^-^ شعورٌ يلامس نبضي °~° ®

[Raba]

ما راح تلقوني عاد استودعكم الله لان فاينل اجزتم تاريخ 7/11 وقررت أغلق النت شوي لا سبلة ولا غيره ... كونوا بخير ووفقكم الله

[Raba]

دخلت ما صبرت عنكم أدري ما أحد فاقدني بس أنا فاقدة نفسي في هالمدونة ..

المهم ليه الشخص الي تريدة احتمال ما يريدك والشخص الي ما تريده يريدك ياخي معادلة صعبة ..

المهم غيرت نظام الدواء وصرت اخذ تابلس وحده أحس بألم أخف ولكن أتعب بزيادة ربي يجعله خير .. بدأت أكل وحده بتاريخ 30/10 وفي يوم ما أكلت فيه الحبوب ..


اليوم كنا ربشة مسوين جلسة بنات وانتقلنا إلى نقد وشبكت مع وحدة بس كلامها كان صحيح نوعا ما ولكن تفكيرها غلط ..

المهم حلو الواحد ينتقد ويفهم الانتقادات الموجه له ع الأقل يحس انه غلط ويحاول يصحح من نفسه وأحد الانتقادات اني انا قيادية جدا هو إيجابي وسلبي في نفس الوقت .. المهم أدركت خطئي وحلو الواحد يراجع نفسه خاصة إلي مثل حالتي ..


المهم أريد أوقف علاج تعبت ياخي ..ربي يرزقنا الصبر ويتقبل منا يا رب .. ويشفي مرضانا ومرضى المسلمين ويشفيني يا رب ..

المهم كيفكم يا جماعة الخير

[Raba]

أكثر شيء ممكن احتاجه أختي ودي اصارحها من قلبي بكل شيء يصير معي ودي ارتاح ..

الشي الي بداخلي كبير وما متحملته ودي بس تنصحني شو ممكن أسوي .. تعرفوا أحياناً تبين لناس قوتك مع إنك ضعيف جداً ضعيف .. أتمنى لو العالم تتفهم نفسك ودواخلك وتسمع لك ...

المهم فيما يخص الاختبارات اجلت احد الاختبارات لشهر الجاي وبقية الاختبارات راح تبدأ من يوم الإثنين وربي يوفق الجميع ..

[Raba]

الخير يكمن في ذواتنا ويظهر من جراحنا تارة .. وتارة أخرى وبل ويغلبها الكثره يكون صفاء قلوبنا هو منشأ الخير

[Raba]

أغبى شيء إنك تستشيري ولد في هوشت بنات بيخورها لك ويهدم كل العلاقات هههههه .. لانه احتمال يعطيك استنتاجات غبية هههه

فبليز بنات مواضيعكم الخاصة ونزاعاتكم لا تستشيروا فيها شباب ما واعين ترا بيخبصوكم فوق حدر ههههه

ودمتم سالمين

[Raba]

السلام عليكم ورحمة الله وبركاته ....
هلا بيكم جماعة انا جيت وجبت لكم البلاوي ههههه
بكلمكم بعدين المهم وقفت علاج بتاريخ 14/11 مع آخر اختبار كنت اظنة آخر اختبار بس ما علينا .. المهم قررت ما أخذ حبوب لأن الالم يزيد وطلبت من أمي تسويلي موعد مع الدكتور عبدالله في عمان وعسى الأمور طيبة لان حاليا يعني وضعي شقولكم ما حابته بس كله خير إن شاء الله انا بحاول اجهز كل الفحوصات وعلى تنفرج هالمسألة .. المهم اشتقت اشخبط في مدونتي وأشكر كل من يدعي لي بالخير عسى ربي يرزقكم الخير ويفرجها علي وعلى كل مريض وكل مهموم .. وصح كبريت وعقلت وصرت ازعل ياخي ما اعرفني صايرة نفسية ههههه لا تكلمني ممكن اضاربك يعني لا امزح بس كذا طفره صايرة معي مال مناقر

[Raba]

هلا جااايز كيفكم اشتقتولي ... غصب عنكم (*˘︶˘*)
شو بقولكم بس ملل الأوضاع في ملبورن غريبة من يومين حارقتني الشمس حراق ودرجة الحرارة واصلة 34 درجة سيليزية وامس واليوم إمطار والجو برد برد صدقي 18 درجة الحرارة وأقل .. سبحان الله ... المهم اليوم كان في معرض تعريفي واحتفال اليوم الوطني في لاتروب بندورا حماس شوي استانست واكلت حلوى وعرسية أهم شيء ههه .. بس نزل مطر وضاعت علينا الحفلة ..

تعرفوا أول مرة أشوف حادث قدام عيني في استراليا الحمدلله كنت بعيد ولا كان جاني نصيبي بس ربنا حفيظ سبحان الله بس المنظر فظيع لون السيارة حمراء ذكرني بحادث وفاة شخص اسمه جمال توفى قدام عيني للحين اتخيل السيارة لما كانت منقلبة والدم ولابس كان دشداشة بنيه ومبين على ملامحه انه عسكري وطالع من الحجز والأكيد كان ينزف راسه مع إن السيارة انقلبت فيه مرة وحدة لكن الأعمار بيد الله ربي يرحمه ويغفر له ويرحم موتانا وموتى المسلمين يا رب .. نسألك ربي حسن الخاتمة .. تعرفوا أنا أقولكم هالوصف وكأني أشوفه الحين قدامي مع العلم الحادثة صارلها 5 سنين يمكن أو اكثر

[Raba]

صح شكراً لترقية بصراحة استحيت توقعت بترقى بس ما عبالي هالفترة لأني أخذت اجازة واوضاعي كانت مو كويسة نسبيا .. المهم شكراً لمن رفع اسمي لترقيات ومبارك لي .. وفقكم الله

[Raba]

هلا جماعة كيفكم ؟أخباركم ؟

المهم شقولكم ياخي اليوم مضايقة لأن رايحين الشوبنج وما يريدوا يتسوقوا وانا اكره اتسوق طبعا هم منصدمين أوين في بنت ما تحب تتسوق طيب نتسوق ما نتمشى هم ما جايين يشتروا شيء ...
تو فيني صداع برابر الحين طلعنا من المول وشكله بنروح البحر لأني مضايقة في الغالب طبعي مرح بس صايرة هادية وهذا يقهره...

بخبركم كيف تقهروا احد خلوه يكلمكم واسمعوا له حاولوا تشوفوا في نقطة معينة وابتسموا الي يكلمكم ينقهر لانه يحسب انه يكلم نفسه

[Raba]

هلا جماعة كيفكم أخباركم ؟

في مشروع راح ابادر في اقامته مع دكتور أسترالي نهدف أن يكون هناك تواصل بين الطلبة سواء العمانيين أو الأجانب مع الثقافة الأسترالية ونفس الوقت إيجاد أصدقاء وتعلم لغة بشكل أفضل وبفترة زمنية قصيرة .. والدراسة تكون بشكل مرح ..

راح امسك هالمشروع بس أحس بالخوف لأن ذا مسؤولية وفي نفس الوقت ودي أضع بصمة لي في المجتنع الأسترالي عشان يعرفوا شو يعني عماني وكيف هي ثقافة العماني ..وربي يوفق الجميع

بس يصير كل شيء بخبركم بالتفاصيل لأن يوم الثلاثاء تكلمت مع دكتور بيتر واوجدنا الفكرة اليوم ناقشنا الفكرة اكثر وأدق وفي أجتماع مرة يوم الأربعاء بيني وبينه وبين سماهر خريجة ماستر وطالبة عمانية .. ويوم الجمعة دكتور بيتر راح يتكلم مع القنصلية حتى نحصل دعم سواء حصلنا دعم أو لا راح نبدأ وراح نأسس ما أتفقنا عليه ..