت و أغني على جرحي وترحالي

أوسع خاطري و أدري تضيق من الهموم صدور
وعسى الله مايطول ضيقة الخاطر على بالي

على كثر إتجاهات الوسيعه مالقيت اعبور
أشوف الكون بعيون الجريح وغربته جالي

على كثر المواجع والأسى ياحظي المعثور
أمني خاطري و أضحك من همومي على حالي

أخفي بعض مافيني وبعضي لا حكى معذور
مادام العمر ماوقف على حزني ولا أطلالي

أنا ما ألوم أغصان الشجر لا ودعت عصفور
مادام العش ذكرى وش بقى للريح تغتالي

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وأنا مآ أملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي

يطول الصمت ماحرك على بيض النوايا سطور
و أنا مهما تناسيت الزمن لابد يطرالي

[حبي خالص]

اختيار جميل استاذ
يعطيك الله العافيه وكلك ذووق

" نص يستحق النجوم الخمس "

[الشيخه الفلانيه]

،






قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً !