بفضل من الله خلصت دراستي وعقبها باسبوع طلبوني في الخدمه العسكريه
احتمال حفل التخرج ما احضره حتى

اهم شيخذينا الشهاده وارتحت من هم الدراسه وعقبال الدارسين والدارسات ان شاء الله اتخرجون
بمعدل يرفع الراس

وايد ناس مخبصين من سنه واكثر يقوللنا بتشتاقون للكلاسات والتعب والسهر وهم الدراسه
بس انا احس انه هالرمسه كلها جذب محد يشتاق للتعب اضافه الى ذلك الحمدالله
عن نفسي شفت مراحل الدراسه كلها في متناول الايد مافيها تعب فوق الطاقه
كل شيكان اموره طيبه ••••••

عاد اتريا اخلص دورة العسكريه وبستلم وظيفتي وبجي اكون دخلت مرحلة يديده فحياتي
عسى بالتوفيق لي ولكم